Առաջին հայտով բուհ չընդունվելը մի´ սարքեք ազգային ողբերգություն. իմքայլական պատգամավոր

Այսօր Ազգային ժողովում բուհ չընդունված դիմորդներն ու նրանց  ծնողները հանդիպում են ունեցել իշխանական և ընդդիմադիր խմբակցությունների  պատգամավորների հետ՝ քննարկելու բուհերից դուրս մնացած դիմորդների հարցը: «Իմ քայլը»-ից հանդիպմանը մասնակցում էր Լիլիթ Ստեփանյանը, «Լուսավոր Հայաստանից»՝ Աննա Կոստանյանը:

«Դիմորդների ընդունման նոր կարգը, որը սկսել է գործել այս տարվա մայիսի 28-ից,  չէր կարող հետադարձ ուժ ունենալ, քանի որ դիմորդները մայիսի 25-ից են սկսել հայտեր ուղարկել: Նոր կարգը վարչապետի կողմից ստորագրվել է մայիսի 25-ին, ուժի մեջ մտել՝ մայիսի 26- ից: ԿԳՄՍ նախարարը, որը երեկ Պետրոս Ղազարյանի հաղորդման հյուրն էր, նշել  է, որ ինքը դեռ ապրիլ ամսից այդ նոր կարգին ծանոթացրել էր դիմորդներին, իսկ ապրիլի 30-ի  լայվի մեջ էլ ցույց է տալիս, թե ինչպես է ինքը փորձում ներկայացնել նոր կարգը: Այդ դեպքում, եթե կառավարությունը որոշում չի կայացրել, ինչպե՞ս է ԿԳՄՍ նախարարը խոսում այդ կարգի մասին: Սա օրենքի խախտում է: Մենք երբեք չենք ասել, որ այս քննությունները համարվեն առ ոչինիչ, հիմա էլ չենք ասում, թեպետ օրենքի կետեր են խախտվել՝ կապված ժամանակամիջոցի հետ»,- նշեց դիմորդներից մեկի ծնողը՝ Մասիս Բաբալյանը:

Ըստ նրա՝ ԿԳՄՍՆ և ԳԹԿ-ի աշխատակիցները շտապել են և շտապողականությունից ելնելով՝ սխալներ են թույլ տվել. «Ամոթ բան չէ, դա տղամարդկություն է, թող բարի լինեն, ընդունեն իրենց սխալները և ասեն՝ այո, ժամկետների հետ կապված խնդիրներ ենք ունեցել և մրցակցությունից դուրս մնացած դիմորդների հարցը այլ կերպով կլուծենք»:

Դիմորդի ծնողը այս ամենի մեջ միտումնավորություն է տեսնում, քանի որ  Բրյուսովում բացվել են նոր թափուր տեղեր. «Պրն. Թամրազյանը վերջին հանդիպման ժամանակ դիմորդների երկու ծնողներին առաջարկել է դիմել Բրյուսովում նոր բացված տեղերի համար, քանի որ դրանք ավելի հետաքրքիր են, քան այն բաժինները, որոնք նշել են,- նշեց Մասիս Բաբալյանը:

Մեկ այլ դիմորդի ծնող Հասմիկ  Աղաջանյանը անդրադարձավ ԿԳՄՍ նախարարի այն հայտարարությանը, որ ֆեյսբուքյան ուղիղ եթերի ժամանակ անդրադարձ է եղել այդ փոփոխություններն. «Իմ երեխան պարտավոր չէ դիտել նախարարի ուղիղ եթերը՝  փոփոխությունների մասին իրազեկված լինելու համար: Եկեք չմոռանանք, որ մենք գործ ունենք երեխաների հոգեբանության հետ և այսօր ես էդ երեխաների բերանից լսում եմ «չկա արդարություն» արտահայտությունը»,- նշեց Հասմիկը:

Պատգամավոր Աննա Կոստանյանը իր խոսքում նշեց, որ կողմ է իրենց կողմից բերվող բոլոր պնդումներին, որ նախարարությունը, որպես լիազոր մարմին,  թույլ է տվել սխալներ և հաշվի չի առնվել մի շարք հանգամանքներ, որոնցից ամենակարևորը թագավարակի առկայությունն է, ինչպես նաև մեկ քննության հանգամանքը:

Քննարկման վերջում Լիլիթ Ստեփանյանը ամփոփելով իր խոսքը՝ ասաց. «Առաջին տարում, առաջին հայտով բուհ չընդունվելը անձնական կամ ազգային ողբերգություն մի՛ սարքեք, խնդրում եմ ձեզ: Ես անընդհատ նշել եմ, որ Հայաստանը փոքր երկիր է, մենք չունենք բավարար ռեսուրս և յուրաքանչյուր դիմորդի ու ուսանողի խնդիր, քանի դեռ վերջնական լուծում չի ստացել, մեզ համար շարունակում է մնալ խնդրահարույց: Այսօրվա մեր հանդիպումից հետո երեք խմբակցության անունից  նախարարությանը  նամակ կուղարկենք»,- նշեց Լիլիթ Ստեփանյանը:

Ըստ նրա՝ թարմացումները նորմալ են և դավադրություն փնտրելու կարիք չկա:

Այս թեմայով Հիշում ենք և պահանջում․ Կանադայի ԱԳ նախարար Նարեկ Ադամյանը նշանակվել է «Հայաստանի հեռուստատեսային և ռադիոհաղորդիչ ցանց» ՓԲԸ տնօրեն Անհանդուրժող ենք լինելու համակարգում կոռուպցիոն որևէ դրսևորման հանդեպ․ ՆԳ նախարար Պացիենտն ինքը կորոշի՝ որ ԲԿ-ում հետազոտվի, պետբյուջեի գումարները ՊՎԾ-ի հետ վերահսկում ենք․ նախարար Արմեն Գրիգորյանը և Ֆինլանդիայի ԱԳ նախարար քննարկել են ՀՀ-ԵՄ հարաբերություններին առնչվող հարցեր Արշակ Կարապետյանին բոլորս սպասում ենք Հայաստանում. Արշա՜կ, տու՜ն արի. Անդրանիկ Քոչարյան Այս անկանոն կրակոցները չեն նպաստում խաղաղության գործընթացին․ ԱԳ նախարար Նախարար Մխիթար Հայրապետյանն այցելել է «ՍոֆթԿոնստրակտ» ընկերություն Դասարաններում կկրճատվի աշակերտների թիվը․ ԿԳՄՍ նախարար Նախարար Ժաննա Անդրեասյանն այցելել է «Թատրոն տանիքում» այլընտրանքային թատրոն