Նիկոլ Փաշինյանի ձեռքբերումները 5-ով նվազեցին

Մայիսի 16-ին կայացած ասուլիսում Նիկոլ Փաշինյանը հրապարակել էր չորրորդ «100 փաստը»: Փաստերի շարքում Նիկոլ Փաշինյանը անդրադարձել է նաև բենզինի և դիզելային վառելիքի գնային տատանումներին: Իր 47-րդ փաստում նշում է. «2019 թվականին դիզելային վառելիքի շուկայում գրանցվել է զգալի փոփոխություն. մասնավորապես, դիզելային վառելիք ներկրողների թիվն ավելացել է 11-ով՝ 6-ից դառնալով 17, իսկ խոշոր ներկրող ընկերությունների մասնաբաժինը կրճատվել է 5 տոկոսով՝ 97-ից դառնալով 92 տոկոս։ Մրցակցության ավելացումը, մի կողմից, և վառելիքի գների համաշխարհային միտումները, մյուս կողմից, իրենց ազդեցությունն են ունեցել Հայաստանում նավթամթերքի գների նվազման վրա․ 2018 թվականի մայիսի դրությամբ դիզելային վառելիքի գինը եղել է 470 դրամ, իսկ 2020 թվականի մայիսին՝ 300 դրամ։ Մեկ տարվա ընթացքում մոտ 38 տոկոսով նվազել է նաև բենզինի գինը՝ 420 դրամից նվազելով մինչև 280 դրամ»: 

Սա պարզ ջրի մանիպուլյացիա էր, թերևս միայն այն պատճառով, որ կառավարությունը որևէ կերպ բենզինի գնի իջեցման հետ առընչություն չի ունեցել և դա կապված է եղել նավթի շուկայում գնային փոփոխությունների հետ: Սակայն, ուշագրավ է, որ կառավարության այդ ձեռքբերումն այսօր 100 կետերից կարելի է դուրս հանել, այն պարզ պատճառով, որ բենզինը վերջին օրերին կտրուկ թանկացել է: 

Մեկ այլ կետ նույնպես կորցրել է իր ակտուալությունը: 2019 թվականին հաջողվել է գրանցել 2008 թվականից ի վեր ամենաբարձր տնտեսական աճի մակարդակը՝ 7.6 տոկոս: Այսօր մենք ունենք անզեն աչքով նկատվող տնտեսական ցուցանիշների գահավիժում: 

Երրորդ ոչ ակտուալ կետը՝ 2019 թվականին Հայաստանի տնտեսության մեջ ամենաբարձր աճն արձանագրել է կացության և հանրային սննդի ծառայությունների ոլորտը` նախորդ տարվա համեմատ աճելով 27.2 տոկոսով: Այսօր, իշխանությունների վարած քաղաքականության արդյունքում, այս ոլորտները ամենատուժածն են և գրանցում են երկնիշ անկում: 

2020 թվականի առաջին եռամսյակի տվյալներով՝ բյուջեի եկամուտները գերակատարվել են 8.9 մլրդ դրամով։ Այսօր մենք արդեն իսկ բյուջեի եկամուտները հավաքագրելու լրջագույն խնդրի առաջ ենք կանգնած: 

2020 թվականի հունվարի 1-ի դրությամբ գործող հարկ վճարողների թիվը կազմել է շուրջ 138000 սուբյեկտ, ինչը նախորդ տարվա համեմատ ավել է շուրջ 27000-ով։ Համավարակի հետևանքով գործազուրկների թիվը կավելանա 40 հազարով, և նրանց մեջ մեծ թիվ են կազմում նաև անհատ ձեռներեցներ, որոնք, պարզապես չունենալով այլ ելք, փակում են բիզնեսները: 

Ինչպես տեսնում ենք՝ 100 հայտնի կետը ներկայացնելուց ընդամենը մի քանի ամիս անց դրանցից առնվազն 5-ն արդեն իսկ ակտուալ չեն և կարող են հանվել ցանկից… 

Այս թեմայով Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Եթե այսպես շարունակվի՝ վերամասնակցությունը ՀԱՊԿ–ում դառնա գործնականում անհնարին․ Փաշինյան 48 ժամը լրացել է․ Միհրան Պողոսյանը պատրաստվում է իշխանափոխություն անել Պատրաստ ենք քայլեր ձեռնարկել, որ «ադրբեջանական գյուղերում» ապրելը հնարավոր դառնա․ Փաշինյան 29,743 քառ. կմ տարածքից անդին ՀՀ-ն հավակնություններ չունի ոչ մի ուղղությամբ. Փաշինյան