Զինդատախազ Վահե Հարությունյանը կենտրոնական հավաքակայանում հետևել է զորակոչի իրականացման գործընթացին

ՀՀ զինվորական դատախազ, ՀՀ գլխավոր դատախազի տեղակալ Վահե Հարությունյանը, ՀՀ ՊՆ զորակոչային եւ զորահավաքային համալրման ծառայության պետ Արմեն Ավթանդիլյանի ուղեկցությամբ այցելել է ՀՀ ՊՆ կենտրոնական հավաքակայան, որտեղ ներկա է գտնվել զորակոչի կազմակերպման գործընթացին, անձամբ հետեւել վիճակահանությանը, դրա անցկացման կարգին եւ պայմաններին, բժշկական հետազոտությունների կազմակերպմանը: Այս մասին իր ֆեյսբուքյան էջում գրել է գլխավոր դատախազի խորհրդական Գոռ Աբրահամյանը:

Նա, մասնավորապես, նշել է. «Կենտրոնական հավաքակայանում զինվորական դատախազը հանդիպել է զորակոչիկների հետ, լսել բարձրաձայնված մտահոգությունները եւ առաջարկությունները, տեսակապի միջոցով զրույց է ունեցել զորակոչիկների ծնողների հետ: Զինվորական դատախազը նշել է, որ ՀՀ ՊՆ կենտրոնական հավաքակայան իր այցի նպատակը զորակոչի գործընթացի պատշաճ եւ օրինական կազմակերպմանը հետեւելն է, ինչը կրում է շարունակական բնույթ։ Նա կարեւորել է այն հանգամանքը, որ ծնողների եւ զորակոչիկների կողմից վիճակահանության անաչառության վերաբերյալ մտահոգություններ կամ դժգոհություններ չեն ներկայացվել:

Վ.Հարությունյանը ներկա է գտնվել նաեւ հավաքակայանում անցկացվող բժշկական հետազոտությունների կազմակերպման աշխատանքներին, որի ընթացքում առանձնազրույց է ունեցել ինչպես տարբեր բժիշկ-մասնագետների, այնպես էլ հետազոտվող զորակոչիկների հետ, լսել վերջիններիս ներկայացրած առողջական գանգատները: Առանձին դեպքերում անձանց առողջական վիճակի վերաբերյալ արտահայտված կասկածները փարատելու համար նա հանձնարարել է միջոցներ ձեռնարկել կրկնակի ու ավելի մանրազնին հետազոտություն կատարելու ուղղությամբ:

ՀՀ զինվորական դատախազին զեկուցվել է, որ 2020 թվականի ամառային զորակոչի ընթացքում այդ պահի դրությամբ Կենտրոնական զինվորական հավաքակայանից որոշ զորակոչիկներ առողջական վիճակի կրկնակի հետազոտություն եւ փորձաքննություն անցնելու նպատակով վերադարձվել են տարածքային ստորաբաժանում։ Վահե Հարությունյանի կողմից տրվել են համապատասխան հանձնարարականներ՝ դատախազական ներգործության միջոցների ձեռնարկմամբ վեր հանելու համապատասխան պաշտոնատար անձանց կամ բժիշկների հնարավոր թերացումները ու տալ իրավական գնահատական։

Ընդհանրացնելով իրեն ներկայացված առաջարկություններն ու արտահայտված առանձին գանգատները՝ ՀՀ զինվորական դատախազն իր նկատառումները փոխանցել է ՀՀ ՊՆ զորակոչային եւ զորահավաքային համալրման ծառայության պետին՝ զորակոչի գործընթացը եւ կազմակերպչական հարցերն առավել բարելավելու նպատակով:

Ընդհանուր առմամբ զորակոչի կազմակերպման գործընթացը գնահատելով բավարար՝ այցի վերջում Վ.Հարությունյանը բարի ծառայություն է մաղթել ՀՀ զինված ուժերի շարքերը համալրող երիտասարդներին՝ վստահեցնելով, որ նրանք գտնվելու են պետության իրավական պաշտպանության ներքո:

Այս թեմայով Վահե Ղալումյանը գործուղվում է Բելգրադ Հարցաքննված վկաները ցուցմունք են տվել Ջալալ Հարությունյանի դեմ. «Փաստինֆո» Ինչպես են ձևավորվում Դեր Զորի ճանապարհը և Լաչինի միջանցքը․ Վահե Հովհաննիսյան Չկան օրգանական դաշնակիցներ, կան շահեր, ընդ որում՝ գետնի վրա գտնվող շահեր. Վահե Դավթյան Հիբրիդային գործիքներով փորձելու են նոր ճգնաժամեր հարուցել․ Արայիկ Հարությունյան Ամսի 5-ին հայ ժողովրդին կառաջարկվի արևմտյան կոնֆետ՝ Ռուսաստանի և Իրանի հանդեպ «սառնության» դիմաց. Վահե Հովհաննիսյան Դատավոր Վահե Միսակյանին խիստ նկատողություն հայտարարվեց «Մա՛մ, սա աշխարհի ամենասիրուն տեղն է, ամբողջ Հայաստանն այստեղից կարծես տեսնեմ, սա չպիտի որևէ մեկին տանք». Վահե Նազարյանն անմահացել է սեպտեմբերի 14-ին Ջերմուկում, տուն «վերադարձել» երեք ամիս անց. «Փաստ» Վահե Ղազարյանի հրամանով՝ Շիրակի մարզի ոստիկանապետ է նշանակվել Ծանրամարտի ԵԱ-ի բացման ժամանակ տեղի ունեցած անմիտ արարքից հետո միջազգային ֆեդերացիան լուրջ մտահոգություն ուներ. Արայիկ Հարությունյան