Ապօրինի ծառահատումներ Սյունիքում

ՀՀ բնապահպանության և ընդերքի տեսչական մարմինը տեղեկացնում է.

«ՀՀ ոստիկանության Սյունիքի մարզային վարչության Կապանի բաժնից ստացված գրության հիման վրա Բնապահպանության և ընդերքի տեսչական մարմնի Սյունիքի տարածքային բաժնի կողմից իրականացվել է զննում «Հայանտառ» ՊՈԱԿ «Կապանի անտառտնտեսություն» մասնաճյուղի «Սյունիքի» անտառպետության թիվ 1 պահաբաժնի թիվ 20 քառակուսու թիվ 4 անտառամասի «Ալմալղ» կոչվող վայրում: Զննման արդյունքում պարզվել է, որ Վարդավանք գյուղի բնակիչ Ն. Գ.-ն, առանց համապատասխան փաստաթղթերի, հատել է 2 «Կաղնի« տեսակի ծառ՝ բուսական աշխարհին պատճառելով 90000 (իննսուն հազար) ՀՀ դրամի վնաս: ՀՀ քննչական կոմիտեի Սյունիքի մարզային քննչական վարչությունից 2020 թվականի հունիսի 30-ին ստացված քրեական հետապնդում չիրականացնելու մասին որոշման հիման վրա Սյունիքի տարածքային բաժնի կողմից Ն. Գ.-ի նկատմամբ հարուցվել է վարչական վարույթ՝ Վարչական իրավախախտումների վերաբերյալ ՀՀ օրենսգրքի 66-րդ հոդվածի հատկանիշներով: Վերջինիս նկատմամբ նշանակվել է տուգանք 100000 (մեկ հարյուր հազար) ՀՀ դրամի չափով:

ՀՀ ոստիկանության Սյունիքի մարզային վարչության Գորիսի բաժնից ստացված գրության հիման վրա Բնապահպանության և ընդերքի տեսչական մարմնի Սյունիքի տարածքային բաժնի կողմից իրականացվել է Գորիս քաղաքի բնակիչ Է. Օ.-ի կողմից շահագործվող «Ford transit» մակնիշի, 52 օօ 031 հաշվառման համարանիշի ավտոմեքենայի թափքում առկա վառելափայտի զննում: Զննման արդյունքում պարզվել է, որ Է. Օ.-ն առանց համապատասխան փաստաթղթերի տեղափոխել է 2 մ3 վառելափայտ՝ բուսական աշխարհին պատճառելով 72000 (յոթանասուներկու հազար) ՀՀ դրամի վնաս: ՀՀ ոստիկանության Սյունիքի մարզային վարչության Գորիսի բաժնից 2020 թվականի հուլիսի 27-ին ստացված քրեական գործ հարուցելը մերժելու մասին որոշման հիման վրա Սյունիքի տարածքային բաժնի կողմից Է. Օ.-ի նկատմամբ հարուցվել է վարչական վարույթ՝ Վարչական իրավախախտումների հետևանքով ՀՀ օրենսգրքի 65-րդ հոդվածի հատկանիշներով:

«Հայանտառ» ՊՈԱԿ «Սյունիքի անտառտնտեսություն» մասնաճյուղի «Արծվանիկ» անտառպետությունից Բնապահպանության և ընդերքի տեսչական մարմին 2020 թվականի հուլիսի 10-ին ստացված թիվ 002628 անտառխախտման արձանագրության հիման վրա, Կարմրաքար գյուղի բնակիչ Վ. Մ.-ն ապօրինի հատել է 10 «Բոխի» և «Կաղնի» տեսակի ծառ՝ բուսական աշխարհին պատճառելով 339000 (երեք հարյուր երեսունինն հազար) ՀՀ դրամի վնաս: Հիմք ընդունելով վերոգրյալը և ղեկավարվելով «Բնապահպանական վերահսկողության մասին» ՀՀ օրենքի 12-րդ հոդվածի 1-ին կետի ժզ) ենթակետով, ՀՀ քրեական օրենսգրքի 296-րդ հոդվածի 4-րդ կետով, գործի նյութերն ուղարկվել է ՀՀ Սյունիքի մարզի դատախազություն՝ համապատասխան ընթացք տալու նպատակով»:

Այս թեմայով Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Սյունիքում տրամադրությունները լարված են. Գորիսի փոխքաղաքապետ Սա հող հանձնել է նշանակում, ժողովուրդը պետք է զարթնի և ոչ ասի Տավուշի ապօրինի գործընթացին (տեսանյութ) Ինչպես են երկրապահի Ուազը վարում ապօրինի սահամանազատման դեմ բողոքող քաղաքացիների ուղղությամբ (տեսանյութ) Արարատում ապօրինի ընդերքօգտագործման հետևանքով պատճառված 13 մլն 736 հազար դրամի վնասը վերականգնվել է Գլխավոր դատախազությունում քննարկվել է ապօրինի ծագում ունեցող գույքի բռնագանձման ոլորտներում ԱՄՆ-ի հետ փոխօգնության խորացման հարցը 29-ամյա երիտասարդը մասնակցել է թմրամիջոցների ապօրինի իրացմանը և 43մլն դրամի փողերի լվացում կատարել Աշխատակիցը մեղադրվում է նպաստառուներից ապօրինի վարձատրություն ստանալու մեջ․ Հակակոռուպցիոն կոմիտե Ահազանգ ենք ստացել Գյումրիում ՌԴ քաղաքացի Անատոլի Շչետինին առևանգելու եւ ռազմաբազայում ապօրինի պահելու մասին. ՀՔԱՎ ՊԵԿ-ը կանխել է դեղորայքի խոշոր խմբաքանակների ապօրինի տեղափոխման դեպքեր