Հայ դպրոցը արարողը եկեղեցին է, իսկ կառավարությունը լուրջ չի ընդունում եկեղեցու կարծիքը. սրբազան

Այսօր ասուլիսի ժամանակ Մայր Աթոռ Սուրբ Էջմիածինը իր դիրքորոշումը հայտնեց հանրակրթական չափորոշիչների վերաբերյալ. «Անցած տարվա հունվարին վարչապետի ցանկությամբ ստեղծվեց խառը հանձնախումբ կառավարության անդամներից և Մայր Աթոռ Սուրբ Էջմիածնի ներկայացուցիչներից բաղկացած, որոնք պետք է քննարկեին ոչ միայն կրթական ոլորտին վերաբերող հարցերը, այլև բոլոր այն հարցերը, որոնք գոյություն ունեն պետություն-եկեղեցի հարաբերությունների շրջանակից ներս: Երբ Մայր Աթոռ Սուրբ Էջմիածինը ձևավորեց իր կրթական ենթահանձնախումբը,  բազում փորձերից հետո հունիս ամսին նոր կարողացանք հանդիպել այն ժամանակվա փոխնախարար  Արևիկ Անափիոսյանի հետ, որին ներկայացրինք պետության կողմից համարժեք հանձնախումբի ձևավորման առաջարկը, որ մենք կարողանանք աշխատել, իսկ հանձնախումբը այդպես էլ չձևավորվեց, փախնախարարը փոխվեց, համաճարակ եղավ և այլն: Մայիսի 12-ից հետո բազմաթիվ փորձերից հետո ես կարողացա հանդիպել այսօրվա փոխնախարար տիկին Անդրեասյանի հետ՝ նորից առաջարկելու, որ ձևավորեն ենթահանձնախումբ, որ մենք աշխատենք, որովհետև միայն մեր հանձնախմբի գործելը անիմաստ է, մենք չենք ստեղծվել որպես առանձին հանձնախումբ, որ ինքնուրույն գործենք, մենք ստեղծվել էինք պետական հանձնախմբի հետ զուգահեռ աշխատելու համար և առայսօր  պարապուրդի ենք մատնված և, կարծես թե, մեր պարապուրդը լցնելու համար ստիպված պատասխանողի դերում ենք» ,- պարզաբանեց Հայ Առաքելական Եկեղեցու Շիրակի թեմի Տ. Միքայել Արքեպիսկոպոս Աջապահյան սրբազանը:

Սրբազանը նշեց, որ հանրակրթական չափորոշիչների վերաբերյալ Մայր Աթոռ Սուրբ Էջմիածինը ժամկետի մեջ ներկայացրել էր իր դիտողությունները, իսկ այդ դիտողություններին առայսօր պատասխան չի եղել.«Քանի որ եկեղեցու կարծիքը այդքան լուրջ չի ընդունվել կառավարության պատկան մարմնի կողմից, մեր ենթահանձնախումբը որոշեց, որ մանրամասն ամեն առարկայի չափորոշչին անդրադառնալը  անիմաստ է, և դրա համար ներկայացրինք ընդհանուր կարծիք՝ ընդհանուր չափարոշիչների վերաբերյալ, որովհետև եթե մեր դիմաց ունկնդիր չունենք, այս պահին մանրանալու իմաստ չենք տեսնում»,- ասաց նա:

Սրբազանը ասուլիսում շեշտեց. «Մենք՝ իբրև եկեղեցականություն, և իբրև եկեղեցի, որևիցե մասնավոր ճղճիմ  շահադիտական նպատակադրում չունենք այս ամենի մեջ. մեր նպատակը հայ սերնդին, հայ քրիստոնեական ինքնությանը համարժեք լիարժեք  կրթություն տալու և կրթություն ստանալու մտահոգությունն է. եկեղեցին այստեղ այլ ծրագիր, այլ շահ, այլ մոտեցում, այլ խնդիր չունի: Մեր նպատակը միայն այն է, որ մեր սերունդը կրթվի մեր ազգային, հայկական դպրոցներում՝ քրիստոնեական ինքնությանը համապատասխան: Աշխարհիկ չի նշանակում աթեիստական ուսուցում, դա նշանակում է, որ եկեղեցին չի խառնվում դպրոցի ներքին կյանքին և չի վերհսկում կրթությունը, բայց կրթության նկատմամբ եկեղեցին պետք է ունենա իր հիմնակշիռ կարծիքը և տեսակետը, որովհետև հայ դպրոցի հեղինակը, արարողը, ստեղծողը այդ նույն եկեղեցին է եղել»,- նշեց Տ. Միքայել Արքեպիսկոպոս Աջապահյանը:

Այս թեմայով Մայր Աթոռն ինքն է որոշում՝ ով պիտի ներկայացնի իր դիրքորոշումները. տեղեկացրեք նկարահանման տեղն ու ժամը Նոր նշանակումներ Մայր Աթոռում «Հրապարակ». Ոսկեպարի Սուրբ Աստվածածին եկեղեցու տեսահոլովակը 2 օրվա ընթացքում 2 մլն-ից ավելի դիտում է ունեցել Սուրբ Գայանե վանքում կկատարվի հոգեհանգստյան կարգ վթարից զոհված զինծառայողների համար Երևանում խմելու ջրի մայր խողովակի վնասման պատճառով ջուրը ողողել է բնակելի տներ, տեղի է ունեցել փլուզում Մայր Աթոռն առնվազն խախտել է պատվիրաններից մեկը՝ «մի՛ ստիր»-ը․ Վահագն Ալեքսանյան Կլինի՞ մի օր Մայր Աթոռը կուսակրոնությունից խոսա, «ֆեյք նյուզ» է տարածում. ՔՊ-ական Մտահոգիչ է նախագծում «զուգընկեր» հասկացության նորամուծությունը. Մայր Աթոռ Օպերայի շենքի լուսավորության հարցը լուծենք, անցնենք «Մայր Հայաստանի» արձանին. պատշաճ լուսավորված չէ Փորձությունով լցված այս օրերին, Սուրբ Կույսին ուղղված հրեշտակի ավետիսը ձեզ համար է՝ Աստված ձեզ հետ է. Գարեգին Բ