«Шёлковый Путь»-ի տնօրեն ներկայացող Սարիբեկ Գևորգյանը ստել է. նրա՝ հայերին օգնելու ցանկությունը միֆ էր (տեսանյութ)
««Шёлковый Путь» առևտրի կենտրոնը ընդունեց մեր հայրենակիցներին ու ծիրանների վաճառք կազմակերպեց, երբ հայերին չէին թույլատրում «Ֆուդ սիթիում» վաճառք իրակաանցնել: Այդ ժամանակ Սարիբեկ Գևորգյանը ներկայանում էր որպես այդ «Шёлковый Путь» առևտրի կենտրոնի սեփականատեր, բայց հետագայում պարզվեց, որ ինքը ընդամենը մենեջերն է: Առևտրի կենտրոնը ինչ-որ խնդիրներ ուներ՝ լիարժեք չէր գործում, կարծիքներ կային նաև, որ սնանկ է: Ականատեսների աչքերով՝ տարածքները շատ մեծ են, բայց դատարկ»: Այս մասին ԼՈՒՐԵՐ.com-ի հետ զրույցում հայտնեց ռուսաստանաբնակ քաղաքագետ Մարիամ Հովսեփյանը:
«Ստացվում է՝ պարոն Գևորգյանը այդկերպ փորձեց իրենց խնդիրը ծածկել՝ ստեղծված իրավիճակով: Հա, շատ լավ է՝ ընդունեց, վաճառեցին, պարեցին, ուրախացան, բայց ամեն ինչ լավ կիներ, եթե դրանով էլ ավարտվեր, բայց հետոն՝ ավելի հետաքրքիր դարձավ»,- նշեց քաղաքագետը
Ըստ Մարիամի՝ ստացվում է՝ «Шёлковый Путь» առևտրի կենտրոնի սեփականատերը նույնպես հրեա է՝ Գիներ Եվգենին:
«Երբ հուլիսի 24-ի առավոտյան մարդիկ խուճապահար էին, չէին հասկանում՝ ինչ անել, հավաքվեցին Մոսկվայի հայկակական առաքելական եկեղեցու բակում, բայց ոչ մեկի մտքով չէր անցնում, որ կարելի է գնալ դեսպանատան մոտ կռիվ անել ու պահանջել՝ հարցին լուծում տալ: Նույն օրը Ժամը 5-ին եկեղեցու տարածքում մեր հայ տղաները հավաքվեցին, աղոթք արեցին, Սարիբեկը եկավ ու գաղափար տվեց՝ «եկեք գնանք դեսպաանտուն», հետո, ուղիղ եթերում ասաց՝ «դուք չեք կարողանում հարցը լուծել, ես ձեզ տալիս եմ 2 ժամ, եթե հարցը չլուծեք՝ ես եմ լուծելու»: Հետո էլ ասաց՝ «հարցը լուծել եմ», բայց ոչ մի հարց էլ չէր լուծվել: Այդ հայտատարությունից ժամեր անց ադրբեջանցիները կրակեցին մեր հայրենակիցներից 3 հոգու ուղղությամբ, ու նորից հարձակումներ կազմակերպեցին»:
Քաղաքագետի խոսքով՝ հիմա հասկանալի է՝ ինչու էին նրանք Ռուսաստանում Հայաստանի դեսպանության մոտ «մատ թափ տալիս», և ոչ թե՝ Ադրբեջանի:
Տեսանյութում Սարիբեկ Գևորգյանը ներողություն է խնդրում Սրբազանից և Նորայր Թևանյանից:
Արփինե Հակոբյան