Հրայր Թովմասյանի նախկին վարորդին մեղադրանք է առաջադրվել՝ 5 մլն դրամի հափշտակությանն օժանդակելու համար. ՀՔԾ

ՀՀ հատուկ քննչական ծառայությունում քննվող քրեական գործով ձեռք բերված բավարար ապացույցների հիման վրա Ա. Հ.-ին մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով նախատեսված հանրորեն վտանգավոր այն արարքի կատարման համար, որ նա 2011-2015 թվականներին օժանդակել է այդ ժամանակահատվածում ՀՀ ԱՆ դատական ակտերի հարկադիր կատարումն ապահովող ծառայության պետի պաշտոնը զբաղեցրած Միհրան Պողոսյանի կողմից պետական միջոցներից վատնման եղանակով առանձնապես խոշոր չափերով`  5.712.550 ՀՀ դրամի հափշտակությանը: Այս մասին հայտնում են ՀՔԾ-ի լրատվության ծառայությունից։

Ըստ առաջադրված մեղադրանքի` Ա. Հ.-ն, փաստացի կատարելով ՀՀ արդարադատության նախարարի պաշտոնը զբաղեցրած Հրայր Թովմասյանի վարորդի պարտականությունները, 2011 թվականի ապրիլի 22-ին աշխատանքի ընդունման վերաբերյալ դիմում է ներկայացրել ՀՀ ԱՆ ԴԱՀԿ ապահովող ծառայության պետ Միհրան Պողոսյանին: Վերջինս, տեղեկացված լինելով Ա. Հ.-ի կողմից փաստացի նախարարի վարորդի պարտականությունները կատարելու մասին, ներկայացված փաստաթղթերի հիման վրա համապատասխան աշխատանքային պայմանագրեր է կնքել Ա. Հ.-ի հետ՝ 2011-2015 թվականներն ընկած ժամանակահատվածում նրան աշխատանքի նշանակելով նախ ՀՀ ԱՆ ԴԱՀԿ ապահովող ծառայության անվտանգության աշխատակցի, այնուհետեւ` նույն կառույցի տեղեկատվական տեխնոլոգիաների ներդրման եւ համակարգի ավտոմատացման բաժնի առաջին կարգի խորհրդատուի, ապա` Երեւան քաղաքի Շենգավիթ բաժնի հարկադիր կատարողի պաշտոններում` միաժամանակ նրան գործուղելով հարկադիր կատարման օպերատիվ բաժին:

Ա. Հ.-ն վերը նշված ժամանակահատվածում աշխատանքի չի հաճախել եւ առանց համապատասխան պաշտոններից բխող գործառութային պարտականությունները կատարելու ՀՀ պետական բյուջեի՝ ՀՀ ԱՆ ԴԱՀԿ ծառայությանը հատկացված միջոցներից աշխատավարձի եւ դրամական այլ բավարարման ձեւով ստացել է իր անվամբ հաշվարկված եւ պետական կառույցի բյուջեից ելքագրված 5.712.550 ՀՀ դրամ գումար եւ այդ կերպ օժանդակել Միհրան Պողոսյանի կողմից պաշտոնեական դիրքն օգտագործելով վատնման եղանակով պետական բյուջեի միջոցներից առանձնապես խոշոր չափերով գումարի հափշտակությանը:

Առաջադրված մեղադրանքում Ա. Հ.-ն իրեն մեղավոր է ճանաչել, հատուցել է պետությանը պատճառված վնասի մի մասը եւ պատրաստակամություն հայտնել վնասը հատուցել ամբողջությամբ:

Նախաքննությունը շարունակվում է:

Այս թեմայով Անկախ ստեղծված իրավիճակից՝ միևնույն է, հայ ժողովրդի համար բանակը եղել և մնում է հպարտության աղբյուր․ Արտակ Թովմասյան Երկու ամիսը մեկ նոր պաշտոն ստանալու վերջը. ինչպիսի հաջողություններ է գրանցել առևտրի բաժնի պետ Հրայր Արամյանը. «Armlur.am» Ստեփանակերտի Մայր տաճարում վերջին պատարագն է կատարում Հրայր Սարկավագը Սկանդալային բացահայում․ Պարետ Հրայր Երեցյանը Երուսաղեմում հայկական հողերը վաճառել է հրեայի (տեսանյութ) Հրայր Թովմասյանի վարորդը մասնակի վերականգնել է պետությանը պատճառված վնասը Ինչո՞ւ է բացառվում անօդաչուի հարվածի վարկածը սահմանամերձ Ազատում. Թագուհի Թովմասյան «Ձմեռային հեքիաթ»․ Լուսինե Թովմասյան (ֆոտո) Հրայր Թովմասյանը, նրա կինը և դուստրերը հրավիրվել են Գլխավոր դատախազություն «Ընտանիքը ամենակարեւոր բանն է, որ ունեմ ես այս պահին»․ Լուսինե Թովմասյան Կոռեկտությունից դրդված ես որոշեցի նախապես խոսել Հրայր Թովմասյանի հետ. Միքայել Համբարձումյան