Փաշինյանի համար յուրայինները «տուգանքի մատերիալ» չեն

Կոռուպցիայի կանխարգելման հանձնաժողովը նախանձելի հաճախականությամբ վարույթ է հարուցում այս կամ այն պաշտոնյայի նկատմամբ, կատարում է ուսումնասիրություններ այս կամ այն խախտման հետքերով, սակայն իրավիճակի ողջ զավեշտը կայանում է նրանում, որ հանրությունը այդպես էլ չի տեսնում գեթ մեկ պատժված թավշյա պաշտոնյայի, այն նույն ժամանակ, երբ հպարտ քաղաքացիները հանրապետության փողոցներում բառի բուն իմաստով` վերածվել են «տուգանքի մատերիալի»: 

Ընդամենը երեկ առերևութ խախտման հետքերով վարույթ է հարուցվել առողջապահության նախարար Արսեն Թորոսյանի նկատմամբ: Կասկած անգամ չկա, որ այդ առերևույթ խախտումից վաղը ոչինչ չի մնա և Փաշինյանի թիմի ամենա առանցքային անդամին ջրից չոր դուրս կբերեն:

Շաբաթներ առաջ նմանատիպ վարույթ էր հարուցվել Երևանի քաղաքապետ Հայկ Մարությանի նկատմամբ: «Թեև Հայկ Մարությանը Երևանի քաղաքապետի պաշտոնը ստանձնելուց հետո պահպանել է «ԿԱՐԳԻՆ ՍՏՈւԴԻԱ» ՍՊԸ-ում, «ԿԱՐԳԻՆ ԹԻՎԻ» ՍՊԸ-ում և «ՀԱՅԿՈ ԸՆԴ ՄԿՈ «ԿԱՐԳԻՆ» ՍՊԸ-ում իր բաժնեմասը, սակայն նշված ընկերությունները փաստացի գործունեություն չեն ծավալել, և եկամուտ, շահույթ չեն ապահովել։ Օրենքի պահանջի ձևական մեկնաբանությամբ «ԿԱՐԳԻՆ ՍՏՈւԴԻԱ» ՍՊԸ-ում, «ԿԱՐԳԻՆ ԹԻՎԻ» ՍՊԸ-ում և «ՀԱՅԿՈ ԸՆԴ ՄԿՈ» «ԿԱՐԳԻՆ» ՍՊԸ-ում բաժնեմասը հավատարմագրային կառավարման չհանձնելը հանդիսանում է անհամատեղելիության պահանջի խախտում։ Այնուամենայնիվ, հաշվի առնելով, որ նշված ընկերությունները փաստացի գործունեություն չեն ծավալել, Հանձնաժողովը եզրակացրել է, որ օրենքի բովանդակային իմաստով անհամատեղելիության պահանջների խախտում առկա չէ:

Վերջերս էլ հանձնաժողովը պարզել էր, որ ՀՀ աշխատանքի և սոցիալական հարցերի նախարար Զարուհի Բաթոյանը, ով 2018 թվականին նույն նախարարությունում նախարարի առաջին տեղակալ էր 2019թ. հունիսի 21-ին ներկայացրած գույքի, եկամուտների և փոխկապակցված անձանց 2018 թվականի տարեկան հայտարարագրում «Հայտարարատու պաշտոնատար անձի եկամուտները հարկային տարում բաժնում չի հայտարարագրել իր եկամուտները: Այդ պատճառով նախարարին տուգանեցին 200 հազար դրամով, սակայն մեծ հարց է մնում՝ իսկ ի՞նչ էր այդպես ջանում թաքցնել Բաթոյանը, դա արդյո՞ք հանձնաժողովին չի հետաքրքրել: 

Կոռուպցիայի կանխարգելման հանձնաժողովի մյուս վարույթը հարուցվել է փաստաբան Վահագն Մնացականյանի դիմումով և վերաբերում է Հաշվեքննիչ պալատի անդամ Կարեն Կարապետյանի կողմից էթիկայի կանոնների խախտման դեպքին։ Այս մասով նույնպես ոչ մի նորություն չկա: 

Ուրբաթ օրը Կոռուպցիայի կանխարգելման հանձնաժողովում քննվել է «Իմ քայլի» պատգամավոր Հայկ Սարգսյանի հետ կապված վերջին միջադեպը, մասնավորապես, պատգամավորի կողմից ապօրինի ձեռնարկատիրական գործունեությամբ զբաղվելու հարցը։ Հանձնաժողովը Հայկ Սարգսյանի գործը դեռևս վարույթ չի ընդունել: 

Այսինքն, ստացվում է, որ հանրության մեծամասնությունը այս իշխանությունների համար տուգանքի մատերիալ են, նրանց կարելի է տուգանել, ընդհուպ մինչև կալանավորել 40 աստիճան շոգին դիմակ չկրելու համար, իսկ առերևույթ կոռուպցիոն սխեմաներում ներգրավված յուրայինները գտնվում են վերևների բարձր հովանու տակ: Ավելին՝ նման ստուգումները հանձնաժողովի կողմից միայն լեգիտիմացնում են այդ խախտումները և ռեաբիլիտացնում թավշյա պաշտոնյաներին, քանի որ հետագայում Նիկոլ Փաշինյանը կարող է ասել, որ ստուգումներ եղել են, սակայն իր թիմակիցները մաս-մաքուր են դուրս եկել… 

Այս թեմայով ՌԴ-ն՝ ՀՀ անվտանգության միակ գարանտ. Արևմուտքի հեղինակավոր պարբերականների «անկեղծացումը» Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով