Արմեն Սարգսյանը գիտատեխնոլոգիական ոլորտի զարգացմանն ուղղված խորհրդակցություն է անցկացրել

Հանրապետության նախագահ Արմեն Սարգսյանը խորհրդակցություն է անցկացրել նախագահական մի քանի նախաձեռնությունների և ծրագրերի ընթացքի վերաբերյալ: Մասնավորապես, անդրադարձ է եղել Հայաստանում գիտատեխնոլոգիական ոլորտի զարգացմանն ուղղված՝ նախագահական ATOM (Advanced tomorrow- Ժամանակն առաջ) նախաձեռնությանը: Նախագահն ասել է, որ ATOM-ն ընդհանուր հարթակ է, որի կողքին լինելու են առանձին ծրագրեր, որոնցից մեկը «Մտքերի հայկական գագաթնաժողով»-ն է, մյուսը՝ STARMUS 6-րդ փառատոնը, որը նախատեսված է 2021թ. սեպտեմբերին:

Նախագահ Սարգսյանը թե՛ «Մտքերի հայկական գագաթաժողով»-ը, և թե՛ STARMUS միջազգային փառատոնը դիտարկել է որպես նախագահական առավել լայն նախաձեռնության՝ ATOM (Advanced Tomorrow՝ Ժամանակն առաջ) ծրագրի արբանյակներ:

Մրցունակության տեսանկյունից կարևորելով բարձր տեխնոլոգիաների, արհեստական բանականության ոլորտների զարգացումը՝ նախագահ Սարգսյանն ասել է, որ այն լոկոմոտիվները, որ պետք է մեր երկիրն առաջ տանեն, կապված են հատկապես նորագույն տեխնոլոգիաների հետ։ ATOM-ի նպատակն է Հայաստան բերել աշխարհի լավագույն ՏՏ ընկերություններին և զարգացնել արհեստական բանականությունը, մաթեմատիկական մոդելավորումը, մեքենայական ուսուցման կարողությունները՝ սերտ համագործակցություն ապահովելով արտերկրի ընկերությունների և տեղական հաստատությունների, բիզնեսի և ՏՏ ոլորտի բարձրակարգ ընկերությունների, համալսարանական ու գիտական կենտրոնների միջև:

«ATOM -ն ինքնին շատ մեծ ծրագիր է, և տարիներ են պահանջվելու, որպեսզի կարողանանք այն լիարժեք իրականացնել: Բայց եթե այսօր չսկսենք, այդ տարիներն ավելի կհեռանան,-ասել է նախագահ Սարգսյանը: -ATOM-ն ընդհանուր հարթակ է, որի նպատակն է Հայաստան բերել աշխարհի լավագույններին և նրանց մշակույթը, միաժամանակ, մեր երկրում ստեղծել մշակույթ, որտեղ գիտությունը, տեխնոլոգիաները, գիտությանն առնչվող արդյունաբերությունը կապված լինեն իրար հետ։ Մյուս կողմից, ATOM-ը պետք է առիթ լինի, որպեսզի ստարտափերից մինչև ակադեմիական ինստիտուտներ նրա միջոցով ավելի խոր կապեր ունենան և՛ համաշխարհային գիտության, և՛ տեխնոլոգիաների հետ»: Հանրապետության նախագահի խոսքով՝ ATOM-ը պետք է լինի և՛ հարթակ, և՛ գիտական կենտրոն, և՛ ապագայի փոքրիկ քաղաք, և՛, միաժամանակ, մշակույթ ձևավորող ինստիտուտ:

Խորհրդակցության ընթացքում նշվել է, որ արտասահմանյան 16 խոշոր ընկերություններ արդեն իսկ հետաքրքրված են այս նախաձեռնությամբ, մի մասի հետ արդեն իսկ ստորագրվել են համագործակցության մասին հուշագրեր, որոշների հետ կան նախնական պայմանավորվածություններ: Դրանք բոլորը ընկերություններ են, որոնք աշխարհի տեխնոլոգիական հսկաների թվում են՝ IBM-ը, Siemens -ը, Thales-ը, Dassault-ը, Safran-ը, Լեոնարդոն, համալսարաններ ու գիտական կենտրոններ տարբեր երկրներից և այլն:

Նշվել է նաև, որ ATOM-ը սերտորեն համագործակցելու է Հայաստանի գիտության և տեխնոլոգիաների հիմնադրամի (FAST), «Սիլիկոնյան լեռներ» նախաձեռնության և, ընդհանրապես, բոլոր՝ նույն նպատակը հետապնդող խմբերի, կազմակերպությունների, կառույցների ու նաև համաժողովների հետ: 

Այս թեմայով Ոսկեպարի բնակիչները հայտարարել են, որ Փաշինյանն իրենց այլ բան էր խոստացել․ Ոսկան Սարգսյան Հայաստանի ու Սաուդյան Արաբիայի միջև 30 տարվա դադարից հետո հաստատվեցին դիվանագիտական կապեր․ Սարգսյան Դաշնակցական Գագիկ Սարգսյանը կշարունակի մնալ կալանավորված. 5 ՔՊ-ական տուժող է ճանաչվել ՀՀ-ն հայտնվեց տերությունների նման դիմակայության արդյունքում ձևավորված մահացու իրավիճակի կենտրոնում. Մանվել Սարգսյան Հասունացել է Հայաստանի և Չինաստանի միջև համագործակցությունը ռազմավարական մակարդակի բարձրացնելու պահը. Սերժ Սարգսյան Չի կարելի ինքնապաշտպանություն կազմակերպել. հիմա 90-ականների սկիզբը չի. Սերժ Սարգսյան (տեսանյութ) Ապրիլի 5-ի հանդիպումը բերելու է Արևմուտք-ՌԴ առճակատման ուժեղացմանը մեր տարածաշրջանում. Սարգսյան Քրիստոսի հարության հուսաբեր ավետիսը թող լուսավորի մեր ճանապարհը, ուժ ու հավատ տա բոլորիս. Սարգսյան Առաջիկա շաբաթներին հնարավոր հարձակման մասին խոսակցությունները չափազանցված են. Արամ Սարգսյան Մեր երկիրը կանգնած է իսկապես լուրջ ճամփաբաժանի առաջ. Սարգսյան