Հայաստանից դուրս ապրող թոշակառուները խնդրի առաջ են կանգնել. թոշակը չեն կարողանում ստանալ

Հայաստանից դուրս գտնվող թոշակառուները, տարին մեկ անգամ պետք է գան Հայաստան՝ ներկայանալու ՀՀ աշխատանքի և սոցիալական հարցերի նախարարության համապատասխան ստորաբաժանում, որպեսզի կարողանան շարունակել իրենց թոշակի անկանխիկ ստացումը:

Այսօր ԼՈՒՐԵՐ.com-ին ահազանգել են տարբեր քաղաքացիներ, որոնք, կորոնավիրուսով պայմանավորված, սահմանների փակ լինելու պատճառով, չեն կարողացել գալ Հայաստան և մնացել են առանց թոշակի: Քաղաքացիներից մեկը՝ Վ. Գրիգորյանը, որը գտնվում է Մոսկվայի Վորոնովո գյուղի ինֆեկցիոն հիվանդանոցում, նշեց, որ արդեն 2 ամիս է՝ հիվանդանոցում է և մնացել է առանց թոշակի. « Իմ 1 տարին հուլիս ամսին արդեն լրացել ա, բայց սահմանները, քանի որ փակ են, չեմ կարողանում գալ Հայաստան: Հիմա չգիտեմ, թե ինչ եմ անելու առանց փող ստեղ՝ հիվանդանոցում, ում զանգում եմ, ինձ պատասխան չեն տալիս, ի՞նչ ա լինելու իմ վիճակը: Ստեղ մենակ ես չեմ էդ վիճակում, մենակ տենաք, թե ինչ սոված են ստեղ մարդիկ. խնդրու´մ եմ, օգնեք էս հարցին լուծում տրվի»,- նշեց թոշակառու Վ. Գրիգորյանը:

Մենք կապ հաստատեցինք ՀՀ աշխատանքի և սոցիալական հարցերի նախարարության հասարակության հետ կապերի բաժնի աշխատակից Երանուհի Յայլախանյանի հետ՝ պարզելու՝ նման վիճակում գտնվողների համար ներկա պահին որևէ այլընտրանք քննարկվում է, թե՞ ոչ. «Մենք ունենք երկու տարբերակ, առաջին տարբերակը այն է, որ եթե թոշակառուի թոշակի վճարումները շարունակվում են, ապա կարող է իր հարազատներից որևէ մեկին նոտարով հաստատված լիազորագիր տալ, և այդ լիազորագրով ստանալ թոշակը, իսկ մյուս տարբերակը, եթե կստացվի նրա Հայաստան գալը, կարող է ստանալ իր 12 ամիսների թոշակը: Այլ տարբերակ չունենք: Սա սահմանված է օրենքով»,- եզրափակեց Երանուհի Յայլախանյանը:

Զվարթ Պետրոսյան

Այս թեմայով Թոշակառուն, աղբանոցները փորփրելով, 700 հազար եվրո է հավաքել և 10 տուն գնել 2024թ-ին կենսաթոշակ չենք բարձրացնելու, նախատեսում ենք 2025թ-ին. սոցապ նախարար Պարզվեց՝ ԼՂ տեղահանվածներ կան, որ ժամանակին ՀՀ-ում գրանցված են եղել, բայց չեն իմացել. սոցապ նախարար Սոցապ նախարարը ՀԲ պատվիրակության հետ քննարկել է բռնահանված արցախցիների աջակցության հարցը ԼՂ-ից տեղահանված շուրջ 15 000 թոշակառու կա, բոլորն էլ կստանան իրենց գումարը. սոցապնախարար ԿԲ-ն 50 000 տեղահանվածի քարտային տվյալ է փոխանցել սոցապ՝ 100 000-ական դրամների համար Սոցապ նախարար Նարեկ Մկրտչյանը ներկայացնում է 2022-ի բյուջեի արդյունքները․ ՈՒՂԻՂ Խաչատուրովը պահեստազորի սպա է, թոշակառու չէ. սա ադրբեջանաթուրքական իշխանության պատվեր է Թոշակառու կնոջ նկատմամբ բռնություն գործադրելով՝ պահանջել էր ոսկյա զարդեր ու փող, այնուհետև հափշտակել կարի մեքենան Փոփոխություններ աշխատանքային օրենսգրքում. մանրամասնում է սոցապ փոխնախարարը