Կվերադառնա՞ արդյոք արձակուրդից Հայկ Մարությանը

Երևանի քաղաքապետ Հայկ Մարությանը կրկին արձակուրդ է մեկնել: Այս նորությունը չէր գրավի մեր ուշադրությունը, եթե Հայկ Մարությանը ընդամենը օրեր առաջ վերադարձած չլիներ արձակուրդից: Դրանից առաջ էլ Մարությանը արձակուրդ էր վերցրել մարտին: Նման մի պատմություն էլ եղավ 2019-ի նոյեմբերին, երբ Մարությանը արձակուրդ վերցրեց, վերադարձավ և օրեր անց կրկին մեկնեց արձակուրդի:

Այն, որ Հայկ Մարությանը ամենահանգստացող պաշտոնյան է, դա, կարծում ենք, ակնհայտ է: Ընդհանրապես, տպավորություն է, որ Երևանի քաղաքապետ ընտրվելուց հետո Մարությանը ավելի շատ ժամանակ հենց արձակուրդի մեջ է անցկացրել, այլ ոչ թե աշխատանքի վայրում: Անգամ վարչապետը, ով տրամաբանորեն ամենածանրաբեռնված պաշտոնյան է Հայաստանում, չի չարաշահում հանգստանալու իր սահմանադրական իրավունքը: Մինչդեռ Մարությանը, ինչպես տեսնում ենք, պարզապես չի հասցնում վերականգնվել բուռն աշխատանքային գործունեությունից հետո և անգամ հաջողացնում է սկանդալի կիզակետում հայտնվել նաև արձակուրդում գտնված ժամանակ: 2019-ի նոյեբմերյան արձակուրդը մասնավորապես անչափ տհաճ անցավ, քանի որ Մարությանի՝ արձակուրդը երկարացնելու փաստաթուղթը կեղծվել էր: Բանն այն է, որ Հայկ Մարությանի մամլո քարտուղարը լրատվամիջոցներին հայտնել էր, որ Մարությանը արձակուրդից պետք է վերադառնա նոյեմբերի 4-ին, սակայն արձակուրդը, ինչպես արդեն ասացինք, դե ֆակտո երկարացվել էր, նախկին կարգադրությունը, փաստացի, դրվել էր մի կողմ (իրականում վերացվել էր), եւ ստեղծվել էր նոր կարգադրություն` հետին թվով, որի տակ էլ դրված էր Մարությանի ստորագրությունը:

Ի դեպ, ուշագրավ է, որ ամեն անգամ երբ քաղաքապետը վրա-վրա արձակուրդ է վերցնում, մամուլում հայտնվում է տեղեկություն, որ Մարությանը հրաժարականի դիմում է ներկայացրել Նիկոլ Փաշինյանին: Արդյո՞ք այս անգամ էլ գործ ունենք Մարությանի՝ գլուխը ազատելու հերթական դրսևորման հետ, թե գործ ունենք՝ գլուխ պահելու ցանկության հետ: Ինքը` Մարությանը, վերջին ասուլիսի ընթացքում սրտնեղած հայտնեց, որ նախկինում շատ ավելի հանգիստ կյանքով էր ապրում և ավելի շատ գումար էր վաստակում: Չի բացառվում, որ Մարությանը իսկապես կարոտով է հիշում անցյալը, դրան գումարած՝ կուտակվում են չլուծված խնդիրները և տրված ու չկատարված խոստումները: Հետևաբար, չի բացառվում, որ Մարությանն արձակուրդից ընդհանրապես հետ չգա…

Այս թեմայով Այսօրվա վիճակը լավատեսության ոչ մի հիմք չի տալիս․ Փաշինյան (տեսանյութ) Փաշինյանը չի պատրաստվում գնալ արտահերթ խորհրդարանական ընտրությունների Էսօր ժողովրդի մեջ մեծ անվստահություն կա. բերքաբերցին Փաշինյանին առաջարկեց նոր ընտրություններ անցկացնել (տեսանյութ) Ես սա անում եմ, որ ՀՀ-ն ի վերջո դառնա անկախ պետություն, ոչ թե ֆորպոստ․ Փաշինյան (տեսանյութ) Քաղաքացիների իրական վերաբերմունքը` «հեղափոխականներին» Փաշինյանի որոշմամբ՝ սահմանվել է Մեծ Բրիտանիայում ՀՀ դեսպանությանը կից ռազմական կցորդի հաստիք Փաշինյանի անթաքույց վախը՝ «կոնսենսուս մինուս մեկից»․ ի՞նչ են մեզ հասկացնում Մեր խնդիրն էն ա, որ Ոսկեպարում, Բաղանիսում, Կիրանցում տասնյակ տներ կառուցվեն․ Փաշինյան (տեսանյութ) Նոր մանրամասներ Փաշինյանի՝ Տավուշ կատարած այցից․ ինչ է ասել տեղի բնակիչներին Գալիս է պահ, որ դու պետք է քեզ զոհաբերես հանուն քո երկրի․ Փաշինյան (տեսանյութ)