Վլադիմիր Սպիվակովը վերադարձրել է Ալեքսանդր Լուկաշենկոյի տված շքանշանը

Աշխարհահռչակ դիրիժոր, ջութակահար Վլադիմիր Սպիվակովը բաց նամակով դիմել է Բելառուսի նախագահ Ալեքսանդր Լուկաշենկոյին: Բաց նամակում ասված է.

«Ալեքսանդր Գրիգորևիչ,

2014 թ. բարեգործության և հումանիստական գործունեության, ազգային-պետական վերածնունդի առումով ունեցած հաջողությունների, Բելառուսում մարդկային արժանապատվության և քաղաքացիների իրավունքների պաշտպանության հարցում ունեցած մեծ ներդրման համար Դուք ինձ պարգևատրել եք «Ֆրանցիսկ Սկորինայի» շքանշանով: Ակնհայտ է, որ այդ պահին Ձեզ դեռ հարազատ էին այդ հասկացությունները: Այսօր ես առաջվա պես այդ արժեքներին հավատարիմ եմ՝ ի տարբերություն Ձեզ՝ մի ղեկավարի, որ իր ժողովրդի համար ստեղծել է հումանիզմի ու ժողովրդավարության հետ անհամատեղելի պայմաններ: 

Այսօր Ձեր «խնջույքում» թագավորում են խավարամտությունը, բռնապետությունը, բռնությունը և ծայրահեղ դաժանության անվերջանալի օրինակները, որոնցով իշխանությունները երկրի տարածքով մեկ ճնշում են բազմաթիվ քաղաքացիների կամարտահայտությունը:

Ակտիվ համերգային գործունեության տասնամյակների ընթացքում բախտ եմ ունեցել բազմիցս ելույթ ունենալ ինչպես Մինսկում, այնպես էլ Բելառուսի այլ քաղաքներում: Վերջերս նշվում էր իմ ստեղծած «Վլադիմիր Սպիվակովը հրավիրում է» փառատոնի 10-ամյա հոբելյանը, որի շնորհիվ Ձեր երկիր էին ժամանում ամբողջ աշխարհից բազմաթիվ անվանի արտիստներ, հայտնի բալետային խմբեր և երգչախմբեր:

Այսօր իմ սիրտը բաբախում է Բելառուսի Հանրապետության ժողովրդի հետ, որ իրավացիորեն պահանջում է իր տարրական իրավունքների ու ազատությունների, այդ թվում՝ խաղաղ ցույցերի իրավունքի պահպանում: Այս ամենի պատճառով ստեղծված իրավիճակում ես ստիպված եմ հրաժարվել այդ շքանշանից, որով Դուք ինձ նախապես պարգևատրել եք: Ես ամաչում եմ այն կրել, քանի որ այդ շքանշանը կապված է Ձեր կառավարման հետ: Ձեր «սև» ուժը Ձեր մեծ թուլությունն է: Մարդիկ ծնվում են այն բանի համար, որ իրենց սիրեն, ոչ թե նվաստացնեն, և առավել ևս՝ խեղեն:

Դուք հավանաբար լսել եք, որ «արտասվողները կմխիթարվեն»: Այդպես էլ կլինի:

ԽՍՀՄ ժողովրդական արտիստ Վլադիմիր Սպիվակով»:

Այս թեմայով Բելառուսցի տիկտոկերը երկու տարվա ազատազրկման է դատապարտվել Լուկաշենկոյին վիրավորելու համար Բելառուսում հայտնել են լեհական կողմից սահմանին կրակոցների մասին Բելառուսի և Հայաստանի միջև որևէ խնդիր չկա` ո՛չ քաղաքական, ո՛չ տնտեսական ոլորտում. դեսպան Լուկաշենկոն ներկա է գտնվել ավագ թոռնուհու հարսանիքին (լուսանկար) Բայդենը հանդիպել է Տիխանովսկայայի հետ Ալեքսանդր Լուկաշենկոն շնորհավորել է Նիկոլ Փաշինյանին ընտրություններում գրանցած հաղթանակի առթիվ Ալեքսանդր Լուկաշենկոն շնորհավորական ուղերձ է հղել Գագիկ Ծառուկյանին Բելառուսը փակում է սահմանը Լիտվայի և Լեհաստանի հետ Նիկոլ Փաշինյանը շնորհավորել է Ալեքսանդր Լուկաշենկոյին