Պետության ղեկավարը միջազգային բարձր ամբիոններից պետք է խոսի իր մայրենի լեզվով․ Ավետիք Իշխանյան

Երկու խոսք վարչապետ Նիկոլ Փաշինյանի РБК և BBC հեռուստաընկերություններին տված հարցազրույցների մասին։ Խոսքը վերաբերում է, ոչ թե լրագրողների հարցերի պատասխանների բովանդակություններին, այլ լեզվին։ Այդ մասին ֆեյսբուքյան գրառում է արել իրավապաշտպան Ավետիք Իշխանյանը:

Նա գրել է. «Այն, որ Հայաստանի քաղաքացիները պետք է առաջին հերթին փայլուն տիրապետեն իրենց մայրենի լեզվին, իմ համոզմունքն է։ Սակայն այդ բնավ չի նշանակում, որ մենք չպետք է, ավելին՝ ցանկալի է նույնպես փայլուն տիրապետենք նաև օտար լեզուների։ Ինչ վերաբերում է քաղաքական, հատկապես պետական գործիչներին, այն նույնիսկ պարտադիր է ։ Բայց, գոյություն ունի մի բայց, հատկապես պետության ղեկավարին վերաբերող։ Նույնպես համոզված եմ, որ պետության ղեկավարը միջազգային բարձր ամբիոններից պետք է խոսի իր մայրենի լեզվով, իսկ նախապես տարբեր լեզուներով թարգմանված ելույթի տեքստը, թարգմանիչները սինխրոն կկարդան ունկնդիրների համար։ Այսպես, հիշում եմ, որ ՀՀ առաջին նախագահ Լևոն Տեր-Պետրոսյանը ՄԱԿ-ի ամբիոնից ելույթ ունեցավ ֆրանսերեն, երկրորդ նախագահ Ռոբերտ Քոչարյանը՝ անգլերեն, միայն կարծեմ երրորդ նախագահ Սերժ Սարգսյանը՝ հայերեն( գուցե օտար լեզուներին բավարար չտիրապետե՞լն էր պատճառը, չգիտեմ), ապա, արդեն վարչապետ Նիկոլ Փաշինյանը,ի դեպ երկու անգամ, նորից օտար լեզվով՝ անգլերեն։ Այլ հարց է միջպետական կառույցներում քննարկումների ժամանակ կիրառվող լեզուն,օրինակ ԵԱՏՄ շրջանակներում ՝ ռուսերենը։ ՀՀ վարչապետը, եթե նույնիսկ փայլուն տիրապետեր ռուսերենին , կամ անգլերենին, կարծում եմ հարցազրույցները պետք է տար հայերեն։ Բոլորովին պարտադիր չէ, ցուցադրել քո օտար լեզուների իմացությունը։ Օտար լեզուներին տիրապետելն ինքնին, չի նշանակում լինել ինտելեկտուալ, զարգացած, լուրջ քաղաքական գործիչ։ Իսկ մայրենի լեզվով խոսելը ,գոնե և առաջին հերթին ազգային արժանապատվության հարց է»։

Այս թեմայով Դիմադրողության շարժում չկարողացանք ստեղծել․ արհամարհված ենք, քանի որ պարտված իշխանությանը չհեռացրինք. Իշխանյան (տեսանյութ) Պետությունը պետք է ունենա հաստիքային դահիճներ, այսինքն՝ օրինական մարդասպաններ․ Իշխանյան Ի՞նչ փոխվեց 2018թ․ հետո. Իշխանյան ԱՄՆ-ի հետախուզությունը փաստորեն ահազանգում է նոր պատերազմի մասին. Ավետիք Իշխանյան Շուտով, կլսենք հերթական բարբաջանքը՝ «միջանցքը» տվեցինք, որ Սյունիքն ամբողջությամբ չհանձնենք. Ավետիք Իշխանյան Իսկ ինչ կպատահեր, եթե հանկարծ Սամվել Բալասանյանը «հերոսություն» կատարեր. Ավետիք Իշխանյան Այդ անձինք չունեն սկզբունքներ, նրանք պաշտում են փողը և ի սկզբանե կողմ են եղել հայրենիքը թշնամում հանձնելուն. Իշխանյան Այ ողորմելիներ, ձևեր մի թափեք և բարբաջեք, որ Ալիևը ճիշտ է ասում, Հայաստան չի եղել, այն պատմական Ադրբեջան է. Իշխանյան Հայրենի՞ք, թե՞ անշարժ գույք. Ավետիք Իշխանյան Սա նշանակում է քրեական պատասխանատվության ենթարկել նրանց, ովքեր դեմ էին Արցախի և այսօր էլ Սյունիքի հանձնմանը. Իշխանյան