Վարսիկը, իսկապես, քացախ խմել է, բայց կինս մեղավոր չէ. Լճաշենի գյուղապետ

Այսօր վարչապետ Նիկոլ Փաշինյանը ծանոթացավ Գեղարքունիքի մարզի Լճաշեն համայնքի մանկապարտեզի նորոգման աշխատանքների ընթացքին։ Նրան ուղեկցում էին մարզպետ Գնել Սանոսյանը և ՀՀ տարածքային կառավարման և ենթակառուցվածքների նախարար Սուրեն Պապիկյանը։

Այցի ժամանակ Նիկոլ Փաշինյանին խնդրով դիմեց համայնքի բնակիչ Վարսիկ Մարգարյանը: Կնոջ խոսքերով՝ 35 տարի աշխատել է մանկապարտեզում որպես դաստիարակ, սակայն տնօրենը հեռացրել է նրան աշխատանքից՝ ոտնահարելով իրավունքները:

ԼՈՒՐԵՐ.com-ի հետ զրույցում Լճաշեն համայնքի ղեկավար Կորյուն Մարգարյանը, անդրադառնալով խնդրին, նշեց, որ կինը երկու՝ միմյանց հետ առնչություն չունեցող դեպքերը կապում է իրար. «Վարսիկ Մարգարյանը նշում էր՝ իմ իրավունքները ոտնահարել են: Կինս, այո՛, այդ մանկապարտեզի հաշվապահն է, Վարսիկ Մարգարյանը իրականում քացախ խմել է, բայց կինս, բացարձակապես, մեղավոր չէ դրանում: Դա կեղծ հերյուրանք է, այդ կինը խնդիրներ ունի, նույնիսկ իր ամուսնուն և տղային չի ենթարկվում»:

Գյուղապետը նշում է՝ գյուղապետարանը որևէ կապ չունի դաստիարակչուհու աշխատանքից ազատվելու հետ. «10 անգամ ազատման դիմում է գրել, ինը անգամ չեմ  թողել, որ ազատվի աշխատանքից, որովհետև մեր հարազատն է, 10-րդ անգամ արդեն ո՛չ ես, ո՛չ կինս չենք խառնվել և թողել ենք, որ ազատվի»,- նշեց գյուղապետը:

Կորյուն Մարգարյանից հետաքրքրվեցինք, թե որն է եղել աշխատանքից ազատման պատճառը. «Եթե իրեն ճանաչեիք, ապա կհասկանայիք, որ ուղղակի ցանկություն է եղել, մանկապարտեզի վարիչը դիմումը բերում, տալիս էր ինձ՝ ես պատռում, գցում էի, ասում էի՝ թող աշխատի»:

Վարչապետը հանձնարարեց խնդրին լուծում տալ, գյուղապետն էլ մեզ հետ զրույցում նշեց՝ այս նույն խնդրի պատճառով մի քանի անգամ վարչապետի աշխատակազմից և մարզպետարանից եկել, ստուգել են, բայց ապարդյուն, որովհետև խնդիրներ չկային. «Հիմա էլ կստուգեն, կտեսնեն, եթե ճիշտ է՝ կմեղադրեն և՛ ինձ, և՛  կնոջս, և՛ բոլորին, ովքեր մեղավոր են, իսկ եթե ոչ՝ զրպարտության համար կպատժեն Վարսիկ Մարգարյանին»,- նկատեց համայնքի ղեկավարը:

«Մենք շատ ենք հարգում իր ընտանիքին, ազատվեր, ի՞նչ աներ, ամեն դեպքում, սկզբում չէր երևում, որ հոգեկան առողջության հետ կապված խնդիրներ ունի, լավ աշխատող էր, մարդկային էր: Նախկինում ինքը գովաբանում էր մանկապարտեզի աշխատակիցներին, ինչ որ տեղ՝ նույնիսկ աստվածացնում, հիմա, որ լսում ենք, մտածում ենք՝ իրոք, խելքը թռցրել է»,- ընդգծեց Մարգարյանը:

Նրանից հետաքրքրվեցինք, արդյոք դիմել են բժշկական կենտրոն, բայց գյուղապետը նշեց՝ Վարսիկ Մարգարյանը չի ուզում գնալ:

«Մի գիժ քարը գցում է հորը, 10 խելոք չեն կարողանում հանել, բայց մենք իր թշնամին չենք»,- եզրափակեց գյուղապետը:

Արփինե Հակոբյան

Այս թեմայով «Հրապարակ». Աշտարակ քաղաքի ՔՊ-ական համայնքապետ Թովմաս Շահվերդյանին մի քանի անգամ կանչել են Հակակոռուպցիոն կոմիտե «Ժողովուրդ». Գորիսի համայնքապետ Առուշ Առուշանյանը կանդամագրվի՞ «Քաղաքացիական պայմանագիր» կուսակցությանը 00 oo 000 համարանիշը գնել է Գորիսի համայնքապետ Առուշ Առուշանյանի հայրը․ «Հրապարակ» Գնել Սանոսյանն այցելել է Արմավիրի մարզպետարան Այգեպատի համայնքապետը կենցաղի տունը շուկայականից էականորեն ցածր գնով վաճառել է իր աներոջը Հիմնանորոգվել է Թալին համայնքի Ծաղկասար բնակավայր տանող ճանապարհը Տունը, որ 44-օրյա պատերազմից հետո կորցրել էր իր գույները, այսօր լույսով է լցված․ Արմավիրի մարզպետարան Ջերմուկի համայնքապետ Վահագն Արսենյանը անշարժ գույք է ձեռք բերել Էմիրություններում․ Հետք Էրեխե'ք, գիտե՞ք կիկլոպյան ամրոցը որն ա, կամ էդ ինչ ա նշանակում. Փաշինյանն այցելել էր Լճաշեն Իշխանափոխություն Ախուրյանում. ՔՊ-ի թեկնածուն՝ Ախուրյան ԲԿ-ի տնօրենը ընտրվեց համայնքապետ