«Մարությանը հետհեղափոխական սիմվոլ է դարձել Փաշինյանի համար, որից նա չի ցանկանում հրաժարվել»

«Քաղաքապետի հրաժարականի մասին քննարկվում է ոչ միայն օնլայն տիրույթում, այլև՝ քաղաքապետարանի ներսում: Ակնհայտ է, որ քաղաքապետը իր տեղում չէ, ակնհայտ է, որ ինչքան ժամանակը առաջ է գնում, այդքան քաղաքը ավելի է տուժում Հայկ Մարությանի պաշտոնավարումից: Ինչպես նախկինում, այնպես էլ կարծում եմ՝ հիմա Փաշինյանի դերակատարումը մեծ է այդ որոշումը կայացնելու հարցում, բայց չեմ կարծում, որ վարչապետը կհամաձայնի, որ Մարությանը դադարեցնի իր լիազորությունները: Ես թերահավատորեն եմ վերաբերվում քաղաքապետի հրաժարականի մասին լուրերին, թեև հիմքեր կան այդպես կարծելու»,- այս մասին ԼՈՒՐԵՐ.com-ի հետ զրույցում ասաց Երևան քաղաքի ավագանու անդամ Դավիթ Խաժակյանը:

Ըստ նրա՝ Հայկ Մարությանի հրաժարականի մասին լուրերի շրջանառվելը ուղիղ կապ ունի նրա արձակուրդ մեկնելու հետ. «Յուրաքանչյուր անգամ, երբ Մարությանը գնում է երկարատև արձակուրդի, մարդկանց մոտ թարմանում է այն տպավորությունը, որ քաղաքապետը՝ իրականում այդքան էլ խանդավառված չէ այդ պաշտոնը զբաղեցնելով: Հիմա լրանում է Մարությանի 2 տարին, իսկ այս 2 տարում Մարությանը գրանցել է բազմաթիվ ձախողումներ, որոնք տեսանելի են մեր քաղաքացիների համար»,- ընդգծեց Դավիթ Խաժակյանը:

Նրանից հետաքրքրվեցինք, թե, այնուամենայնիվ, եթե լինի քաղաքապետի հրաժարականը, ըստ ընթացակարգի, ո՞վ պետք է փոխարինի նրան. «Քաղաքապետի հրաժարականից հետո ուղիղ փոխարինումը կատարում է քաղաքապետի առաջին տեղեկալը, որը նշանակվում է ժամանակավոր պաշտոնակատար: Այնուհետև Երևանի ՏԻՄ օրենքի սահմանված ժամկետներում ավագանու ներսում կայանում է քաղաքապետի ընտրություն, և քաղաքապետի պաշտոնը զբաղեցնելու իրավունք ունի միայն ավագանու անդամ հանդիսացող, 30 տարին լրացած որևէ անձ: Այս իրավիճակում արդեն մեծամասնության որոշումը կլինի, թե ում ընտրել ներսից»,- ասաց Երևանի ավագանու անդամը:

Մեզ հետ զրույցում նա նշեց, որ քաղաքապետը անհաղորդ է ներսի մարդկանց մտահոգություններին. «Ներսում ևս Մարությանին ուղղված  դժգոհություններ կան, որովհետև նա նաև մեծամասնությանն է անհաղորդ: Մեծամասնության մեջ մարդիկ են, որոնք ժամանակին պայքարում էին քաղաքի տեսքը ձևախեղող տարբեր շինությունների դեմ: Եվ հիմա մարդիկ ստիպված են համակերպվել Մարությանի կայացրած որոշումների հետ: Գլխավոր ճարտարապետը, որը հեղինակավոր մարդ է, հրաժարվեց իր պաշտոնից, Մարությանի հետ չաշխատելու համար: Ես չեմ բացառում, որ Փաշինյանի մոտ ևս կան դժգոհություններ, որովհետև նա բաց և անկեղծ խոստովանում է, որ Մարությանի գրածները ալարելով է բացում և կարդում: Կարծես թե, Մարությանը հետհեղափոխական սիմվոլ է դարձել Փաշինյանի համար, որից նա չի ցանկանում հրաժարվել»,-նշեց Դավիթ Խաժակյանը:

Զվարթ Պետրոսյան

Այս թեմայով ՀՀ-ի կողմից սահմանային ցանկացած կտրուկ արձագանք կարող է հանգեցնել նոր էսկալացիայի. Դավիթ Խաժակյան «Ժողովուրդ». Հայկ Մարությանը սկսել է տատանվել. ներկայացումները չեն արդարացրել «Ժողովուրդ». «Սուպերքաղաքապետի» «վախվորած» ներկայացումը «Իրավունք». Ինչու խնդալու չէ Հայկ Մարությանի ներկայացումը «Դուրս եկա Մարությանի ներկայացումից. կիսվեմ տպավորություններով» Երևանի քաղաքապետարանը շարունակում է քաղաքի տարբեր հատվածներում դրված կանգնակների հեռացման գործընթացը (տեսանյութ) Վարպետի հետ անձնական շփումները հնարավորություն են տվել ինձ համոզվելու, որ մեծ արտիստը նաև մեծ հոգու տեր մարդ էր. Մարության Կա՛մ Կենտրոն վարչական շրջանի ղեկավարը պատասխանատվության կենթարկվի, կա՛մ սույն տիկինը․ Կենտրոն վարչական շրջան Քաղաքապետարանը նախատեսվում է ձեռք բերել էլեկտրական ավտոբուսներ, տրոլեյբուսներ, ներդնել խելացի լուսացույցներով կառավարվող համակարգ Սաշա Կատվալյանը նշանակվել է Մալաթիա-Սեբաստիա վարչական շրջանի ղեկավար