«Թովմասյան» հիմնադրամի նախագահ, «Դվին» հյուրանոցի սեփականատեր Արտակ Թովմասյանը հաղթել է ներդրումների հետ կապված վեճը Ֆինլանդիայում

Ֆիննական ներդրումներ։ Վերականգնված արդարություն

«Թովմասյան» հիմնադրամի նախագահ, «Դվին» հյուրանոցի սեփականատեր Արտակ Թովմասյանը տարիներ առաջ Ֆինլանդիայում կատարել է ներդրումներ, որոնց հետ կապված առաջացել էին դատական վեճեր: Վերջնարդյունքում, Ֆինլանդիայի դատարանները վերականգնել են արդարությունը, պաշտպանել հայազգի գործարարի ֆիննական ներդրումները։

«Մեր ընկերությունը զբաղվում էր մի շարք նախագծերի ֆինանսավորմամբ, որոնցից մեկն էլ ֆիննական նախագիծն էր: Նախագծի հիմնական պայմաններից էր, որ մեր ընկերությունն ապահովում էր գործարանի ֆինանսավորումը, իսկ կառավարումն իրականացնում էին այլ անձինք և ապահովում արդյունքներ: Որոշակի ժամկետի լրանալուց հետո, այն է՝ երկու տարի, կառավարողները պարտավոր էին սպասարկել հատկացված ֆինանսական ռեսուրսները: Երկու տարի անց նրանք հրաժարվեցին ձևակերպել բաժնետոմսերի խոստացված փաթեթը։ Բացի այդ հրաժարվեցին նաև կատարել իրենց ստանձնած ֆինանսական պարտավորությունները: Նրանք ոչ միայն չէին կատարում խոստումները, այլ նույնիսկ սպառնում էին ոստիկանությամբ: Իհարկե, մենք հայտարարեցինք, որ, եթե պայմանավորվածությունները չեն կատարվելու, ապա կդիմենք դատարան, ինչը և արեցինք»:

Արտակ Թովմասյանի խոսքով՝ դատարանը իրենց օգտին վճիռ կայացրեց, քանի որ իրավունքի տեսանկյունից պահանջը հստակ էր և օրինական։ Դատարանի որոշումից հետո գործարանի ղեկավարումը փոխանցվեց իրենց ընկերությանը։ «Միանգամից ասեմ, որ քաղաքային իշխանությունները շահագրգռված էին գործարանի անխափան աշխատանքն ապահովելու հարցում, քանի որ քաղաքն, ինչպես գիտենք, փոքր է, իսկ գործարանը մեծ և ուներ հսկայական նշանակություն ռազմավարական տեսանկյունից: Սակայն դատական վեճերի ընթացքում հոդված պատվիրվեց, որում Ռուսական բանկի հետ կապված խնդիրը օգտագործվեց մեր ընկերության ներդրումները կասկածի տակ դնելու համար։ Իրականում խնդիրը վերաբերում է ոչ թե մեր ընկերությանը, այլ՝ այն բանկին, որտեղ պահվում էին ընկերության ակտիվները՝ դեպոզիտային պայմանագրի հիման վրա: Մենք չունեինք որևէ առնչություն բանկի սեփականատերերի հետ և, իհարկե, մյուս ավանդատուների նման, չէինք կարող ենթադրել, որ ԿԲ լիցենզիայի հիման վրա գործող և ԿԲ-ի կողմից վերահսկվող բանկը կարող է խնդիրներ ունենալ: Արդյունքում՝ մենք բանկից պահանջեցինք կրեդիտային պորտֆել, որպեսզի երաշխավորեինք մեր միջոցների վերադարձը: Երկու շաբաթ անց բանկը զրկվեց լիցենցիայից, և օրենքի կարգավորումներին համապատասխան չեղարկվեցին այն բոլոր գործարքները, որոնք կնքվել էին նախորդող վեց ամիսների ընթացքում: Նշեմ, որ այդ բանկն իսկզբանե եղել է ՌԴ 100 լավագույն բանկերի ցանկում: Հետագայում բանկի սնանկության առնչությամբ քննություն իրականացվեց։ Արբիտրաժային գործընթացների շրջանակում վերականգնվեց բանկի պարտավորությունը մեր ընկերության նկատմամբ։ Պարզից էլ պարզ է, որ հոդվածում և դրա արտատպություններում առկա տեղեկությունը ճշմարտության հետ աղերս չունի»,- ասաց Արտակ Թովմասյանը:

Ըստ գործարարի՝ ռուսական բանկի սեփականատերն իր վերահսկողության տակ գտնվող կառույցների միջոցով հանել էր բանկի ակտիվները ևփորձ արվեց մեր ընկերության անունը ևս կապել բանկի սեփականատերերի և նրանց գործարքների հետ: «Սակայն քրեական գործով քննությունը հաստատեց, որ մեր ընկերությունը բարեխիղճ ավանդատու է, որի անուննառ այսօր մնացել է պարտատերերի ցուցակում։ Սակայն բանկը մինչ օրս չի կարողանում վերադարձնել ավանդատուների գումարները։ Պարտատերերի ցանկում կան բազմաթիվ այլ ընկերություններ։ Չորս ցանկ է առկա, և մենք չորրորդում ենք: Հարցը դեռ առկախված է, իսկ բանկի պարտքն էլ մեր առջև դեռևս մարված չէ»- ասաց Արտակ Թովմասյանը:

Այս թեմայով Տեղի ունեցածը բեսպրեդել է, նույնիսկ եթե ՔՊ պատգամավորը ամենադաժան ձևով վիրավորված լինի. պատգամավոր Կան բավարար հիմքեր պնդելու, որ աճուրդի արդյունքն օրինաչափ չէ. Դվին ՓԲԸ Իմ դիմումի հիման վրա ՀՀ քննչական կոմիտեում վարույթ է նախաձեռնվել Նարեկ Սամսոնյանի բռնի ձերբակալության առիթով․ Թովմասյան Արտակ Թովմասյանը գրառում է կատարել Հայաստանում ՌԴ դեսպանատանը բացված սգո մատյանում ՀՀ-ում Կանադայի դեսպանին ներկայացրի իմ հայրենի Գեղարքունիքի մարզի անվտանգային խնդիրները. Թագուհի Թովմասյան «Թովմասյան» հիմնադրամի աջակցությամբ բացվեց հայ մեծանուն կոմպոզիտոր Ռոմանոս Մելիքյանի հարթաքանդակը Seven Visions, The Dvin-ը հաղթող է ճանաչվել հեղինակավոր World Travel Awards Europe Gala Ceremony 2024-ի 6 անվանակարգերում Խոնարհումս որդեկորույս մայրերին, դուք առավել ուժեղ եք և էլ ավելի ուժեղ պիտի լինեք․ Թագուհի Թովմասյան Հանդիպում Արցախից բռնի տեղահանված մեր հայրենակիցների հետ Արամուս գյուղում. Թագուհի Թովմասյան «Թող այս գարունը լինի միայն ժպիտների գարուն բոլորիս համար»․ Լուսինե Թովմասյան (լուսանկարներ)