Ռուբեն Հայրապետյանը կհոգա միակողմանի ծնողազուրկ Ռազմիկի բուժման ծախսերը
ԲլոգոսֆերաՎահագն Չախալյանը ֆեյսբուքյան էջում գրառում է արել․
Սիրելի՛ հայրենակիցներ, հարգելի ընկերներ, ուրախալի լուր ունեմ հայտնելու ձեզ բոլորիդ:
Կհիշեք՝ երեկ ձեզ դիմեցի խնդրանքով ու տեղեկացրի մեր շատ սիրելի տիկին Ալեքսանյանի թոռան՝ միակողմանի ծնողազուրկ Ռազմիկ Սամվելի Ալեքսանյանի անհետաձգելի վիրահատման և բուժման համար 2.000.000 ՀՀ դրամի անհրաժեշտության մասին:
ԲԺիշկների կողմից կատարվել է ախտորոշում, ըստ որի՝ անհրաժեշտ է հրատապ վիրահատություն երկու շաբաթվա ընթացքում, այլապես Ռազմիկ Սամվելի Ալեքսանյանը կդառնար հաշմանդամ՝ հայտնվելով անվասայլակի վրա:
Մեր դիմումն անարձագանք չթողեց ՀՖՖ նախկին նախագահ Ռուբեն Հայրապետյանը: Նա երեկ՝ ուշ երեկոյան, կապվեց ինձ հետ և ասաց, որ այլևս ժամանակ չծախսենք գումարի հայթայթման աշխատանքների վրա և ողջ թափով լծվենք Ռազմիկ Սամվելի Ալեքսանյանի բուժման գործին: Եվ որ իր ներկայացուցիչը վաղը Գյուլնարա Ալեքսանյանին կփոխանցի բուժմանն անհրաժեշտ ողջ գումարը, որը կազմում է 2.000.000 ՀՀ դրամ: