Մանկական երկաթուղու տարածքում կառուցապատում նախատեսված չէ՛․ Հակոբ Կարապետյան
ԲլոգոսֆերաՀարգելի գործընկերներ, Մանկական երկաթուղու տարածքում կառուցապատում նախատեսված չէ՛։ Այս մասին իր ֆեյսբուքյան էջում գրել է Երեւանի քաղաքապետի խոսնակ Հակոբ Կարապետյանը:
«Համացանցում շրջանառվում է Երեւանի մանկական երկաթուղու կառուցապատման եւ բարեկարգման նախագծի մասին պատմող մի տեսանյութ՝ կից տեղեկատվությամբ։
Հայտնում ենք, որ Մանկական երկաթուղու տարածքի արդիակայացման եւ ընդլայնման վերաբերյալ ներկայացված մի քանի ներդրումային առաջարկներ քննարկվել են Քաղաքաշինական ամբողջական լուծում պահանջող ծրագրերի քննարկման միջգերատեսչական հանձնաժողովում։
Արդյունքում, որոշվել է, որ մանկական երկաթուղու տարածքում, ինչպես նաեւ Հրազդանի կիրճի այլ տարածքներում, նպատակահարմար չէ իրականացնել կառուցապատման որեւէ աշխատանք, բացի ամրակայման, վերականգնման, վերանորոգման եւ կանաչապատման աշխատանքներից»,-հավելել է նա: