«Մինչ օրս չեմ ստացել ծանուցում՝ ինձ վարչական պատասխանատվության կանչելու մասին»

Արցախի Հանրապետության նախկին ՄԻՊ, «Իրավական ուղի» ՀԿ համահիմնադիր, իրավապաշտպան Ռուբեն Մելիքյանը ֆեյսբուքյան իր էջում գրառում է կատարել, որում մասնավորապես ասվում է.

«Հունիսի 12-ին ԱԺ դիմաց «միայնակ ակցիա» էի իրականացնում՝ պահանջելով քաղաքացուն վերադարձնել խաղաղ հավաքների ազատությունը։ Ենթարկվեցի վարչական ձերբակալման՝ ՎԻՎՕ 182 հոդվածով (ոստիկանության ծառայողի «օրինական պահանջը» չկատարելը)։

Ոստիկանությունում կազմվեց արձանագրություն՝ իմ կողմից ենթադրաբար կատարված իրավախախտման վերաբերյալ, որի հիման վրա Ոստիկանությունը, ըստ օրենքի, պետք է 2-ամսյա ժամկետում դիմեր դատարան՝ պահանջելով ինձ ենթարկել պատասխանատվության։

Օգոստոսի 13-ին վերջնաժամկետն էր, և մինչ օրս չեմ ստացել ծանուցում ինձ վարչական պատասխանատվության կանչելու մասին, ուստի եզրակացնում եմ, որ Ոստիկանությունը իմ «միայնակ ակցիայում» ի վերջո չի գտել օրենքի խախտման տարրեր։

Նշվածը հաշվի առնելով՝ որոշել ենք ինքներս դիմել դատարան՝ պահանջելով հունիսի 12-ի իմ վարչական ձերբակալումը ճանաչել ոչ իրավաչափ։ Շահերիս ներկայացուցչությունը լիազորել եմ «Իրավական ուղի»-ի փաստաբան Դավիթ Ավագյանին։

Իմ տեղեկություններով՝ «Իրավական ուղին» պատրաստ է իրավաբանական օգնություն տրամադրել նույն իրավիճակում հայտնված մյուս քաղաքացիներին ևս»։

Այս թեմայով «Մնացին հույները. մի հարամություն էլ հույների մասով մտածեք»․ Ռուբեն Մելիքյան Շատ հետաքրքիր է, թե ինձ իբր վատություն անելու համար լսարանից զրկելն ում փայլուն միտքն է․ Մելիքյան Նոր քրեական օրենսգիրքն ունի բազմաթիվ «անտեսանելի որոգայթներ». Մելիքյան Ապրիլի 23-24-ին թեժ է լինելու Պատգամավոր՝ առանց բարձրագույն կրթության. ինչ է թելադրում օրենքը Ի նշան բողոքի, 7 օրով հրաժարվում եմ «սահմանափակված» որևէ հաստատություն այցելելուց. իրավապաշտպան Գերությունից վերադարձած ու կալանավորված զինծառայողները վրդովված են․ վերաքննիչ բողոք են ներկայացրել Եթե այսօր Առուշը ազատ չարձակվի, ապա գերագույն ստահակը կզրկվի «քվեով պատասխանելու» այդքան «հաճելի» փաստարկից. Մելիքյան Մեկ ծանր վիրավորի վիրահատությունն անցել է բարեհաջող. Ռուբեն Մելիքյան Պարզվում է՝ թուրքերը ձեզ ոչ թե տանջել ու ստորացրել են, այլ պատվել ու փառաբանել․ Ռուբեն Մելիքյան