Սպանել էր խնամուն ու երկու օր անց կախվել (տեսանյութ)

Ապրիլի 16-ին, ժամը 16.40-ին, ոստիկանության Էրեբունու բաժնում հաղորդում ստացվեց, որ Նոր Արեշի 26-րդ փողոցի տներից մեկում տղամարդու դի կա։ Դեպքի վայր մեկնեցին օպերատիվ-քննչական խմբեր, փորձաքրեագետներ ու դատաբժիշկներ։

62-ամյա տղամարդու դին զննվեց. քիթը կոտրված էր, գանգուղեղային վնասվածքներ ուներ։ Միայնակ բնակվող տղամարդուն սպանել էին։ Տարածքային քննչական բաժնում քրեական գործ հարուցվեց։

Տղամարդու դին հայտնաբերել էր աղջիկը։ Նա պարբերաբար զանգել  էր հորը. վերջինս հեռախոսազանգերին չէր պատասխանել, ուստի աղջիկը գնացել և տեսել էր, որ մահացած է։ Էրեբունու քրեական հետախույզները անցան օպերատիվ միջոցառումների իրականացմանը։

Պարզեցին այն անձանց շրջանակը, որոնց հետ սպանվածը կարող էր տարաձայնություններ ունենալ։ Պարզեցին նաև տարաձայնությունների բնույթը։ Ոստիկանների տեսադաշտում հայտնվեց հանցագործությունը կատարելու մեջ կասկածվող անձը։

Անհրաժեշտ էր նաև պարզել՝ դեպքին ականատեսներ եղել են, թե՝ ոչ, եթե եղել են, ապա ովքեր։ Սա էլ արվեց և դեպքից ամիսներ անց՝ օգոստոսի 23-ին, առանձնապես ծանր հանցագործությունը բացահայտվեց։ Այն կատարելու մեջ կասկածվող անձը դեպքից երկու օր անց՝ ապրիլի 18-ին, ինքնասպան էր եղել։ 59-ամյա տղամարդու դին հայտնաբերվել էր Արին-Բերդի փողոցի կիսակառույց շինություններից մեկում՝ սյունից պարանով կախված։

Տղամարդիկ, որոնք խնամիներ էին, տան հետ կապված տարաձայնություններ էին ունեցել։ Հերթական պարզաբանման ժամանակ 59-ամյա տղամարդը բութ գործիքով հարվածել էր 62-ամյա տղամարդու գլխին՝ պատճառելով մահ, ինչից հետո ապրիլի 18-ին կախվել էր։

Ներկայացվածը օպերատիվ-հետախուզական միջոցառումների և քննչական գործողությունների արդյունքում հիմնավորվել է։ Հարուցված քրեական գործի նախաքննությունն ու հանցագործության գործիքը հայտնաբերելու միջոցառումները շարունակվում են։

Այս թեմայով Հադրութի հրապարակում տարեց և երիտասարդ անձինք գնդակահարվեցին. սա հստակ էթնիկ սպանություն էր 36-ամյա տղամարդը հարվածել է կնոջը, սպանության փորձ կատարել աներոջ նկատմամբ. նախաքննության ավարտ Մանրամասներ՝ Պուշկին փողոցում դաժան սպանությունից․ որոնվում է «Բեսլան Հարութը»․ Shamshyan Սպանություն Գյումրիում՝ ցայտաղբյուրի մոտ շան միզելու պատճառով․ տուժողի ձերբակալված հարևանին մեղադրանք է ներկայացվել Քարակերտ գյուղի գիշերային ակումբում սպանություն է կատարվել Սպանություն՝ Գյումրիում․ տան բակում հայտնաբերվել է տղամարդու մարմին (լուսանկար) Սպանություն կատարած 21-ամյա երիտասարդը հայտնաբերվեց Սիսիանում Քասախում 50-ամյա տղամարդուն դաժանաբար կյանքից զրկելու դեպքից մանրամասներ են հայտնի դարձել. ArmLur.am Սպանություն Քասախ համայնքում․ հանցագործություն կատարած անձանց ինքնությունը պարզվել է Սպանություն՝ Երևանում. կասկածյալը, ով մահացածի որդին է, չկարողացավ ոստիկաններից ճողոպրել