«Հեղափոխականներն» ու «մերժվածները» . ով է ավելի շատ խնայել ժողովրդի հաշվին

Հեղափոխությունից հետո իշխանության եկած քաղաքական ուժը պարծենում էր իր կազմած պետական բյուջեով՝ այն անվանելով ժողովրդակենտրոն: Սակայն թվերը, որոնք որպես կանոն երբեք չեն ստում, խոսում են հակառակի մասին: Ժողովրդակենտրոն բյուջեն ենթադրում է սոցիալական պաշտպանության, կրթության և առողջապահության ոլորտների ֆինանսավորման կտրուկ աճ, ինչի արդյունքում այս կարևորագույն ոլորտներում հանրությունը կզգա որակական փոփոխություններ: Իսկ ի՞նչ են արել այս առումով հեղափոխական իշխանությունները: 

2020 թ․ բյուջեի նախագծով կրթության, գիտության, մշակույթի, սպորտի և երիտասարդության ոլորտներին նախատեսվում է հատկացնել ընդհանուր առմամբ 179,4 մլրդ դրամ։ Վարչապետը, ներկայացնելով այս ցուցանիշը, համեմատում է այն 2018-ի բյուջեով միայն կրթության ոլորտին ուղղված ծախսերի հետ։ Սակայն, ինչպես գիտենք, 2019 թ. ապրիլին կրթության և գիտության, մշակույթի, սպորտի և երիտասարդության նախարարությունները միավորվեցին մեկ գերատեսչության մեջ։ Եվ եթե 2018-ի բյուջեով այս ոլորտներին հատկացումներն իրականացվել էին առանձին տողերով, ապա 2020-ի բյուջեի նախագծով՝ հատկացումը լինելու է մեկ տողով՝ ընդգրկելով վերը նշված ոլորտները։ Եվ վարչապետն, աճը ներկայացնելիս, համեմատականները տանում է 2018 թվականին միայն կրթությանը հատկացված միջոցների հետ, ինչը փաստացի սխալ է։ 2018-ին կրթության ոլորտին հատկացված գումարը կազմել է 127 միլիարդ դրամ, իսկ այսօր 5 ոլորտների ֆինանսավորումը միասին վերցված 179 միլիարդ դրամ է: 

Առողջապահությանը 2018-ին նախատեսվում էր հատկացնել 84 միլիարդ դրամ, իսկ փաստացի հատկացվել է մոտ 80 միլիարդ դրամ։ 2020-ի բյուջեով նախատեսվում է հատկացնել ընդամենը 109 մլրդ դրամ, մի պարագայում, երբ երկիրը բախվել է լուրջ առողջապահական ճգնաժամի, այսօր խոսվում է նույնիսկ այս գումարը կրճատելու և խնայողություն անելու անհրաժեշտության մասին: 

Միևնույն ժամանակ, անցած երկու տարիների ընթացքում պետական մարմիններում բաժանված պարգևավճարները կազմել են շուրջ 100 միլիոն դոլար: Թեև նախկին իշխանությունների պարգևատրումների մասին հրապարակայնորեն շատ բան հայտնի չէ, սակայն անգամ այն տվյալները որ կան, ցույց են տալիս ահռելի տարբերությունը. Դիցուք՝ Սերժ Սարգսյանի կառավարման շրջանում, ըստ պաշտոնական աղբյուրների, բաժանվել է 50 միլիոն դոլարի արգևավճար: Այսինքն՝ մի կողմից այս իշխանությունները կրճատում են հանրության բարեկեցությանն միտված սոցիալական ծախսերը, մյուս կողմից՝ կտրուկ ավելացնում այն ծախսերը, որոնք միտված են սեփական բարեկեցությունը ապահովելուն: Բացի այդ, ուշագրավ է, որ կրճատվում են հենց այն ոլորտների ծախսերը, որոնք կոչված են ապահովել առողջ և գիտելիքահեն հասարակություն: Այս քայլը տեղավորվում է հեղափոխական իշխանությունների վարած և արևմտյան մի շարք ֆոնդերի աչքին հաճո քաղաքականության տրամաբանության մեջ՝ այն է, պայքարը ազգայինի դեմ՝ կրոն, լեզու,գրականություն: Կառավարությունն առանձնապես չի կարևորում մեր ազգաբնակչության առողջությունն ու կրթությունը, մինչդեռ երկրի զարգացումը հենց այդտեղից է սկսվում և գնալով ավելի ու ավելի է դժվարանում այս քաղաքականությունը բարդել միայն դիլետանտության վրա...

Այս թեմայով Արևմուտքի «սիրելիները»՝ պատուհաս սեփական ժողովուրդների համար Ուզում ենք, որ ոստիկանի երեխան հայրիկին կամ մայրիկին մղի, ասի՝ ինչո՞ւ քո աշխատավարձը կրկնակի բարձր չէ․ Փաշինյան Փաշինյանն անցել է շանտաժի լեզվի Կռիվ են անում, մեկը մյուսին անվանում է թուրք, խի՞ թուրք և ոչ թե նորզելանդացի. Փաշինյան (տեսանյութ) Արևմուտքի՝ «մտրակի ու բլիթի» քաղաքականությունը Փաշինյանի հանդեպ Ֆրանկոֆոնիայի խաղերի ազգային կոմիտե կստեղծվի. Փաշինյանը որոշում է ստորագրել 290 միլիոն ֆունտ ստեռլինգ՝ Հայաստանը Ռուանդայի վերածելու դիմաց. The Times Հայաստանն ու Ղազախստանը առևտրատնտեսական համագործակցության չիրացված ներուժ ունեն․ Փաշինյան Փաշինյանը «ՀՀ սոցիալ-հոգեբանությունը» թեմայով դասախոսություն է կարդացել (տեսանյութ) Արևմուտքը Փաշինյանի վրայից «մաքրում» է Արցախի հանձնման մեղավորությունը