Տունը, որտեղ գրանցված է 45 ընտրող, Արսեն Թորոսյանինը չէ. խոսնակը պարզաբանում է
ԲլոգոսֆերաԱՆ մամուլի խոսնակ Ալինա Նիկողոսյանը իր ֆեյսբուքյան էջում անդրադարձել է օրերս համացանցում լայն տարածում ստացած այն տեղեկությանը, որ նախարար Արսեն Թորոսյանի տանը փաստացի գրանցված է 45 ընտրող: Նա, մասնավորապես, գրել է.
«Երեկվանից սոցիալական ցանցերում տարածվում է մի գրառում, իբր նախարար Արսեն Թորոսյանի տանը փաստացի գրանցված է 45 ընտրող: Այդ «ցնցող լուրը» տեղ է գտել որոշ լրատվամիջոցների լրահոսում: Ավելին, արդեն իսկ մի քանի լրագրող թեմայի վերաբերյալ հարց է ուղղել ինձ:
Լուրը տարածող և հարցով «հետաքրքրված» հարգելի լրագրողներ, դա նախարարի տունը չէ, այլ հասցեն, որտեղ ընդհանուր առմամբ կա մոտ 10 տուն:
Տարրական լրագրողական հետաքննության հմտություններ ունեցող (գուցե դրա կարիքն էլ չկա) ցանկացած ոք կարող է արագ պարզել դա, պարզապես այցելելով նշված հասցե և տեսնելով, թե Խորհրդային Միությունից ի վեր այդ հասցեում քանի տուն կա»:
‼️Երեկվանից սոցիալական ցանցերում տարածվում է մի գրառում, իբր նախարար Արսեն Թորոսյանի տանը փաստացի գրանցված է 45 ընտրող:...
Posted by Alina Nikoghosyan on 2020 թ. օգոստոսի 27, հինգշաբթի