Մուտքը՝ Այա Սոֆիա առանց գլխաշորի կամ շորտով արգելվում է

Այն բանից հետո, երբ դարավոր քրիստոնեական տաճար, ուղղափառ քրիստոնեության կենտրոն Այա Սոֆիան զրկվեց փոքրիշատե ընդունելի թանգարանի կարգավիճակից և ստացավ մզկիթի կարգավիճակ, շատ պահպանողական մուսուլմաններ իսլամին ոչ հարիր հագուկապով Այա Սոֆիա մտնողներին սկսեցին արդեն այլ աչքով նայել։ Այս մասին հայտնում է Ermenihaber-ը:

Առաջին նամազից հետո արդեն ակտիվացան իսլամի ավանդույթներին հարիր հագուկապով «մզկիթ» մտնելու անհրաժեշտության մասին խոսակցությունները։

Եվ ահա ընդունված նոր կանոնների համաձայն՝ Թուրքիայի նախագահ Ռեջեփ Թայիփ Էրդողանի հրահանգով մզկիթի վերածված Այա Սոֆիա այցելուները չեն կարողանա մուտք գործել առանց գլխաշորի, շորտերով կամ դեկոլտե հագած։  

Այս ընթացքում Թուրքիայի ներսում աճել է հետաքրքրությունը Այա Սոֆիայի հանդեպ և բավականին շատ թվով մարդիկ են այցելում մզկիթի կարգավիճակ ստացած տաճար։

Այս թեմայով Իրանում գլխաշոր չկրող կանանց բանկային հաշիվները կարող են արգելափակվել. պատգամավոր Մզկիթի վերածված Սուրբ Սոֆիայի տաճարում սրտի կաթվածից մահացել է թուրք մուեձինը Ստամբուլի Սուրբ Սոֆիայի տաճարում առաջին անգամ նամազ է կատարվում (տեսանյութ) «Չէ որ մենք նույն երկնքի տակ են մեր աղոթքներն անում». պատրիարքի խոսքը՝ Ս. Սոֆիան մզկիթի վերածելու որոշման առթիվ