Ինչո՞ւ պիտի վարչապետը, ԱԺ նախագահը, ՀՀ նախագահն ու այլ պաշտոնյաներ դիմակ չկրեն, իսկ մյուս քաղաքացիները կրեն. Զոհրաբյան

Եթե մեկը լիներ, որին դիմելը իմաստ ունենար, հաստատ կհարցնեի՝ ինչո՞ւ պիտի վարչապետը, ԱԺ նախագահը, ՀՀ նախագահն ու էլի ինչ-որ պաշտոնյաներ դիմակ չկրեն, իսկ մնացյալ երկու միլիոն 994 հազար քաղաքացիները պիտի կրեն։ Այս մասին ֆեյսբուքյան իր էջում գրել է ԱԺ ԲՀԿ խմբակցության պատգամավոր Նաիրա Զոհրաբյանը։

Նա, մասնավորապես, գրել է. «Էնշտեյնը, երբ ասում էր՝ ամեն ինչ հարաբերական է, հաստատ լոգիկան նկատի չուներ: Ինձ սկսել է թվալ, որ մենք Էնշտեյնի հարաբերականության տեսությունը սխալ ենք հասկացել ու ոմանք որոշել են, որ տրամաբանությունը եւս հարաբերական հասկացություն է։ Մինչդեռ, երբ Էնշտեյնը խոսում էր հարաբերականության մասին, ընդամենը նկատի ուներ ֆիզիկական պրոցեսների ունիվերսալ տարածա-ժամանակային հատկությունները նկարագրող տեսությունը։ Ընդամենը։ Եւ ոչինչ ավելին։

Հիմա մեր պարետը որոշել է, որ բարձրաստիճան որոշ պաշտոնյաներ կարող են դիմակ չդնել, բայց, ասենք, վեց տարեկան առաջին դասարանցի երեխան դիմակով մի քանի ժամ դաս պիտի անի։

Եթե մեկը լիներ, որին դիմելը իմաստ ունենար, հաստատ կհարցնեի՝ ինչո՞ւ պիտի վարչապետը, ԱԺ նախագահը, ՀՀ նախագահն ու էլի ինչ-որ պաշտոնյաներ դիմակ չկրեն, իսկ մնացյալ երկու միլիոն 994 հազար քաղաքացիները պիտի կրեն։ Ո՞րն է իրենց ու շարքային քաղաքացու իմունային համակարգի եւ գենետիկ կոդի տարբերությունը։

Ես հասկանում եմ, որ ինչ ուզում՝ անում եք։ Ու ասեմ ձեզ, դա միայն ես չէ, որ հասկացել եմ։ Դա արդեն հասկացել են ոչ միայն ձեզ չընտրած, այլ նաեւ ձեզ ընտրած հպարտ մեր հայրենակիցները, որոնց ասել էիք, որ իրենցից յուրաքանչյուրը մի-մի վարչապետ է։ Հիմա էս մարդիկ ուզում են իմանալ, ինչո՞ւ 2 միլիոն 994 հազար վարչապետերն ու նախագահները դիմակ պիտի կրեն, իսկ ընդամենը մի քանի արտոնյալների շնչառական ուղիները պիտի ազատագրվեն դիմակի պրեսսինգից։

Ուզում եմ որպես ՀՀ պատգամավոր ընդամենը տեղեկացված լինել՝ նիստերի դահլիճում Արարատ Միրզոյանը էդ ո՞ր օրենքով կուզի դիմակ կդնի, չի ուզի՝ չի դնի, իսկ մեզ, շարքային մահկանացու պատգամավորներիս նույն դահլիճում, օդի նույն բաղադրության պայմաններում, պիտի պարտադրեն դիմակ կրել։

Բա հիմա սա ո՞ւմից իմանամ։ Հը՞։

Հա, էն, որ ճշտապահորեն հետեւում եք Առողջապահության համաշխարհային կազմակերպության ցուցումներին, էդ ցուցումներում ասված է, որ մինչեւ 12 տարեկան երեխաները կարող են եւ դիմակ չկրել։ Բա էդ ցուցումի՞ն խի չեք հետեւում։ Ո՞նց եք պատկերացնում, որ փոքր երեխան էդ դիմակը մի քանի անգամ չի գցելու գետնին, վերցնի՝ դնի իր կամ դիմացի երեխայի դեմքին։ Գոնե գիտե՞ք, որ երեխաները ստատիկ «սվարկա» չեն լինում նստատեղին այն պարզ պատճառով, որ երեխա են։

Ու ոչ մի ուսուցիչ դա վերահսկել չի կարողանալու։ Եթե ամեն դպրոցի մոտ սպեցնազի մի ջոկատ էլ բերեք, երեխաները խաղալու են, շփվելու են, դիմակները հանել-հագնելու են ու էդ դիմակները կես ժամ հետո դառնալու են թունավոր կենսաբանական զենք։

Ես չեմ դիմում կառավարությանն ու նախարարին։ Անիմաստ է։ Իրենք անելու են այն, ինչ որոշել են։

Դիմում եմ ծնողներին ու ուսուցիչներին։

Հարգելի՛ ուսուցիչներ ու ծնողներ, միասին գտեք ադեկվատ լուծումն ու պարզապես իրագործեք այն եւ վերջ։

Այլ տարբերակ չկա»։

Այս թեմայով «Լաչինի միջանցքում արդեն տեղադրված անցակետում հատ-հատ «ռենգեն» են անում դեպի Արցախ գնացող հայկական մեքենաները» (տեսանյութ) Ադրբեջանը Սյունիքն ու Վայոց Ձորն ամբողջությամբ, Գեղարքունիքն էլ մասնակի՝ համարում է իր տարածքը «Սա Գերմանիայում Ադրբեջանի դեսպանն է։ Ցիտում է Նիկոլի երեկ երկնած միտքը»․ Նաիրա Զոհրաբյան ՔՊ-ն հաջորդ ընտրություններում Սիսիանում կառաջադրի Ալիևին. վստահ եմ՝ առավելագույն ձայներ կհավաքի. Նաիրա Զոհրաբյան Նաիրա Զոհրաբյանը նամակ է հղել Օնիկ Գասպարյանին 40 աստիճան շոգին և օդորակիչներ չունեցող դասասենյակներում աշակերտներին պահելը խոշտանգում է Զարհուրելի դրվագ պիտի պատմեմ. Նաիրա Զոհրաբյան Փարիզում՝ Ադրբեջանի հյուպատոսության ցուցանակին, փակցվել է Արցախի դրոշը․ դիմել են ոստիկանություն Նաիրա Զոհրաբյանը նոր կադրեր է հրապարակել ոստիկանների և ցուցարարների բախումներից Հայկական մեքենաները շաբաթներով միտումնավոր պահվում են Լարսում. Զոհրաբյան