Գիտելիքի ճանապարհը միշտ էլ հաճելի ու դժվարին է եղել. Արմեն Սարգսյանի ուղերձը՝ Գիտելիքի օրվա կապակցությամբ

Գիտելիքի ճանապարհը միշտ էլ հաճելի ու դժվարին է եղել: Այս մասին Գիտելիքի օրվան նվիրված իր շնորհավորական ուղերձում  նշել է ՀՀ նախագահ Արմեն Սարգսյանը:

Ուղերձում ասվում է.

«Սիրելի՛ աշակերտներ եւ ուսանողներ, մանկավարժներ եւ ծնողներ,

Առանձնահատուկ ուզում եմ շնորհավորել առաջին դասարանցիներին եւ առաջին անգամ դպրոց մտնող ուսուցիչներին։

Գիտելիքի ճանապարհը միշտ էլ հաճելի ու դժվարին է եղել։ Այն առավել դժվարանում է արտակարգ պայմաններում։ Սակայն մարդը ոչ միայն կարողանում է իր առջեւ նպատակներ դնել, այլեւ հաղթահարել առաջացող դժվարությունները։

Դուք՝ այսօրվա սերունդը, հնարավորություն ունեք դա անել ոչ միայն դասական ուղիներով, այլեւ նորագույն տեխնոլոգիաներ օգտագործելով, ստեղծելով ու դրանց տիրապետելով։

Բայց մինչ այդ պետք է անել առաջին քայլը՝ քայլ դեպի դպրոց։

Այդտեղից է սկսվում այն արահետը, որը դառնալու է ձեր կյանքի ճանապարհը՝ ճանապարհ դեպի պարզ մարդկային հարաբերություններ, ճանապարհ դեպի աշխատանք, ճանապարհ դեպի սեր ու երջանկություն, եւ իհարկե՝ ճանապարհ դեպի գիտելիք։

Գիտելիք՝ կյանքի, մարդու, աշխարհի եւ բնության մասին... Այն հեռու թվացող, բայց իրականում շատ մոտ ու հասանելի մի բանալի է։

Բանալի, որով կարելի է բացել բառացիորեն բոլոր դռները՝ տան սովորական դռնից մինչեւ տիեզերանավի խցիկի դուռը, մեր մտքի ամենախոր գաղտնարանի դռնից մինչեւ արհեստական բանականության անմատչելի թվացող դուռը։ Այդ բանալուն տիրելու համար շատ պարզ բան է պետք՝ սովորել, ջանալ, աշխատել։

Սիրելի աշակերտներ եւ ուսանողներ, մանկապարտեզի ձեր դաստիարակների, դպրոցի ձեր ուսուցիչների, բուհի ձեր դասախոսների, եւ իհարկե, ձեր ծնողների օգնությամբ եք դուք հասնում գիտելիքին։

Առիթից օգտվելով՝ ցանկանում եմ շնորհակալություն հայտնել բոլոր մանկավարժներին եւ հատկապես մեր առաջին ուսուցիչներին, որոնք խոր հետք են թողել մեր կյանքում։

Գիտելիքը ուժ է, որի միջոցով կարելի է ուղղակի եւ անուղղակի իմաստով սարեր շրջել։

Այդ ուժն առաջին հերթին սնվում է Ընտանիքից, Հայրենիքից, հայրենի հողից։

Հայրենիքն է, որ պետք է դառնա գիտելիքի օգտագործման գլխավոր նպատակակետը։ Դուք կարող եք ստանալ լավագույն կրթությունն ու գիտելիքը, տիրապետել լեզուների եւ նորագույն տեխնոլոգիաների, ձեր բանականությամբ ստեղծել արհեստական բանականություն եւ այն ուղղել մեծ արժեքներ ստեղծելուն։

Բայց միշտ հիշեք, որ առաջնային են ընտանեկան ու ազգային արժեքները եւ ազգային նպատակները։

Գիտելիքը երկսայր սուր է։ Այն կարող է օգնել, բայց եւ՝ վնասել, եթե չի հենվում մարդկային բարձրագույն արժեքների եւ բարոյականության վրա, որոնց հիմքում սերն է առ մարդը եւ առ բնությունը, սերն ու նվիրվածությունն առ Հայրենիքը, առ սեփական պատմությունը եւ ժողովուրդը։

Մաղթում եմ ձեզ առողջություն եւ խաղաղություն, հաջողություն եւ ամենայն բարիք։

Այս թեմայով Վերընտրվելու շնորհավորանքներն Ալիևն ընկալել է հայերի դեմ քաղաքականությունը շարունակելու եվրոպական մանդատ. Գևորգյան Նիկոլ. «տիպային կիստայի տրանսֆորմացիա». Արմեն Աշոտյան Չի դադարել պայքարս, եղել եմ, կամ ու կլինեմ այս ազգային գոյամարտի առաջնագծում․ Արմեն Աշոտյան Արմեն Ղազարյանն ընտրվել է CDCJ միգրացիայի հարցերով աշխատանքային խմբի անդամ Ի՞նչ հետևանքներ կարող է ունենալ հայ ժողովրդի համար իր հինգհազարամյա հայրենիքից ուրացումը. Արմեն Այվազյան Գրիգորյանը Լիտվայի վարչապետի խորհրդականին ներկայացրել է ՀՀ-ԱՄՆ-ԵՄ հանդիպման արդյունքները Արմեն Աշոտյանի կալանքը երկարացվեց ևս 3 ամսով ՈՒՂԻՂ. Քննվում է Արմեն Աշոտյանի խափանման միջոցի վերանայման հարցը Գրիգորյանը Ֆինլանդիայում ներկայացրել է հայ-ադրբեջանական բանակցային գործընթացի վերջին մանրամասները Ապագա Հայաստանի հաղթանակի շարժիչ ուժը երիտասարդությունն է․ Արմեն Մկրտչյան (տեսանյութ, լուսանկարներ)