Բոլորը նույն մարդուց են օղի գնել. ինչ է պատմում Արմավիրի քաղաքապետը

Անհայտ ծագման, սպառողների կյանքի և առողջության անվտանգության պահանջներին չհամապատասխանող ալկոհոլային խմիչք վաճառած Արմավիրի բնակիչ Աշոտ Հովսեփյանը նախկինում նմանատիպ որևէ գործողություն չի իրականացրել, համենայնդեպս, տեղյակ չենք եղել: Այս մասին ԼՈՒՐԵՐ.com-ին հայտնեց Արմավիր քաղաքի ղեկավար Դավիթ Խուդաթյանը:

«Ըստ իմ ունեցած տեղեկությունների՝ սպառողները միջոցառման մասնակիցներ չեն եղել, պարզապես իրենք բոլորով նույն մարդուց են օղի գնել»,- ասաց քաղաքապետը:

Խուդաթյանը նշում է՝ դեպքերը արձանագրվել են գիշերվանից, «Շտապօգնության մեքենայով մարդիկ տեղափոխվել են Արմավիրի ԲԿ նաև Երևանի բժշկական կենտրոններ: Ամենայն հավանականությամբ, մահացած 7 անձինք Արմավիր քաղաքի բնակիչներ են»,- նշեց Խուդաթյանը:

Նշենք, որ ՀՀ քննչական կոմիտեի Արմավիրի մարզային քննչական վարչությունում շարունակվում է Արմավիր քաղաքի բնակիչների թունավորման դեպքի առթիվ հարուցված քրեական գործի նախաքննությունը: Օպերատիվ միջոցառումներ են ձեռնարկվում՝ քաղաքացիների կողմից ձեռք բերված ևս 30 լիտր ալկոհոլային խմիչքը հայտնաբերելու, ինչպես նաև՝ բոլոր գնորդների ինքնությունը պարզելու ուղղությամբ:

Հիշեցնենք, որ այսօր առավոտյան՝ ժամը 8:00-ին, ՍԱՏՄ Արմավիրի մարզային կենտրոնը ահազանգ է ստացել այն մասին, որ Արմավիր բժշկական կենտրոն են տեղափոխվել քաղաքացիներ, որոնց մոտ կասկածվում է սննդային թունավորում: Ձեռնարկված միջոցառումների արդյունքում պարզվել է, որ  Արմավիր քաղաքի մի շարք բնակիչներ ձեռք են բերել անհայտ ծագման, սպառողների կյանքի և առողջության անվտանգության պահանջներին չհամապատասխանող ալկոհոլային խմիչք, որի գործածման հետևանքով թունավորվել են: 7 անձ մահացել է, ևս 3 անձ գտնվում է ծանր վիճակում:

Արփինե Հակոբյան

Այս թեմայով Բաղանիսի և Ոսկեպարի բնակիչներն այս պահին ակցիա են իրականացնում Մեծածավալ միջոցառումներ՝ «Արմավիր» քրեակատարողական հիմնարկում Վթարային ջրանջատում Արմավիր քաղաքում ապրիլի 12-ին Այսօր կրկին այցելում եմ Սյունիք՝ ՀՀ-ի ռազմավարական նշանակության և խոցելի մարզ. Ֆրանսիայի դեսպան «Արմավիր» ՔԿՀ հանձնուք տարած կնոջ մոտից հայտնաբերվել է հերոինին նմանվող զանգվածով 180 փաթեթ Խոշոր վթար Արմավիր-Սարդարապատ ճանապարհին․ կա երեք զոհ Արայիկ Հարությունյանը վերջապես կհասնի նպատակին. ո՞վ կնշանակվի ՍԱՏՄ ղեկավար. «Փաստ» ՍԱՏՄ-ն հրապարակել է ձվի արտադրության և իրացման շուկայի վերահսկողության միջանկյալ արդյունքները Արարատի կոնյակի գործարանում վերահսկողություն կիրականացվի Գյումրիում հանրային սննդի օբյեկտը կվերսկսի աշխատանքը․ ՍԱՏՄ