Ավագանու անդամները թեև չեն ծառայել բանակում, սակայն պատրաստ են համալրել աշխարհազորայինների շարքերը

Ինչպես արդեն տեղեկացրել ենք, Հայաստանի իշխանությունները նախատեսում են աշխարհազոր ստեղծել՝ մինչև 100 հազար աշխարհազորայինով։ Նախագիծն արդեն դրվել է հանրային քննարկման։ Հասարակության մի մասը դեմ է նախագիծն ընդունելուն՝ պատճառաբանելով, թե կա ԵԿՄ միություն, մյուս մասն էլ կողմ է, որովհետև կարծում են, որ միայն բանակը բավարար չէ պատերազմական գործողություններ իրականացնելու համար:

Երևանի ավագանու «Իմ քայլը» խմբակցության ղեկավար Սուրեն Էյրամջյանը ԼՈՒՐԵՐ.com-ի հետ զրույցում ասաց, որ թեև բանակում չի ծառայել, սակայն պատրաստ է համալրել աշխարհազորայինների շարքերը. «Կարծում եմ՝ այնպիսի պետություններ, ինչպիսիք են Շվեյցարիան, Իսրայելը, ունեն համանման նախագծեր և կիրառում են նման մեթոդներ, իրենք ևս հասկացել են դրա կարևորությունն ու անհրաժեշտությունը: Եվ, բնավ, պարտադիր չէ լինել պատերազմական իրավիճակում, որպեսզի հանրությունը ֆիզիկապես պատրաստ լինի»:

«Իմ քայլը» խմբակցության ավագանու անդամ Գրիգոր Երիցյանը ԼՈՒՐԵՐ.com-ի հետ զրույցում նշեց, որ, եթե օրենքն ընդունվի, և դա պարտադիր լինի, բոլորս էլ, իհարկե, պետք է դառնանք աշխարհազորի մի մասը. «Ես դեռ չեմ ուսումնասիրել նախագիծը, բայց այստեղ ցանկության հարցը չէ և եթե երկիրը պատերազմական իրավիճակում լինի՝ բոլորս էլ պետք է պաշտպանենք մեր հայրենիքը, այնպես որ այստեղ երկու պատասխան լինել չի կարող»:

«Կարծում եմ՝ պատերազմի ժամանակ բոլորս էլ պետք է միանանք և հնարավորինս աջակցենք բանակին, և ինչպես կկարողաանամ՝ օգտակար կլինեմ: Կարծում եմ՝ շատ ավելի օգտակար կլինեմ իմ մասնագիտական ունակություններով, մասնավորապես, տեղեկատվական ոլորտում, որովհետև պատերազմները, ցավոք սրտի, ոչ միայն պատերազմական դաշտում են, նաև ինֆորմացիոն տիրույթում են, միջազգային և դիվանագիտական հարթակներում: Միջազգային կազմակերպությունների հետ աշխատանք է պահանջվում և ես՝ որպես դրա մասնագտ, իհարկե, կարող եմ նաև այդ կերպ օգտակար լինել, ինչը և սովորաբար անում եմ: Երբ սահմանին իրավիճակի լարվածություն է լինում, տեղյակ ենք պահում մեր միջազգային գործընկերներին և փորձում ենք Հայաստանի դիրքորոշումը հասկանալի դարձնել նաև միջազգային հանրության համար»,- ասաց Երիցյանը:

Թեև Երիցյանը ավելի կարևոր է համարում իր մասնագիտական գործունեությունը, այնուամենայնիվ, չի բացառում որևէ կերպ իր ներգրավվածությունը աշխարհազորին, եթե դրա կարիքը լինի:

«Ընդհանրապես, հասարակության ռազմականացմանն ի սկզբանե դեմ եմ եղել և, կարծում եմ, որ յուրաքանչյուր մարդ իր պարտականությունը և աշխատանքը պետք է կատարի, բայց մենք պետք է միշտ պատրաստ լինենք ամեն ինչի: Շատ կարևոր բացեր ունենք՝ մեր բնակչությանը պատրաստելու պատերազմական իրավիճակների»,- եզրափակեց Երիցյանը:

Հիշեցնենք, որ աշխարհազորին կամավոր սկզբունքով կարող են անդամակցել մինչև 70 տարեկան քաղաքացիները։ Աշխարհազորին կարող են անդամակցել նաև կանայք, սակայն նրանք առաջին փուլում մարտական գործողություններին չեն մասնակցի։

Արփինե Հակոբյան

Այս թեմայով Փաշինյանը Ալիևի դեսպանի կարգավիճակով սպառնում է հայ ժողովրդին, եթե չանենք կլինի պատերազմ. Սուրենյանց Սա պատերազմ է մեր ինքնության դեմ, ոչ թե ուղղակի տարածքի խնդիր, մեզ ծնկի չեն բերելու. Արսեն Գրիգորյան (տեսանյութ) Իսրայելը հայտարարել է, որ պատերազմ չի ցանկանում Իրանի և Լիբանանի հետ, բայց հարձակման դեպքում պատրաստ է դրան ՆԳՆ բարեփոխումների շրջանակում ստեղծվելու է մեկ միասնական ուսումնական հաստատություն. նախագիծ Առաջարկվում է ՀՌՀ նախագահի և հանձնաժողովի անդամների գործակիցները բարձրացնել. նախագիծ Եթե պատերազմ լինի, այդ պատերազմը բերելու է Նիկոլ Փաշինյանը. Սաղաթելյան Հայաստանի տարածքում կառանձնացվեն և կընտրվեն գիտականորեն ու իրավական առումով հիմնավորված կարևոր թռչնաբանական տարածքներ. նախագիծ. «Փաստ» Թաիլանդում «պատերազմ» է սկսվել կապիկների խմբերի միջև (տեսանյութ) Նախագիծ` միտված ապաստան հայցողների իրավունքների պաշտպանությանը Տիգրան Մեծի համար «կարմիր գիծ էին» բոլոր այն տարածքները, որոնք հայաբնակ էին և մեծամասնությամբ հայ բնակչություն ունեին. «Մեր պատմությունը» նախագիծ