Մենք հեծանիվ չենք հայտնաբերել․ Վլադիմիր Վարդանյանը՝ արտակարգ դրությունից հետո պահպանվող սահմանափակումների մասին

Այս նախագիծը հնարավորություն է տալիս անցում կատարել արտակարգ դրության ռեժիմից ավելի մեղմ ռեժիմի, որը թույլ կտա երաշխավորել ավելի բնականոն պայմաններում անձի իրավունքների պաշտպանությունը, միաժամանակ համապատասխան մեխանիզմներ է սահմանում, որով հնարավոր է կանխարգելել վարակի հետագա տարածումը: Այս մասին այսօր՝ սեպտեմբերի 3-ին, ԱԺ-ում լրագրողների հետ զրույցում նշեց ԱԺ «Իմ քայլը» խմբակցության պատգամավոր, պետաիրավական հարցերի հանձնաժողովի նախագահ Վլադիմիր Վարդանյանը՝ անդրադառնալով ԱԺ արտահերթ նիստի օրակարգում ընդգրկված փաթեթին, որի ընդունումը թույլ կտա առանց արտակարգ դրությունը երկարացնելու պահպանել որոշ սահմանափակումներ:

«Մենք հեծանիվ չենք հայտնաբերել։ Այսպիսի նախագծեր կան աշխարհի շատ երկրներում, եւ մեր միջազգային գործընկերները մեզ կոչ էին արել, որ արտակարգ դրության ռեժիմից անցում կատարվի ավելի մեղմ ռեժիմի՝ պայմանով, որ սանիտարահամաճարակային իրավիճակը նման անցում թույլատրում է»,-ասաց նա:

Հարցին, թե արդյոք այս օրենքի ընդունումը հնարավորություն չի տա հետագայում, ասենք տարիներ անց, ցանկացած պահի կարանտին հայտարարել, Վլադիմիր Վարդանյանը պատասխանեց. «Կարանտինային միջոցները հայտնի ինստիտուտ են, տարբեր իրավիճակներում կիրառվել են: Հիմա փորձ է արվում անցում կատարել առավել մեղմ ռեժիմի: Մարդու իրավունքների ցանկացած սահմանափակում պետք է լինի իրավաչափ, չլինի ինքնանպատակ: Այս պահին իրավաչափ նպատակն առկա է՝ հանրային առողջության պաշտպանությունը»:

Այս թեմայով Տավուշում չեք կարող ցույց տալ որևէ տարածք, որը զիջվելու է Ադրբեջանին. Վլադիմիր Վարդանյան (տեսանյութ) Վլադիմիր Գասպարյանի դստերը շնորհված «փոխգնդապետի» կոչումն անվավեր է ճանաչվել․ Դատախազություն Ուշադիր եղեք այն ամենին, ինչ կտեսնեք առաջիկայում. Վլադիմիր Մարտիրոսյան «Կացինով սպառնացին, եթե չստորագրեմ իրենց ուզած սահմանազատման փաստաթուղթը, ապա՝ վիզս կկտրեն». Վլադիմիր Մովսիսյան. «Փաստինֆո» «Երեկոն Վլադիմիր Սոլովյովի հետ» և «Կիրակի երեկոն Վլադիմիր Սոլովյովի հետ» հաղորդումները Հայաստանում արգելափակվել են Վլադիմիր Վարդանյանը կգործուղվի Փարիզ Ահաբեկչության ցանկացած դրսևորում աներկբա անընդունելի է. նախագահը ցավակցել է Վլադիմիր Պուտինին Նիկոլ Փաշինյանը շնորհավորական ուղերձ է հղել Վլադիմիր Պուտինին նախագահի պաշտոնում վերընտրվելու առիթով Սերժ Սարգսյանը շնորհավորական ուղերձ է հղել Վլադիմիր Պուտինին Ի՞նչ հակահայկական քայլերով է աչքի ընկել Վլադիմիր Զելենսկին․ «Փաստ»