Մեծ Բրիտանիայի բնակիչներին զգուշացրել են հսկա ագրեսիվ կրետների գրոհի մասին
ԱշխարհՄեծ Բրիտանիայի բնակիչներին զգուշացրել են գերմանական «հարբած» կրետների գրոհի մասին, որոնք բավականին ագրեսիվ են, գրում է Daily Star-ը:
Պարբերականը նշում է, որ միջատները հարձակվում են մարդկանց վրա առանց որևէ պատճառի: Մասնագետների խոսքով` դրանց ի հայտ գալը կապված է ամռան շոգ եղանակի հետ: Կրետներին գրավել է նաև նեխած մրգերի առատությունը:
Վնասատուների դեմ պայքարող բրիտանական ընկերություններից մեկի ղեկավար Փոլ Գեյթսը խորհուրդ է տվել անգլիացիներին ուշադիր լինել փողոցներում և զգուշանալ այդ միջատներից հատկապես պիկնիկների ժամանակ:
Նրա խոսքով՝ տարվա այս եղանակին աշխատող կրետները դադարեցնում են բների պահպանման աշխատանքները և դուրս են գալիս «լիցքաթափվելու»:
Մասնագետը զգուշացրել է, որ դրա խայթոցը ավելի վտանգավոր է, քան սովորական կրետներինը: Նա նաև խորհուրդ է տվել այդ միջատներին հանդիպելիս չփորձել ձեռքով դրանց քշել, քանի որ այդ կերպ մարդը մեծ հավանականությամբ կդառնա ագրեսիայի օբյեկտ: