Տուրիստական ընկերությունից տուժածները մեղադրում են նաև հյուրանոցներին․ պատկան մարմինները լռում են

«Բյութի օֆ Արմենիա» տուրիստական գործակալության խարդախությունների զոհ դարձած 100-ից ավելի քաղաքացիներն իրենց խաբված են զգում ոչ միայն գործակալության տնօրեն Վահե Շահվերդյանի կողմից, այլ նաև շատ հյուրանոցների։ ԼՈՒՐԵՐ․com-ի հետ զրույցում տուժածները մեզ պատմել էին՝ որքան էլ 2×2 ակցիան գայթակղիչ է եղել, միևնույն ժամանակ անհավանական, ուստի նրանցից շատերը զանգահարել են հյուրանոցներ և հետաքրրքվել՝ արդյոք այդ ամենը իրական է, թե՞ ոչ։

«Առաջարկը միանգամից հետաքրքրեց, սակայն ապահովության համար կապ հաստատեցի նաև հյուրանոցների հետ, որտեղ պետք է մնայինք, հետաքրքրվեցինք՝ արդյո՞ք իրենք համագործակցում են «Բյութի օֆ Արմենիա»-ի հետ, թե ոչ, երբ դրական պատասխան տվեցին՝ ասելով, որ նախկինում խնդիր չի առաջացել, վստահություն ներշնչեցին»,- մեզ հետ զրույցում ասել էր տուժածներից Հ. Աղաբաբյանը։

Տուժածներին մտահոգում է այն հանգամանքը, որ աղմուկ բարձրանալուց և Վահե Շահվերդյանի անհետացումից հետո հյուրանոցները չեղարկել են ամրագրումները, ավելին՝ հրաժարվել են զեղչված արժեքներով պահել ամրագրումները։ Նրանց խոսքով՝ գուցե ոչ միտումնավոր, բայց իրենց մեղքի բաժինն ունեն հյուրանոցները։ Նրանց զարմացնում է նաև պատասխանատու օղակի՝ Զբոսաշրջության կոմիտեի լռությունը իրենց հարցի վերաբերյալ։

ԼՈՒՐԵՐ․com-ը խնդրի վերաբերյալ փորձեց մեկնաբանություն ստանալ Զբոսաշրջության կոմիտեից և պարզել՝ ի՞նչ ձևով է վերահսողություն իրականացնում ոլորտում․ «Այս օրերին ևս ստանում է ահազանգեր խնդրի վերաբերյալ։ Քանի որ գործ ունենք խարդախության դեպքի հետ, կապի մեջ ենք ոստիկանության մեր գործընկերների հետ, նրանք զբաղվում են այս հարցով։ Մենք ևս մեր հերթին հետևողական կլինենք, որ բոլոր հնչեցված ահազանգերը պատշաճ ուշադրության արժանան»,- փոխանցեցին Զբոսաշրջության կոմիտեից։

Հիշեցնենք, որ հայաստանցի զբոսաշրջիկները հայտնել էին, որ խաբվել են «Բյութի օֆ Արմենիա» տուրիստական ընկերության կողմից, քանի որ ընկերության տնօրեն Վահե Շահվերդյանը Հայաստանում ամրագրումներ անելու համար փոխանցած գումարները վերցրել ու անհետացել է։ Օգոստոսին քաղաքացիներն ամրագրումներ են կատարել հայաստանյան տարբեր հյուրանոցներում սեպտեմբերի տարբեր օրերի համար, քանի որ դեռ սեպտեմբերը չի ավարտվել հավանականությունը մեծ է, որ տուժածների թիվն էլի կավելանա։ Սակայն այս պահի դրությամբ տուժած քաղաքացիների թիվն անցնում է 100-ից։

Սոնա Հարությունյան

Այս թեմայով Նախարար Մխիթար Հայրապետյանն այցելել է «ՍոֆթԿոնստրակտ» ընկերություն Նախարար Մխիթար Հայրապետյանն այցելել է «Սինոփսիս Արմենիա» ընկերություն «Ժողովուրդ». ԱԺ պատգամավորները Գերմանիա կմեկնեն աշխատանքայի՞ն, թե՞ տուրիստական այցով Գումարային առումով կարող էին լինել 13-րդ տեղում. Բադալյանների 5 ընկերություն խոշոր հարկատուների ցանկում է. «Փաստ» Հայաստանը ռուսների համար ամենանախընտրելի տուրիստական ուղղությունն է Նոր խաբեություն. առաջարկում են օրը 20 րոպե աշխատել ու վաստկել 100 հազարից 1 միլիոն դրամ Նոր ընկերություն են գտել, որից տարօրինակ գնումներ են կատարում․ «Հրապարակ» Հեռախոսային նոր խաբեություն. զանգում են բանկի հեռախոսահամարից «Դավինչի» ՍՊ տուրիստական գործակալության կողմից հափշտակվել է շուրջ 224 մլն ՀՀ դրամ Տեղի ունեցավ Team Telecom Armenia-ի IPO-ն ազդարարող միջոցառումը. Բաժնետոմսերի տեղաբաշխողն է Ամերիաբանկը