ԱԱԾ-ն բացահայտել է պաշտոնատար անձանց կողմից խոշոր չափի կաշառք ստանալու դեպք

ՀՀ ազգային անվտանգության ծառայության աշխատակիցների կողմից ձեռնարկված օպերատիվ-հետախուզական համալիր և արդյունավետ միջոցառումների արդյունքում ձեռք են բերվել առերևույթ փաստական տվյալներ այն մասին, որ «Հայանտառ» ՊՈԱԿ-ի «Սևքար» անտառտնտեսության «Գետաշեն» անտառպետության անտառապետ Վ. Փ.-ն, հանդիսանալով պաշտոնատար անձ, օգտագործելով պաշտոնեական դիրքը, կազմակերպել է ապօրինի ծառահատումներ: Մասնավորապես՝ իր կողմից դրսևորած ակնհայտ ապօրինի գործողության և ակնհայտ ապօրինի անգործության համար Տավուշի մարզի Իջևանի տարածաշրջանի մի շարք քաղաքացիների կողմից կատարված ապօրինի ծառահատումների դիմաց նրանցից որպես կաշառք ստացել է առանձնապես խոշոր չափերի գումարներ: Միաժամանակ, անձնական այլ շահագրգռվածությունից ելնելով, որոշ դեպքերում նախնական համաձայնության գալով իրեն ենթակա անտառապահների հետ՝ նրանց դրդել է չարաշահել իրենց պաշտոնեական լիազորությունները և այդ կերպ պաշտոնեական դիրքն օգտագործել են ծառայության շահերին հակառակ. ինչպես անձամբ, այնպես էլ անտառապահների միջոցով մի շարք անձանց թույլատրել է անտառպետությունից կատարել ապօրինի ծառահատումներ, ինչի հետևանքով գույքային վնասի ձևով պետության օրինական շահերին պատճառվել է էական վնաս: 

Դեպքի առթիվ ՀՀ ԱԱԾ քննչական դեպարտամենտում ՀՀ քրեական օրենսգրքի համապատասխան հոդվածների հատկանիշներով հարուցվել է քրեական գործ, ձեռնարկվում են ակտիվ միջոցառումներ հանցավոր սխեմայում ներգրավված անձանց ամբողջական շրջանակը պարզելու, նրանցից յուրաքանչյուրի արարքն անհատականացնելու, պետությանը պատճառված վնասն ամբողջությամբ վերականգնելու, ինչպես նաև բնապահպանական շարունակական բնույթ կրող իրավախախտումները կանխարգելելու, կանխելու ուղղությամբ:

Ազգային անվտանգության ծառայությունը հետևողականորեն շարունակելու է ձեռնարկել անհրաժեշտ միջոցառումներ՝ բնության առանձին ռեսուրսների նկատմամբ հանրորեն վտանգավոր ոտնձգությունները կանխելու, կանխարգելելու և բացահայտելու ուղղությամբ և հորդորում է զերծ մնալ բնակչության բնապահպանական անվտանգության ապահովմանն ուղղված հակաիրավական գործողություններ կատարելու և անօրինական եկամուտներ ստանալու գործելաոճից:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով՝ դատարանի՝ օրինական ուժի մեջ մտած դատավճռով։

Այս թեմայով Կոռուպցիա կա, կոռուպցիա... և այնպես կա, որ նույնիսկ Արևմուտքն է բարձրաձայնում. «Փաստ» «Կոռուպցիա կա կոռուպցիա», բայց այն համակարգային չէ՞.... «Փաստ» Հայաստանի կոռուպցիայի ընկալման համաթիվը 2023-ին աճել է 1 միավորով Կոռուպցիայի և մենաշնորհների դեմ պայքարող պաշտոնյաների կյանքը լավացել է Գերակա հանրային կոռուպցիա է, ի՞նչ շահ, հանրությունն ի՞նչ շահ ունի, ճանապարհ էլ չի կառուցվում. բնակիչ «Ժողովուրդ». Քրեականի պետի սուպերմարկետները արտոնյա՞լ են. կոռուպցիա Պապիկյանը $412000-անոց տունը $168000-ով է գնել․ կոռուպցիա չկա՞․ ՔՊ-ականի մեկնաբանությունը (տեսանյութ) Մարզչի որդին՝ մարզիչ. կոռուպցիա. «Ժողովուրդ» Հայաստանում կոռուպցիայի ընկալման ինդեքսը մտահոգիչ է. Transparency International Պաշտոնյան Այվազովսկու նկար է նվեր ստանում, անգամ գինն էլ չի իմանում, սա արդյո՞ք կոռուպցիա է