«Գազպրոմ Արմենիա»-ի աշխատակիցներն ազատվում են աշխատանքից. Մարուքյանը խնդրով դիմել է ՀԾԿՀ նախագահին

«Գազպրոմ Արմենիա» ՓԲԸ բազմաթիվ աշխատակիցներ ազատվում են աշխատանքից: Այս մասին ֆեյսբուքյան իր էջում գրել է «Լուսավոր Հայաստան» խմբակցության ղեկավար Էդմոն Մարուքյանը:

Նա, մասնավորապես, նշել է. «Սիրելի՛ քաղաքացիներ,

Տեղեկացնում եմ, որ երեկ կեսօրին դիմել եմ ՀՀ ՀԾԿՀ նախագահ Գարեգին Բաղրամյանին՝ հետևյալ խնդրի առնչությամբ.

Մեզ փոխանցված տեղեկությունների համաձայն՝ «Գազպրոմ Արմենիա» ՓԲԸ բազմաթիվ աշխատակիցներ (ըստ էության՝ հսկիչներ և այլոք) ազատվում են աշխատանքից, այնինչ, ըստ տեղեկատվության աղբյուրի, վերջերս է նույն ընկերության աշխատակիցների աշխատավարձերը կրճատվել 20%-ով։

Պարզ չէ, թե ինչն է նման մասշտաբային կադրային և վարձատրության կրճատումների պատճառը, սակայն ակնհայտ է, որ ներկայիս սոցիալական ծանր պայմաններում այդքան քաղաքացու՝ առանց աշխատանք թողնելու ամենաբացասական հետևանքներն առաջնահերթ կրելու են այդ անձանց ընտանիքները, այնուհետև՝ պետությունը։

Հանձնաժողովի նախագահին խնդրել եմ իրականացնել ուսումնասիրություն՝ պարզելու համար ընկերությունում կադրային և աշխատավարձային վերոնշյալ կրճատումների պատճառներն ու գործընթացի օրինականությունը։

Պատասխան ստանալուն պես՝ այն ևս կհրապարակվի իմ պաշտոնական էջում։

Այս թեմայով Սա ծուղակ է, դադարեցրեք քննարկել Հայոց ցեղասպանության զոհերի ցուցակագրումը. Մարուքյան «Կենսաբանական մահ» ախտորոշմամբ «Արմենիա» ԲԿ է տեղափոխվել 5-ամյա երեխա ԼՂ-ում մնացած մոտ 10 հայերն այժմ ենթարկվում են հալածանքների. Մարուքյան Եթե ​​Ադրբեջանը չպատժվի, այդ թվում՝ քաղաքական և տնտեսական, երբեք չի դադարեցնի իր ագրեսիվ պահվածքը. Մարուքյան Տավուշի 4 գյուղերի մոտով անցնող մայրուղային գազատարի վերատեղադրման վերաբերյալ հարցը չի քննարկվել. «Փաստինֆո» «Լիդիան Արմենիա» ընկերությունը բաժնետոմսերի մի մասը կնվիրաբերի՞ Հայաստանին, թե՞ ոչ․ ինչու է չեղարկվել գործարքը ՆԱՏՕ-ի քարտուղարն ասում է՝ կոտորվեք, դարձեք պլացդարմ, մենք մի քանի հատ ռակետ կտանք. Մարուքյան Վարչապետն ընդունել է «ՄՏՍ-Արմենիա»-ի ղեկավարությանը Իմ տեղեկություններով` մինչև ընտրություններ սահմանադրական փոփոխություններ չեն լինելու․ Մարուքյան Մարուքյանը հայտնել է, թե ինչու է հրաժարական տվել և ինչի շուրջ է անհամաձայնություն ունեցել Փաշինյանի հետ (տեսանյութ)