«Փաստ». Ինչու էին դեմ քննիչ հանձնաժողով ստեղծելուն

«Փաստ» թերթը գրում է. «Երեկ Ազգային ժողովում քննարկվում էր կորոնավիրուսի դեմ պայքարի՝ կառավարության եւ պարետատան գործողություններն ուսումնասիրող ՀՀ ԱԺ քննիչ հանձնաժողովի անդամների թիվը սահմանելու մասին որոշումը: Այս հանձնաժողովը ձեւավորվել է պատգամավորների մեկ քառորդի նախաձեռնությամբ։ Սույն հանգամանքը բավականին բուռն արձագանք ստացավ իշխանական պատգամավորների կողմից, որոնք հնարավոր բոլոր տարբերակներով փորձեցին թիրախավորել խորհրդարանական ընդդիմության նախաձեռնությունը, այդ թվում՝ արդեն սովորական դարձած հեգնանքի միջոցով։

«Փաստ» թերթի տեղեկություններով, իշխանությունները դեռեւս մայիսից, երբ ընդդիմությունը սկսել էր այս հանձնաժողովը ձեւավորելու գաղափարը կյանքի կոչել, բավական անհանգիստ են ու լարված, քանի որ, ըստ տարբեր փորձագետների գնահատականների, մեղմ ասած, ամեն ինչ չէ, որ համավարակի դեմ պայքարում հարթ եւ օրենքի տառին համապատասխան է արված, եւ այդ գործընթացում, ըստ էության, առկա են զգալի խնդիրներ։

Մեր աղբյուրների փոխանցմամբ, հենց նման խնդիրների պատճառով է, որ իշխանության ներկայացուցիչները քննիչ հանձնաժողով ձեւավորելու հարցում վերապահումներ ունեին եւ քննադատական մոտեցում էին ցուցաբերում։

Ինչպես ցույց տվեցին քննարկումները, քանզի հանձնաժողովն արդեն ստեղծված է, իշխանությունները փորձելու են կորոնավիրուսի դեմ պայքարի ձախողման պատասխանատվությունը գցել ընդդիմության վրա, թե իբր նրանք «խանգարել են» եւ անլուրջ վերաբերմունք են ձեւավորել հանրության մեջ: Պատահական չէր, որ ընդդիմադիրներն էլ երեկ հիշեցնում էին իշխանությունների հակասական հայտարարությունները, վիրուսի նկատմամբ անլուրջ վերաբերմունքը եւ այլն»:

Այս թեմայով Թույլ տված խախտումների համար 2 քննիչ աշխատանքից ազատվել է ՔԿ նախագահի հրամաններով կոմիտեի մարզային ստորաբաժանման երկու քննիչ ազատվել է զբաղեցրած պաշտոնից Որոշվել են 2023թ. ՀՀ քննչական կոմիտեի «Տարվա ստորաբաժանում» և «Տարվա քննիչ» մրցանակակիրները «Ժողովուրդ». Արցախի պատգամավորները մտադիր են ԱԺ քննիչ հանձնաժողով ստեղծել Հայաստանի և Ադրբեջանի սահմանազատման հանձնաժողովների հանդիպումն ավարտվել է Ռուսաստանում նախկին քննիչ Լևոն Աղաջանյանը դատապարտվել է 11 տարվա ազատազրկման «Հրապարակ». Երբ պատրաստ կլինի քննիչ հանձնաժողովի զեկույցը Նարինե Ավետիսյանը չընտրվեց Կոռուպցիայի կանխարգելման հանձնաժողովի անդամի պաշտոնում «Ժողովուրդ». Քննիչ հանձնաժողովն ավարտում է իր աշխատանքը. զեկույցը՝ երկու ամիս անց «Ժողովուրդ». Ինչ խաղի կանոններ են փոխվել հիմա. ինչու Սամվել Բաբայանը եկավ քննիչ հանձնաժողով