Իշխանությունը կրթամշակութային ոլորտում հակաժողովրդական քաղաքականություն է իրականացնում

«Ազգային օրակարգ» կուսակցության համանախագահ Ավետիք Չալաբյանը ֆեյսբուքյան իր էջում գրել է․ 

«Երեկ առավոտյան մեր կուսակցության մի խումբ անդամներ բողոքի ակցիա անցկացրեցին ընդդեմ Կառավարության կողմից տարվող կրթամշակութային քաղաքականության։

Թեև վարչապետը և ԿԳՄՍ նախարարը վերջին օրերին փորձում են ներկայացնել, որ իրենք իրականացնում են բարեփոխումների քաղաքականություն, որը բախվում է «հետադիմական ռեակցիայի», իրականությունը այն է, որ ոլորտում որևէ շոշափելի բարեփոխումներ վերջին երկու տարիների ընթացքում չկան։

Փոխարենը անթաքույց փորձ է կատարվում կրթական բովանդակության մեջ նվազեցնել ազգային մշակույթային և արժեքային տարրերը, կոշտ քաղաքական վերահսկողություն հաստատել հանրային կրթական հաստատությունների նկատմամբ, նրանցից դուրս մղել անհամաձայն մտավորականներին և մասնագետներին։ Այս իշխանությունը, որն իր նախորդներին անընդհատ մեղադրում է հակաժողովրդական քաղաքականության մեջ, կրթա-մշակութային ոլորտում ամենաիսկական հակաժողովրդական քաղաքականություն է իրականացնում, և պատահական չի, որ դրա դեմ այդպիսի լայնընդգրկուն բողոքի ալիք է բարձրացել, առաջին հերթին հենց ոլորտի ներկայացուցիչների կողմից։

Մենք ոչ միայն անմասն չենք այդ բողոքից, այլև հետևողական պայքարելու ենք՝ իրական կրթական բարեփոխումների համար, ազգային հենքով և առաջադիմական, մրցունակ կրթական համակարգ ձևավորլու նպատակով։

Մենք արդեն մեր մասնավոր հիմնադրամների միջոցով այդ փորձն ունենք, մեր անդամների և աջակիցների կողմից նախաձեռնված կրթական ծրագրերը լավագույններից են երկրում, և ի տարբերություն գործող իշխանության, որի համար կրթական ոլորտը «որբի գլուխ է»․ մենք գիտենք, թե ինչպես է պետք արդիականացնել կրթական համակարգը, ինչպես է պետք համատեղել ազգայինը համամարդկայինի և առաջադիմականի հետ, ինչպես է պետք դաստիարակել ժամանակակից հայ անհատ, որի արմատները կլինեն հարազատ հողում, իսկ սաղարթը կտարածվի դեպի ողջ աշխարհը։

Մենք մրցունակ ազգային կրթության համար այս պայքարը սկսել ենք դեռ առնվազն մեկ տասնամյակ առաջ, և շարունակելու ենք ևս տասնամյակներ, այդ ճանապարհին կլինեն բազմաթիվ գործողություններ՝ կոնֆերանսներ, բողոքի ակցիաներ, հացազրույցներ, բայց և նոր կրթօջախների հիմանդրումներ, նոր կրթական ծրագրերի մշակումներ, տարբեր նորարարական փորձարկումներ՝ անընդհատ արդիականացնելու մեր կրթությունը։ Մինչ այդ, կիսվում եմ երեկվա ակցիայի որոշ պահերով, բոլորիդ լավ օր ու վճռական տրամադրություն եմ ցանկանում՝ կերտելու մեր ազգային պետությունը»։

Այս թեմայով Այս իշխանությունը մարդկանց օգտագործում է և փչացնում, պետք չէ հոգին ծախել սատանային. Չալաբյան Փաշինյանը հաստատեց՝ պատրաստվում է հանձնել Տավուշի սահմանագծի կարևոր մի հատված. Ավետիք Չալաբյան Արցախը հայաթափված և դատարկ սպասում է իր տերերին, թեև վերադարձի հեռանկարները առնվազն մշուշոտ են. Չալաբյան Նոր պատերազմի ուրվականը․ Ավետիք Չալաբյան ՔՊ-ից որոշակի նշաններ ստանում ենք, կան պատգամավորներ, ովքեր գիտակցում են եղածը. Չալաբյան Մեր ազգը իսկապես գտնվում է խորը ճգնաժամի մեջ, այդ իմաստով համաձայն եմ Սրբազան հոր հետ․ Չալաբյան Եթե Փաշինյանի իշխանությունը Րաֆֆու, Նժդեհի գրքերը խարույկների վրա այրի, չեմ զարմանա. Չալաբյան Դատարանը քաղաքական պատվեր է կատարում, վճիռն ունեին հենց սկզբից՝ մեկ տարի առաջ. Ավետիք Չալաբյան Դատարանը, գործող իշխանությունների հրահանգով, փորձում է սահմանափակել իմ հանրային-քաղաքական գործունեությունը. Չալաբյան Դատարանը վճռեց Ավետիք Չալաբյանի ազատությունը սահմանափակել 1 տարի 11 ամիս 5 օր ժամկետով