Հենզել Մկոյանի հակահայկական քայլերը՝ Ջավախքում (տեսանյութեր)
ՎրաստանՎրաստանի խորհրդարանի պատգամավոր, իշխող «Վրացական երազանք-Ժողովրդավարական Վրաստան» կուսակցության անդամ Հենզել Մկոյանը, ըստ մի խումբ ջավախքցիների, հակահայկական քայլեր է կատարում Ջավախքում: Ըստ նրանց` նա լարում է Ջավախքի հայությանը Հայաստանի և Վրաստանի ղեկավարության հետ: Հենզել Մկոյանը հայտարարություն է արել, իբր թե Հայաստանը դեմ է, որ Վրաստանը ճանաչի Հայոց ցեղասպանությունը: Եվ եթե Ջավախքի ժողովուրդը պահանջի ընդունել ցեղասպանությունը, ապա Թբիլիսին կզրկի հայերին թոշակից:
Ապրիլյան պատերազի օրերին, երբ Ադրբեջանը հերթական սադրիչ գործողություններն էր իրականացնում հարձակվելով Արցախի վրա, Հենզել Մկոյանն իր գործընկերոջ հետ, որը նույնպես պատգամավոր է, հանդիպում է կազմակերպում Ջավախքում՝ փորձելով վախեցնել ժողովրդին, որ եթե հանկարծ որևէ մեկը փորձի մասնակցել Արցախյան պատերազմին՝ կձերբակալվի: Ավելին՝ Մկոյանը նշում է նաև, եթե ցանկանան տեղադրել հուշարձաններ զոհվածների հիշատակին, ապա իրենք դա կհամարեն «խառնաշփոթային վիճակ» և թույլ չեն տա, որ դա տեղի ունենա: Նկատենք, որ Մկոյանների ընտանիքը մեծ բիզնես է ծավալել ադրբեջանական «Սոկար» ընկերության հետ, և հնարավոր է, որ կատարում է Ադրբեջանի պատվերները: