Ես չեմ ուզում որևէ կերպ մեկնաբանել Ալիևի հուզական հայտարարությունը․ Մնացականյան

Հայաստանը շատ հետևողական է եղել իր մոտեցումներում խաղաղ գործընթացի վերաբերյալ, մենք առավել քան հստակ ընդգծել ենք, որ խաղաղ գործընթացն այլընտրանք չունի, որ կարգավորումը հնարավոր է միայն խաղաղ ճանապարհով, որ այդ ամենը մենք ասում ենք բացարձակ ինքնավստահության հիման վրա, որ Հայաստանն ու Արցախը ամբողջովին հզոր են պաշտպանելու իրենց, իրենց շահերը, իրենց սահմանները: Այս մասին այսօր՝ սեպտեմբերի 21-ին, Եռաբլուր պանթեոնում լրագրողների հետ զրույցում հայտարարեց ԱԳ նախարար Զոհրաբ Մնացականյանը՝ անդրադառնալով նրան եւ ԵԱՀԿ Մինսկի խմբի համանախագահները կողմերին կոչ են արել վերադառնալ առանց նախապայմանների բանակցությունների:

«Այդ առումով մենք մնում ենք բացարձակ հավատարիմ խաղաղ կարգավորմանը: Այդ տրամաբանության մեջ է, որ մենք առավել քան պատրաստ ենք եղել եւ մնում խաղաղ  գործընթացի շարունակությանը եւ շարունակելու այն աշխատանքը, որը մենք կատարել ենք այս ողջ շրջանում: Վերջին անգամ մեր հանդիպումը եղել է հունվարին, հետո ունեցել ենք այս իրավիճակը կապված համավարակի հետ: Բայց մեր վճռականությունը շարունակելու բանակցային գործընթացը երբեք չի նվազել եւ մենք պատրաստ ենք: Երբ  կլինեն հայտարարություններ, թե ինչպես ենք շարժվում առաջ, կլինի հստակություն, մենք կհայտարարենք»,-ասաց նախարարը:

Ինչ վերաբերում է ժամկետներին, Զոհրաբ Մնացականյանն ասաց. «Մենք պատրաստ ենք շատ արագ անել, մենք հիմա խորհրդակցում ենք, խոսում ենք համանախագահների հետ, կապի մեջ ենք, կկարողանանք պայմանավորվել եւ կհայտարարենք դրա մասին»:

Դիտարկմանը, թե ինչ կասի Ալիևի հայտարարության մասին, ԱԳՆ նախարարը չմեկնաբանեց․ «Ես չեմ ուզում որևէ կերպ մեկնաբանել Ալիևի հուզական հայտարարությունը»։

Այս թեմայով Ադրբեջանի և Հայաստանի միջև սահմանի 10-12 կիլոմետրը կարելի է սահմանազատված համարել. Ալիև Ալիևը նորից «Զանգեզուրի միջանցք» է պահանջել Ադրբեջանը չի կարող ձեռքերը ծալած սպասել, մինչ Ֆրանսիան, Հնդկաստանը և Հունաստանը զինում են Հայաստանին․ Ալիև Հայկական կողմը համաձայնել է ԼՂ-ի մասին դրույթ խաղաղության համաձայնագրում չներառել․ Ալիև Բաքուն համաձայնել Է Հայաստանի և Ադրբեջանի ԱԳ նախարարների հանդիպմանը. Ալիև Շատ բան է կախված մեր երկրների փոխգործակցությունից․ Ալիևը՝ Պուտինին ԱՄՆ մի խումբ կոնգրեսականներ Ալիևի վարչակազմի դեմ պատժամիջոցների օրինագիծ են ներկայացնում Բաքուն գոհ է, թե ինչպես են լուծվում տարածաշրջանում անվտանգության հարցերը․ Ալիևը՝ Պուտինին Սերբիայի նախագահը զանգահարել է Ալիևին և աջակցություն խնդրել Խնդիրները պետք է լուծվեն Պուտին-Փաշինյան-Ալիև պայմանավորվածությունների շրջանակում. Զախարովա