Ինչի ոստիկանությունը իշխանություն չէ՞. Աշոտ Բլեյան

ՀՀ ոստիկանությունը հայց է ներկայացրել ՀՀ վարչական դատարան ընդդեմ «Մխիթար Սեբաստացի» կրթահամալիրի տնօրեն Աշոտ Բլեյանի՝ պահանջելով, որ դատարանը կրթահամալիրի տնօրենին Վարչական իրավախախտումների վերաբերյալ ՀՀ օրենսգրքի 182-րդ հոդվածի պահանջներով վարչական պատասխանատվության ենթարկի: ԼՈՒՐԵՐ․com-ի հետ զրույցում «Մխիթար Սեբաստացի» կրթահամալիրի տնօրեն Աշոտ Բլեյանը ոստիկանության գործողություններն ապօրինի է համարում։

Թե ո՞ր արարքի համար են Բլեյանի դեմ դատական հայց ներկայացրել և ո՞ր արարքն են համարվել վարչական իրավախախտում՝ նա չգիտի․ «Ես որևէ նման արարք թույլ չեմ տվել։ Կան անհիմն փաստական հանգամանքեր։ Օրինակ, իբրև թե տարածքում գտնվող ոստիկաններն ուղղակի զբոսնում էին այնտեղ և պատահական հանդիպել են մեզ, որովհետև 2 ոստիկան չի եղել, եղել է մի ամբողջ կարմիր բերետավորներ և չեմ կարծում, թե զբոսնելու համար ընտրել էին մանկապարտեզների փակ տարածքը։ Այսինքն նրանք եկել են կանչով, եկել են նախօրոք, մինչև իմ գալը։ Ես եկել և տեսել եմ մեծ թվով ոստիկանների։ Այնտեղ գրված ճիշտ բան չկա, այնտեղ ճիշտը միայն իմ, Վիգեն Ավետիսի անուն, ազագանուններն են։ Բացահայտ շանտաժ կա, որ ուսուցիչների, դպրոցի սաների աչքի առաջ բացահայտ, ապօրինի, ցուցադրաբար վարչական կալանքի են ենթարկում ինձ և Վիգեն Ավետիսի նման մտավորականին»,- ասաց նա։ 

Հարցին՝ ոստիկանության գործողություններում իշխանության միջամտությունը տեսնո՞ւմ է, Բլեյանը պատասխանեց․ «Ինչի ոստիկանությունը իշխանություն չէ՞, ինչի մասին է խոսքը։ Ցանկացած իշխանություն պատասխան է տալիս իր գործողությունների համար։ Իսկ թե ով է դրդել, ում հովանավորությամբ են արել ապօրինություն, դա արդեն դատարանի իմանալու բանն է, ես ենթադրություններ չեմ անում»,- նշեց Բլեյանը։ 

Անդրադառնալով իր և Վիգեն Ավետիսի ձերբակալությանը՝ Բլեյանը նշեց՝ այս իշխանության օրոք նման բան չէր սպասում․ «Ոչինչ, որ ինձ ձերբակալում են, որովհետև ես նման փորձ ունեմ դեռ նախկին ռեժիմի ժամանակվանից։ Այն ժամանակ չգիտեի, թե ինչու են ձերբակալում ու երբ կվերադառնամ, հետո պարզվեց երկուսուկես տարի հետո եմ վերադառնալու, իսկ այս անգամ գիտեի, որ ձերբակալում են ու չգիտեի՝ երբ եմ վերադառնալու, չնայած 3-4 ժամ հետո վերադարձա։ Տարբերությունը մեծ է, բայց երկու դեպքերում էլ գործողություններն ապօրինի էին և ես անպայման կվիճարկեմ»,- եզրափակեց «Մխիթար Սեբաստացի» կրթահամալիրի տնօրենը։ 

Հիշեցնենք, որ հուլիսի 21-ին ՀՀ Ոստիկանությունը «Մխիթար Սեբաստացի» կրթահամալիրի տնօրեն Աշոտ Բլեյանին և ևս երկու ուսուցչի բերման էին ենթարկել կրթահամալիրից և հարակից տարածքից։ Ըստ ոստիկանների՝ նրանք կարգ էին խախտել բողոքի ակցիա իրականացնելով:

Այս թեմայով Սուրեն Շահվերդյանը դիմել է ոստիկանություն. ֆեյսբուքում իր հասցեին սպառնալիքներ են հնչեցրել Ամենաշատը կարող եք հաչալ, ձեր ականջները կտեսնեք՝ իշխանություն չեք տեսնի. Ավինյանը ափերից դուրս եկավ Տղամարդը դատի է տվել 50 կանանց՝ իր մասին «բամբասելու» համար ՆԳՆ–ից արձագանքել են ոստիկանությունում մոբիլիզացիա հայտարարելու մասին տեղեկությանը Հայ դատի Եվրոպայի գրասենյակը ԵՄ-ին կոչ է անում կոնկրետ միջոցներ ձեռնարկել Հայաստանի ինքնիշխանությունն ու տարածքային ամբողջականությունը պաշտպանելու համար ԱԺ-ում չկա ընդդիմություն, երկուսն էլ իշխանություն են՝ մեկը մեծամասնություն, մյուսը՝ փոքրամասնություն ՀՀ-ում իշխանություն չկա, այստեղ հակաժողովրդավարական ռեժիմ է, 1 անձի իշխանություն. Շարմազանով Հայ ժողովուրդը պատերազմից չի վախենում, բայց հայ ժողովրդին վախեցնող իշխանություն պետք չէ․ Օհանյան Նախորդ տարի կոռուպցիոն հանցագործություններ կատարելու համար դատի է տրվել 152 պաշտոնատար անձ Քաղաքացին դիմել է ոստիկանություն և հայտնել, որ «Արթմեդ» բժշկական կենտրոնում բուժվող իր եղբոր մահվան մեղավորը բժիշկն է