Նոր նախագծով շինշիլաբուծությունը չի արգելվելու. ինչն է թերի նախագծում և ինչից են դժգոհ տնտեսվարողները

Ազգային ժողովի փոխխոսնակ Լենա Նազարյանը և «Իմ քայլը» խմբակցության պատգամավոր Մերի Գալստյանը «Կենդանիների նկատմամբ պատասխանատու վերաբերմունքի մասին» օրենքի նախագիծ են ներկայացրել։ Ըստ նախագծի հիմնավորման` օրենքի նախագծի և հարակից օրենքների նախագծերի  ընդունման  անհրաժեշտությունը պայմանավորված է այն հանգամանքով, որ ՀՀ-ում գործող օրենսդրական կարգավորումները լիարժեք չեն սահմանում և կարգավորում ոչ վայրի կենդանիների հետ կապված իրավահարաբերությունները և կենդանիների պաշտպանության իրավական մեխանիզմները:

Շինշիլաբուծությամբ զբաղվող տնտեսավարողների մոտ անհանգստություն է առաջացել, քանի որ ցանկի մեջ ներառված են նաև շինշիլաները:

Նախագծի համահեղինակ Մերի Գալստյանը ԼՈւՐԵՐ.com-ի հետ զրույցում ասաց, որ իր և Լենա Նազարյանի կողմից ներկայացված նախագիծը շինշիլաբուծության կամ այլ արտադրական նշանակության կենդանիների բուծման հետ կապված տնտեսական գործունեությունների արգելք չի սահմանում. «Օրենքն անդրադառնում է մի շարք կենդանիների տեսակներին, այսինքն` բացառապես օրենքում նշված կենդանիների հետ կապված իրավահարաբերություններին: Դրանք են տնային և թափառող կենդանիները, ծառայողական նշանակության համար օգտագործվող, ներկայացումների կամ ժամանցային նպատակներով օգտագործվող կենդանիները: Օրենքում հստակ նշված է կենդանիների այն սպառիչ ցանկը, որոնց հետ կապված իրավահարաբերություններին է ուղղված օրենքի կարգավորումը և դրանում ներառված չէ ո´չ գյուղատնտեսական, ո´չ արտադրական նշանակության կենդանիների տեսակները, հետևապես, մենք չենք կարող կարգավորել կամ արգելք սահմանել որևէ տնտեսական գործունեության, որը կապված է կոնկրետ արտադրական  կենդանատեսակի բուծման հետ»:

Պատգամավորն ընդգծում է` հասարակության շրջանում թյուր ընկալումներ են եղել, որովհետև նախագծում սահմանումները ճշգրիտ չեն, սակայն դրանք կվերանայեն, իսկ տնտեսվարողները անհանգստանալու պատճառ չունեն. «Տնային կենդանիների ցանկում ներառել ենք նաև շինշիլաներին, բայց պետք է առանձնացնենք արտադրական  նշանակության կամ բուծման համար օգտագործվող շինշիլաներին և տնային, որոնք տարբեր ենթատեսակներ են: Մենք այս սահմանման ճշգրտման ուղղությամբ ենք աշխատում հիմա, փոփոխման կենթարկենք և, ըստ այդմ, բոլոր մտահոգությունները կփարատվեն: Մեր ներկայացրած ծրագրով` խոսքը բացառապես տնային շինշիլաների մասին է, որոնք արտադրական նշանակության չեն և չեն օգտագործվում մորթի ստանալու նպատակով»:

Թեև չի արգելվելու շինշիլաբուծությունը, այնուամենայնիվ պատգամավորը առաջ քաշեց համաշխարհային միտումները, որոնց համաձայն` բնական մորթու օգտագործումը նվազում է, և մենք ևս պետք է հետևենք դրանց. «Ինձ համար կարևոր է խոսել այս թեմայի մասին այն առումով, որ բնական մորթու օգտագործումը ամբողջ աշխարհում հետզհետե նվազում է`  կապված դրա էթիկական կողմի հետ և, բացի այդ, աշխարհում շատ հայտնի նորաձևության տներ, ինչպիսիք են «Versace»-ն, «Gucci»-ն և այլն, մի քանի տարի է, ինչ հրաժարվել են բնակամ մորթու օգտագործումից հենց նույն` էթիկական նպատակներից ելնելով, ինչպես նաև դիզայներական բրենդերի արտադրության ոլորտում շատ ավելի կրեատիվ և լայն լուծումներ փնտրելու և կենդանիներին չօգտագործելու նշված  նպատակներով: Մենք ևս պետք է հաշվի առնենք համաշխարհային այս միտումը և կարևոր է, որ տնտեսվարողները հաշվի առնեն միջազգային այս տենդենցը` սպառման, ծավալների տեսանկյունից, որովհետև հնարավոր է` մի քանի տարի հետո նույնիսկ սպառման անհրաժեշտություն չլինի կամ դրանց ծավալների էական անկում լինի»:

Գալստյանը շեշտում է` նախագծում  քաղաքական որևէ երանգավորում չկա, որովհետև արգելք էլ չկա. «Շինշիլաբուծություն բառը, առհասարակ, մեր նախագծում մենք չենք օգտագործել, պարզապես տնային կենդանիների ցանկում ներառել ենք շինշիլա կենդանատեսակը և սահմանման վրա աշխատում ենք, միգուցե ավելացվի տնային անվանումը, որը առավել հասկանալի կդարձնի նախագիծը: Տնտեսական գործունեության որևէ անվանում մեր օրենքով չկա, որովհետև այն ընդհանրապես չի անդրադառնում մթերատու կենդանիներին: Այս աղմուկը բարձրացավ սահմանման հետ կապված անորոշության առումով և երբ ճշգրտենք առաջիկա շաբաթների ընթացքում, բոլոր մտահոգությունները կփարատվեն»,- եզրափակեց պատգմավորը:

Արփինե Հակոբյան

Այս թեմայով Հայաստանի ժողովրդավարությանն անհրաժեշտ է, որ Եվրոպան, ԵՄ-ն ուս ուսի կանգնած լինեն մեր կողքին. պատգամավոր Մի ոչնչություն իրեն թույլ է տվել խուլիգանական արարք պատգամավոր Հակոբ Ասլանյանի նկատմամբ․ Ալեն Սիմոնյան (տեսանյութ) Միակողմանի զիջումները թշնամուն հնարավորություն են տալու օղակի մեջ առնել Հայաստանը. պատգամավոր Սիրային կապերը սովորաբար զուգորդվում են սեռական հարաբերություններով․ պատգամավոր (տեսանյութ) ՆԳՆ բարեփոխումների շրջանակում ստեղծվելու է մեկ միասնական ուսումնական հաստատություն. նախագիծ Առաջարկվում է ՀՌՀ նախագահի և հանձնաժողովի անդամների գործակիցները բարձրացնել. նախագիծ Ես պիտի տուն գնամ ու ով փորձի խանգարել՝ իմ թշնամին է. արցախցի պատգամավոր Մահացել է ԱԺ նախկին պատգամավոր Շուշան Սարդարյանի մայրը Թանգարաններն արդեն ունեն մայր օրենք Հայաստանի տարածքում կառանձնացվեն և կընտրվեն գիտականորեն ու իրավական առումով հիմնավորված կարևոր թռչնաբանական տարածքներ. նախագիծ. «Փաստ»