Ինձ համար 9 դատավորներն էլ կարող են հավակնել թե′ նախագահի, թե′ փոխնախագահի պաշտոնում․ Շաթիրյան

Հարցը կքննարկվի ՍԴ աշխատակարգային  նիստում, բնականաբար որոշում չկա և չի էլ կարող լինել, որովհետև դատարանի թե′ նախագահի, թե′ փոխնախագահի հարցը լուծվում է փակ գաղտնի քվերակությամբ։ Այս մասին այսօր լրագրողների հետ զրույցում ասաց ՍԴ դատավոր Էդգար Շաթիրյանն անդրադառնալով այն հարցին, թե ո՞վ է լինելու ՍԴ նախագահ։ 

«Տարբեր անուններ են շրջանառվում, ես չեմ ուզում հարցը դիտարկել անձնային հարթությունում, ինձ համար 9 դատավորներն էլ կարող են հավակնել թե’ նախագահի, թե’ փոխնախագահի պաշտոնում»,-նշեց Շաթիրյանը։ 

Հարցին, թե նա հավակնո՞ւմ է այդ պաշտոնին, Շաթիրյանը հրաժարվեց պատասխանել։ 

Դիտարկմանը, թե նա երբ կոռուպցիայի կանխարգելման հանձնաժողովի նախագահ չընտրվեց, հրաժարվեց աշխատել այնտեղ, արդյոք նույն սկբունքո՞վ է առաջնորդվելու ՍԴ-ում, Շաթիրյանը պատասխանեց․ «Բնականաբար ոչ, ես քանիցս եմ ասել, որ կոռուպցիայի կախարգելման հանձնաժողովի նախագահի ընտրության գործընթացը առնվազն իմ մասով առանձին շրջանակների կողմից շահարկվեց և ցավալիորեն մինչ այսօր շարունակվում են այդ շահարկումները։ Չեմ ուզում այս պահին ոչ արդարանալ, ոչ մեկնաբանություններ ներկայացնել»։ 

Հարցին ՍԴ ճգնաժամը հանգուցալուծվե՞լ է, Շաթիրյանը պատասխանեց․ «Ես չէ, որ պետք միանշանակ գնահատական տամ այդ հարցին»։

Դիտարկմանը, թե արդյոք ՍԴ նախագահի ընտրությամբ հանգուցալուծվելո՞ւ է ՍԴ ճգնաժամը, Շաթիրյանը պատասխանեց․ «Նախ եկեք հասկանանք՝ ինչ է ճգնաժամը, ինչ դիրքորոշում էլ ներկայացնեմ, դրանք չեն կարող հավակնել բացարձակ ճշմարտության»։ 

Հարցին, թե իր ասած 9 ՍԴ դատավորների մեջ է մտնում նաև Հրայր Թովմասյանը, արդյոք նրան էլ է արժանի թեկնածու համար, Շաթիրյանը պաստախանեց․ «Ես նշեցի, որ բոլորն էլ իմ գործընկերներն են և տեղին չեմ համարում ոչ պարոն Խունդկարյանին, ոչ Թովմասյանին թիրախավորելը, բոլորն էլ կարող են հավակնել այդ պաշտոնին»։ 

Շաթիրյանը նշեց, որ իր համար կարևորն այն է, որ ՍԴ-ն անցնի բնականոն աշխատանքին, որովհետև կուտակված են բազմաթիվ գործեր։ 

Այս թեմայով Կարեն Հակոբյանը՝ Գեղարքունիքի առաջին ատյանի ընդհանուր իրավասության դատարանի դատավոր Ադրինե Ղուկասյանը՝ Վերաքննիչ քրեական դատարանի դատավոր «Ժողովուրդ». 36 կգ ոսկու եւ 293 միլիոն ռուբլու անհետացման գործով վկայի կարգավիճակում դատավոր է հարցաքննվել «Ժողովուրդ». ԲԴԽ դատավոր անդամի միակ թեկնածուն նախորդ տարի ՔՊ-ի կողմից մերժվածն է Ժենյա Նազարյանը նշանակվել է Արագածոտնի մարզի առաջին ատյանի ընդհանուր իրավասության դատարանի դատավոր Դատավոր Վահե Միսակյանին խիստ նկատողություն հայտարարվեց «Ժողովուրդ». Դատավոր Մխիթարյանի համար «ապագա կա»-ն վաղուց լուծված հարց է․ նրա ողջ ընտանիքը արդարադատական համակարգում «Ժողովուրդ». Ամենաբարձր օղակներից դատավոր Ռշտունու առաջ հարցեր են դրվել, որոնք անլուծելի են եղել բարոյականության դաշտում ԴԸԺ էթիկայի և կարգապահական հարցերի հանձնաժողովի անդամ ընտրվեց դատավոր Գայանե Խաչատրյանը Իմ նկատմամբ ճնշումներ չկան, ավելին՝ մեր դատարանում ճնշումներ երբևիցե չեն եղել. դատավոր