Մենք առ 2020 թվականի հունիսի 26-ը ՍԴ ճգնաժամ չենք ունեցել․ Արևիկ Պետրոսյան

Որեւէ առաջադրում իմ կողմից չի կատարվելու, ինքնաառաջադրում չի կատարվելու: Այս մասին այսօր՝ սեպտեմբերի 23-ին, ՍԴ-ի դիմաց լրագրողների հետ զրույցում նշեց ՍԴ դատավոր Արեւիկ Պետրոսյանը՝ անդրադառնալով ՍԴ նախագահի ընտրությանը, որը կայանալու է այսօր՝ աշխատակարգային նիստում:

Հարցին, թե ում ինքը կտա իր ձայնը, ՍԴ դատավորն ասաց. «Դեռ այս պահի դրությամբ չկան առաջադրված թեկնածուներ: Կտեսնենք, թե ովքեր կառաջադրեն իրենց թեկնածությունը, ինչպիսի ելույթներ կունենան, ինչ տեսլական են պատկերացնում, ինչպիսի գնհատական կտան ստեղծված իրավիճակին, ինչպես կպատկերացնեն ստեղծված իրավիճակի հանգուցալուծումները, ըստ այդմ  կլինի իմ մոտեցումն ու դիրքորոշումը»,-ասաց նա:

Դիտարկմանը, թե կլուծվի՞ ՍԴ ճգնաժամը, Պետրոսյանը պատասխանեց․ «Մենք առ 2020 թվականի հունիսի 26-ը ճգնաժամ չենք ունեցել։»

Արևիկ Պետրոսյանը շնորհակալություն հայտնեց Հրայր Թովմասյանին  պաշտոնավարման երկու տարիների ընթացքում ցուցաբերած բարձր պրոֆեսիոնալիզմի համար։

«ՍԴ նախագահ Հրայր Թովմասյանն իր պաշտոնավարման 2 տարիների ընթացքում իր գործունեությունն իրականացրել է այնպես, որ ՍԴ բնականոն գործունեության առումով որևէ խնդիր չի եղել: Ստեղծվել են նորմալ մարդկային, աշխատանքային փոխհարաբերություններ: ՍԴ-ն վերջին երկու տարիների ընթացքում եղել է բարդագույն իրավիճակներում: Այդ ընթացքում մենք մեր մասնագիտական առաքելությունը, սահմանադրական առաքելությունն ու արդարությունն իրականացրել ենք Հրայր Թովմասյանի՝ որպես ՍԴ նախագահի պաշտոնավարման ժամանակահատվածում»,-ասաց Պետրոսյանը:

Այս թեմայով «Ժողովուրդ». ԲԴԽ դատավոր անդամի միակ թեկնածուն նախորդ տարի ՔՊ-ի կողմից մերժվածն է Ժենյա Նազարյանը նշանակվել է Արագածոտնի մարզի առաջին ատյանի ընդհանուր իրավասության դատարանի դատավոր Փաշինյանն Արևիկ Ավոյանին ազատել է կադաստրի կոմիտեի ղեկավարի տեղակալի պաշտոնից Դատավոր Վահե Միսակյանին խիստ նկատողություն հայտարարվեց «Ժողովուրդ». Դատավոր Մխիթարյանի համար «ապագա կա»-ն վաղուց լուծված հարց է․ նրա ողջ ընտանիքը արդարադատական համակարգում «Ժողովուրդ». Ամենաբարձր օղակներից դատավոր Ռշտունու առաջ հարցեր են դրվել, որոնք անլուծելի են եղել բարոյականության դաշտում ԴԸԺ էթիկայի և կարգապահական հարցերի հանձնաժողովի անդամ ընտրվեց դատավոր Գայանե Խաչատրյանը Իմ նկատմամբ ճնշումներ չկան, ավելին՝ մեր դատարանում ճնշումներ երբևիցե չեն եղել. դատավոր Դավիթ Օհանյանը նշանակվել է Սյունիքի առաջին ատյանի ընդհանուր իրավասության դատարանի դատավոր Դավիթ Օհանյանը՝ Սյունիքի առաջին ատյանի ընդհանուր իրավասության դատարանի դատավոր