ՀՀԿ-ն կմիանա՞ ընդդիմադիր եռյակի հանրահավաքին

Ընդդիմադիր քաղաքական ուժերը՝ «Բարգավաճ Հայաստան», «Հայ հեղափոխական դաշնակցություն» և «Հայրենիք» կուսակցությունները, հայտարարել են, որ հոկտեմբերի 8-ին՝ ժամը 18։00-ին, Երևանի Ազատության հրապարակում համահայկական հանրահավաք են անցկացնելու։

«...Անցած ավելի քան երկու տարիների ընթացքում հանրության սպասելիքները չեն արդարացել։ Իշխանությունը ձախողել է ամենուրեք: Վտանգված է երկրի զարգացման հեռանկարը: Իշխող քաղաքական ուժը փաստել է մեր ազգային պետականությանն ուղղված մարտահրավերները դիմագրավելու անկարողությունը»,- ասվում է հայտարարության մեջ:

Ընդդիմադիր մյուս ուժերից փորձեցինք հասկանալ՝ արդյոք հանրահավաքին միանալու մտադրություն չունեն: «Հայաստանի հանրապետական կուսակցության» փոխնախագահ Արմեն Աշոտյանը ԼՈՒՐԵՐ.com-ի հետ զրույցում նշեց, որ իրենք, մշտապես, աշխատանքային կապ են պահպանել այլ ընդդիմադիր ուժերի և գործիչների հետ . «Այս ընթացքում ՀՀԿ-ն՝ որպես ընդդիմադիր, դաշտի հիմնական դերակատարներից մեկն է եղել: Հանրահավաքի հետ կապված մեր մասնակցելու կամ չմասնակցելու որոշումը կամ ձևաչափը դեռևս կուսակցությունում չի քննարկվել: Սա եռյակի հանրահավաքն է, կոնկրետ մեր քաղաքական մասնակցությունը հանրահավաքին ինչ ձևով կարող է լինել, արդյո՞ք կլինի այս փուլում, թե՞ ոչ, այս պահին չեմ կարող պատասխանել: Բնականաբար, ընդդիմադիր դաշտում ցանկացած խելամիտ, ակտիվ նախաձեռնություն մենք ողջունում ենք, իսկ կուսակցությունը հանրահավաքին մասնակցության հարցը կքննարկի ներքաղաքական զարգացումների համատեքստում»:

ԼՈՒՐԵՐ.com -ը զրուցել է նաեւ ՀՀԿ խոսնակ Էդուարդ Շարմազանովի հետ, ով ասաց, որ ընդդիմադիր եռյակը մի փոքր ուշացել է՝ իշխող կառավարության քաղաքականության դեմ հանրահավաք կազմակերպելու տեսանկյունից. «Ի տարբերության այսօրվա եռյակի՝  ՀՀԿ-ն առաջին իսկ օրվանից եղել է միակ քաղաքական ուժը, որը 2018 թվականի մայիսից ընդդիմություն է, և մենք պայքարել ու պայքարելու ենք հակաազգային, ապաշնորհ քաղաքականության դեմ: Մինչ օրս տեղի ունեցած ամենամեծ ընդդիմադիր հավաքը եղել է ՀՀԿ-ի կողմից՝ ի պաշտպանություն Սերժ Սարգսյանի՝  դատարանի առջև, որտեղ 3500 մարդ էր հավաքված: Այդ հանրահավաքը՝ ի աջակցություն այս իշախանությունների չէր. դրանից ավելի մեծ հանրահավաք մինչ օրս չի եղել»:

«Եթե որոշ ուժեր կոալիցիա են կազմել, ժամանակին հուշագիր են ստորագրել և հետո են հուսախաբ եղել այս կառավարության գործունեությունից՝ մենք, ի սկզբանե, եղել ենք ընդդիմություն: ՀՀԿ-ն բոլոր օրինական միջոցներով պատրաստ է պայքարել այս իշխանության դեմ, ունենք մեր ճանապարհային քարտեզը, օրակարգը և հաջողություն ենք մաղթում բոլոր ընդդիմադիր ուժերին»,- եզրափակեց Շարմազանովը:

Արփինե Հակոբյան

Այս թեմայով Էս քո համար ա հող, պարոն Փաշինյան, մեզ համար սրբազան հայրենիք ա. նոյեմբերյանցի (տեսանյութ) Նիկոլ Փաշինյան, դու վարում ես մուրացկանի քաղաքականություն, իսկ մուրացկանին ոչ թե անկախ հայրենիք, այլ ֆորպոստ էլ չի հասնում. Շարմազանով «Մա՛մ, գիտե՞ս, թե ինչ հայրենիք ունենք». կապիտան Հայկ Ղարսյանն անմահացել է հոկտեմբերի 25-ին Վարանդայում․ «Փաստ» «Հրապարակ». «Միասնական հայրենիք»-ի ղեկավար Մհեր Տերտերյանը հայտնվել է ամբաստանյալի կարգավիճակում Մենք ունենք գեր նպատակ, դա մեր հայրենիք վերադառնալն է. Մետաքսե Հակոբյան «Գարդման-Շիրվան-Նախիջևան»-ը ԵՄ-ին կոչ է անում ապահովել արցախահայերի անվտանգ վերադարձն իրենց հայրենիք Ո՞վ ա հող հանձնում, արդեն նեղում եք ինձ, ո՞վ ա Հայրենիք քանդում. ՀՀ ԶՈՒ ԳՇ պետ Եթե կառավարություն, ապա բացառապես Արցախում. «Միասնական հայրենիք» Օրինաչափ է՝ հայրենիք մերժողները Աստծուն կմերժեն. Մետաքսե Հակոբյան Հողի հանդեպ կարոտն ամենադաժանն է, իսկ հայրենիքում հայրենիք կարոտելն՝ անմարդկային տառապանք