Տպավորություն է, որ ՍԴ նախագահի ընտրությունն ուղղորդված և ծրագրված գործընթաց է. Հրայր Թովմասյան

ՍԴ դատավոր Հրայր Թովմասյանը դադարեցրել է ՍԴ աշխատակարգային նիստին իր մասնակցությունը, երբ մնացել է մեկ թեկնածու՝ Երվանդ Խունդկարյանը։ Այս մասին այսօր՝ սեպտեմբերի 24-ին, լրագրողների հետ զրույցում ասաց ՍԴ նախագահ Հրայր Թովմասյանը։

«Ինձ մոտ տպավորություն է, որ այս ամբողջն ուղղորդված ու պայմանավորված է»,- ասաց դատավորը։

Թովմասյանն ասաց, որ ՍԴ դատավոր Աշոտ Խաչատրյանի թեկնածությունն առաջադրելիս հաշվի է առել 3 գործոն.

«Ես առավոտյան ասացի, որ երեք հիմնական գործոն եմ հաշվի առնելու թեկնածուներ առաջադրելուց։ Առաջինը մարդկային հատկանիշներն էր, որոնք կարող էին այդ հարաբերությունները ստեղծել։ Վերեւում առիթ եմ ունեցել ասելու, որ դատարանի նախագահի համար շատ կարեւոր է տեսնել բաներ, որոնք մյուս դատավորները չեն տեսնի. տրամադրության անկումից սկսած, մի փոքր վատ զգալուց մինչեւ առողջական խնդիրները»։

Հրայր Թովմասյանը շեշտեց, որ դատավոր Խաչատրյանն ամենափորձառուն է. «Ես ոչ միայն առաջադրել եմ պարոն Խաչատրյանին, այլ ես յուրաքանչյուրին անդրադարձել եմ կամ գրեթե բոլորին, ասել եմ, թե ինչու իրենց չեմ առաջադրում։ Պարոն Խաչատրյանն ամենափորձառուն է, տարիքով ամենաավագն է, գիտությունների դոկտոր է եւ ունի որոշակի կառավարչական հմտություններ։ Պարոն Խաչատրյանի պաշտոնավարմանը մնացել է 2 տարի. սա կլիներ յուրօրինակ անցումային ժամանակահատված, որպեսզի դրանից հետո մնացածն իրար ավելի լավ ճանաչեին եւ ընտրություն կատարելիս չապավինեին նախկին փորձին։ Ըստ էության՝ 4 դատավորը նոր են ՍԴ-ում, որոնք իրար չեն ճանաչում կամ այդ մթնոլորտում չեն եղել։ Նախագահի գործառույթներն այս առումով որեւէ էական չեն եւ պիտի հաշվի առնել այդ հանգամանքները»։

ՍԴ դատավորն անդրադարձավ նաեւ ՍԴ դատավորների լեգիտիմության հարցին. «Ես ի սկզբանե արտահայտել եմ իմ դիրքորոշումը դատավորներից յուրաքանչյուրի նաեւ լեգիտիմության պակասի առումով եւ հստակ ֆիքսել նրանցից յուրաքանչյուրի վերաբերյալ՝ ով ինչ աստիճանի լեգիտիմության պակաս ունի։ Պարոն Խաչատրյանի թեկնածության առաջադրումը պայմանավորված էր նաեւ այդ հանգամանքով, որ ինքն այն 4 դատավորներից էր, որը լեգիտիմության պակաս չունի»։

Այս թեմայով Այսօր Արևիկ Պետրոսյանի տարեդարձն ու ՍԴ-ում նրա պաշտոնավարման վերջին օրն է․ Հրայր Թովմասյան «Հրապարակ». Հրայր Թովմասյանը ՍԴ միակ անդամն է, որ պարգևավճար չի ստանում Հրայր Թովմասյանը ՍԴ շենքի պատուհանից ողջունում է Փաշինյանի հրաժարականը պահանջող քաղաքացիներին Հայտնի է ՍԴ-ի դեմ «պատերազմի» իրական նպատակը Դա տգիտության, դավաճանության արդյունք է. Հրայր Թովմասյանը՝ նոյեմբերի 9-ի հայտարարության մասին «Ժողովուրդ»․ Վահե-Հրայր «կոալիցիա» է ձևավորվել Ես ինչ ասել եմ, իմ ասածներից որևէ բան սխալ դուրս չի եկել այս պահի դրությամբ. Թովմասյան Ցանկացած եղանակով շարունակելու եմ պայքարել. Հրայր Թովմասյան Որ դեպքում կտապալվի ՍԴ նախագահի ընտրությունը Հռոմի պապի ընտրությունների նման երևի պետք է անել. Հրայր Թովմասյանը՝ ՍԴ նախագահի ընտրության մասին