Մեր կողմում գերեվարված ոչ մի կենդանի զինվորական չկա, կան բազում դիեր․ Արծրուն Հովհաննիսյան
ՀասարակությունՈղջ գիշեր ամբողջ Արցախի երկայնքով մարտեր են ընթացել, հատկապես հյուսիս և հարավի ուղղությամբ։ Մեր զինված ուժերին հաջողվել է դիրքային նոր բարելավումներ ավելացնել, հակառակորդը բնականաբար չի հանգստացել, շարունակել է նոր գրոհեր իրականացնել, որոնք հետ են մղվել։ Այս մասին ճեպազրույցում ասաց ՀՀ ՊՆ ներկայացուցիչ Արծրուն Հովհաննիսյանը։
Մեր զինված ուժերը մղում են համառ մարտեր, այս պահի դրությամբ մոտավորապես 200 վիրավոր կա, որոնց մի մասը տեղափոխվել է Երևան։ Նրանք գտնվում են պատշաճ բժշկական վերահսկողության ներքո, տարբեր զինվորական հոսպիտալներում ու քաղաքացիական հիվանդանոցնորում։
Հովհաննիսյանը նշեց նաև՝ Ադրբեջանի կողմից իրենց դիակները տարհանելու խնդրանք չունենք:
«ՊԲ-ն տարածել էր տեսանյութ, որտեղ երեւում էին ադրբեջանական զորքերի զինծառայողների բազում դիակներ: Պաշտոնապես հայտարարվել է, որ մի քանի տասնյակ դիակներ կան մեր կողմում թողնված։ Մեր կողմում գերեվարված ոչ մի կենդանի զինվորական չկա, կան բազում դիեր»,-ասաց Հովհաննիսյանը։