Խորհրդարանական դիվանագիտության ՕԳԳ-ն. արդյո՞ք իմքայլականները հանձնեցին «թեստը»
Аналитический
Հայաստանի խորհրդարանում արդեն երկրորդ օրն է` շարունակվում են նիստերը և քննարկումները, պատգամավորները հանդես են գալիս ելույթներով և հայրենասիրական հայտարարություններով: Սակայն, շատ ավելի կարևոր է, թե ինչ են արել շուրջ երկու օրվա ընթացքում հայրենի խորհրդարանականները ի պաշտոնե՝ գլխավորելով պատվիրակություններ մի շարք միջազգային կառույցներում: Հաշվի առնելով, որ Արցախի Հանրապետության դիվանագետները և խորհրդարանականները անգամ մեծագույն ցանկության դեպքում չեն տիրապետում միջազգային հանրության վրա ազդեցության գործիքակազմով՝ Հայաստանի պաշտոնյաները այս առումով պետք է եռակի ջանքեր գործադրեին: Արդյո՞ք հավուր պատշաճի են միջազգային կազմակերպությունները տեղեկացված հայկական կողմի պաշտոնական դիրքորոշման մասին, այն մասին թե ինչ է իրականում տեղի ունենում արցախա-ադրբեջանական հակամարտ զորքերի շփման գծում:
Ինչպես հայտնի է դարձել՝ ԵԱՀԿ ԽՎ-ում հայկական պատվիրակության ղեկավար Հայկ Կոնջորյանը նամակով դիմել է կազմակերպության նախագահին,գլխավոր քարտուղարին և 57 անդամ պետությունների պատգամավորներին: Սա իհարկե ողջունելի է, սակայն նամակով դիմելը բավարար չէ,անհրաժեշտ է նաև ստանալ այսպես կոչված հետադարձ կապ, որը այս դեպքում բացակայում է, քանի որ ԵԱՀԿ ԽՎ-ն այդպես էլ չի արձագանքել ստեղծված իրավիճակին:
ԵԽԽՎ-ում մեր պատվիրակության ղեկավար Ռուբեն Ռուբինյանը հայտնել է, որ ԵԽԽՎ-ում Կիպրոսի պատվիրակության անդամ Կոնստանտինոս Էֆտաթիոն դատապարտել է Ադրբեջանի ագրեսիան: Դժվար էր պատկերացնել որ Կիպրոսի պատվիրակության ղեկավարը կարող է այլ կերպ վարվել՝ հաշվի առնելով Թուրքիայի բացահայտ ներգրավվածությունը հակամարտությանը և Թուրք-կիպրական հարաբերությունները: Սակայն ու՞ր է ԵԽԽՎ արձագանքը, ի՞նչ քայլեր են կատարվել այս ուղղությամբ՝ հասկանալի չէ:
Իմ Քայլը խմբակցության պատգամավոր Գայանե Աբրահամյանը նույնպես նամակով դիմել է Եվրանեսթի խորհրդարանական վեհաժողովին՝ տեղեկացնելով սահմանային լարվածության մասին: Սակայն որևէ արձագանք չկա, ինչը նշանակում է, որ նամակները այդքան էլ ազդեցիկ չեն եղել:
Առավել ակտիվ են եղել բարեկամական խմբերի ղեկավարները: Արդյունքում ՝ Իտալիայի Պատգամավորների պալատի անդամ, Իտալիա-Հայաստան բարեկամական խմբի նախագահ Մասիմիլիանո Կապիտանիոն խստորեն դատապարտել է Ադրբեջանի ագրեսիան։Կանադա-Հայաստան բարեկամական խմբի ղեկավար Բրայան Մեյի՝ ամբողջ բարեկամական խմբի անունից Ադրբեջանի կողմից արցախահայության դեմ սանձազերծած ագրեսիան և դրան աջակցող թուրքական պաշտոնական հռետորաբանությունը դատապարտող հայտարարություն է տարածել:
Ինչպես գիտենք, գոյություն ունի նաև այսպես կոչված` Հանրային կապերի եւ տեղեկատվության ՊՈԱԿ, որի կանոնադրությունն իսկ ենթադրում է, որ այս կառույցը պետք է զբաղվի ադբրեջանական քարոզչության դեմ հակաքարոզչական աշխատանքներով: Վերջերս ՊՈԱԿ-ին լրատվական կայք ստեղծելու համար 54 մլն դրամ փող հատկացնել՝ հանրությանը իբր այլընտրանքային տեղեկատվություն մատուցելու համար։ Սակայն ինչպես հասկանում ենք դրա տակ պատկերացնում էին միայն վիրավորանքը, հայհոյանքն ու զրպարտանքը նախկին իշխանությունների հասցեին: Իսկ այսօր, երբ արդեն պատերազմական գործողությունների երկրորդ օրն է ընթանում՝ հայտնի ՊՈԱԿ-ից որևէ ակտիվություն այդպես էլ չենք նկատում: Գուցե ժամանակն է, որպեսզի ֆեյքերի բանակը այս անգամ էլ լծվի հակաադրբեջանական քարոզը և առնվազն մի առ ժամանակ մի կողմ դնի ներքաղաքական գզվրտոցները: Անգամ տեղեկատվական միասնական կենտրոնը որը իբրև թե ղեկավարվում է այս ՊՈԱԿ-ի կողմից՝ չի կատարում իր առջև դրած պարտականությունները, քանի որ հասարակությունը շարունակում է տեղեկություն ստանալ ԱԳՆ և ՀՀ ՊՆ և Արցախի ՊԲ խողովակներով, իսկ միասնական կենտրոնը անգամ չի հասցնում գեներացնել ստացվող տեղեկատվությունը և այն մեկ հարթակով տարածել: Նույնը կարելի է ասել նաև միջազգային հարթակներում, սոցիալական ցանցերում Հայաստանի և Արցախի պաշտոնական դիրքորոշումները պաշտպանելու մասին՝ նյութերի թարգմանությամբ, տարածմամբ զբաղված են հիմնականում ինքնակազմակերպվող անհատները…
Самое популярное 
Громкое разоблачение Politico. Совместная британо-азербайджанская «операция» в Арцахе
