Հարգելի՛ Միավորված ազգերի կազմակերպություն, էս դուք լո՞ւրջ եք ասում. Զոհրաբյան

ԱԺ «Բարգավաճ Հայաստան» խմբակցության անդամ Նաիրա Զոհրաբյանը ֆեյսբուքյան էջում գրել է.

«Հարգելի՛ Միավորված ազգերի կազմակերպություն, էս դուք լո՞ւրջ եք ասում,

Թուրքիայի արտաքին գործերի նախարար Մեւլութ Չավուշօղլին, ով թուրք ամենահակահայ գործիչներից է, քիչ առաջ հայտարարեց, որ Թուրքիան պատրաստ է ուղղակի ռազմական օգնություն ցուցաբերել Ադրբեջանին՝ Լեռնային Ղարաբաղի հետ կոնֆլիկտում։

Թուրքիան մշտապես Ադրբեջանին ցուցաբերել է ուղղակի եւ անուղղակի ռազմական օգնություն եւ այս պատերազմում Թուրքիան ներգրավված է իր մարմնի բոլոր մասերով։ Մեւլութի հայտարարությանը զուգահեռ, ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը հայտարարում է, թե ՄԱԿ-ը չի կարող հաստատել կամ հերքել Լեռնային Ղարաբաղի ռազմական հակամարտությանը Թուրքիայի մասնակցության մասին ԶԼՄ -ների տեղեկությունն ու ասում, թե ՄԱԿ-ը միջոցներ չունի պարզելու Թուրքիայի մասնակցության հարցը։ Մեր բոլոր սիրելի «միջազգային հանրությունը» ոչ մի տարբերակ չունի իմանալու, որ Թուրքիան Ադրբեջանին մատակարարում է զենք, կործանիչներ եւ Սիրիայից հավաքագրում է ահաբեկիչների։

Օրը հազար անգամ Էրդողանն ու Չավուշօղլին կոնֆլիկտին ուղղակի միջամտության հայտարարություններ են անում, ՄԱԿ-ը չի ալարելու Էստոնիայի առաջարկով անվտանգության խորհրդի նիստ է հրավիրելու, բայց «վիձիտե լի», արդեն գիտեն, որ չեն կարողանալու հաստատել Թուրքիայի մասնակցությունը այս ռազմական հակամարտությանը։

Երևի ՆԱՏՕ-ն եւս, որի կարկառուն անդամ է Թուրքիան, ոչնչից տեղյակ չէ ու չգիտի, թե ինչ ռազմատեխնիկա է հենց էս պահին կրակում Արցախի դեմ։ ԱՄՆ նախկին պետքարտուղար Հենրի Քիսինջերը տեւական ժամանակ ուզում էր հասկանալ՝ եթե ինքը ցանկություն ունի խոսել Եվրոպայի հետ, ո՞ւմ պիտի զանգի։ Հիմա ինձ մոտ մեծ ցանկություն կա խոսելու «միջազգային հանրության» հետ, որպեսզի հասկանամ՝ ինչ որ մեկը բռնելո՞ւ է Թուրքիայի ձեռքը, թե՞ ինչ։

Անկեղծ՝ չգիտեմ ում զանգեմ, եւ ով է այլեւս մարդու իրավունքներից, պատերազմի մերժումից ու իր հողում ապրելու քաղաքացու անօտարելի իրավունքից խոսող այդ «միազգային հանրությունը»։

Հա, Թուրքիայի հետ «պասերով» գործակցող Ադրբեջանի ռազմական հանցագործ նախագահը Մեւլութ Չավուշօղլու հայտարարությունից հետո մի սրտաճմլիկ ճառ է ասել, թե բա Ադրբեջանի վրա հարձակումը հավասարազոր է Թուրքիայի վրա հարձակման։ Ու դարձյալ չկա կորուսյալ «միջազգային հանրությունը», որ ասի՝ յա, իրո՞ք։

ՌԴ նախագահի մամլո խոսնակը անմիջապես արձագանքել է Մեւլութ Չավուշօղլու հայտարարությանը, կոչ անելով զերծ մնալ իրավիճակի է՛լ ավելի էսկալացիայից»։

Այս թեմայով Իրենց կուռքի ստեղծած կանալիզացիոն համակարգն արդեն error է տվել. դագաղները այլևս թռչող բումերանգներ են. Զոհրաբյան Նաիրա Պետրոսյանը որոնվում է որպես անհետ կորած ՀՀ «լամպուշկա» իշխանություններից պետք է պահանջել կալանքից ազատել բոլոր քաղաքական բանտարկյալներին. Զոհրաբյան Առաջիկայում շատ լուրջ քաղաքական գործընթացներ են սպասվում․ Նաիրա Զոհրաբյան ԵԽ բանաձևերը A4 ֆորմատի վրա գրված թղթեր են․ մեզ էմոցիոնալ ճառեր պետք չեն․ Զոհրաբյան Արևմտյան դեմոքրսիի լայն ապտակը Նիկոլին․ Նաիրա Զոհրաբյան ՀՀ-ն սարքել են տարածաշրջանային բոմժ ու չմո, դրել աշխարհաքաղաքական խժռման սեղանին. Զոհրաբյան Հայց է ներկայացվել ԿԳՄՍ նախարարության դեմ․ Արա Զոհրաբյան Նիկոլն իր թիմակիցներին ասաց՝ դուք զրո եք, ոչինչ չեք որոշում. Նաիրա Զոհրաբյան Սիրտս վկայում է՝ ընտրություններից առաջ Նիկոլը կալանավորելու է իր եղբորը՝ Արտակ Փաշինյանին․ Զոհրաբյան