«Դու էլ գնա՛, մասնակցի՛ր պատերազմին, մի փամփուշտ ավել կկրակենք». Փայլանին սպառնում են

Թուրքիայի ընդդիմադիր, քրդամետ «Ժողովուրդների դեմոկրատական կուսակցության» (ԺԴԿ-HDP) հայ պատգամավոր Կարո Փայլանը անդրադարձել էր արցախա-ադրբեջանական շփման գծի երկայքնով ծավալվող լայնամասշտաբ ռազմական գործողություններին։ Նա Թուրքիայի ու Ադրբեջանի իշխանություններին մեղադրել է տեղեկությունների իսկությունը խեղաթյուրելու և հայերին ուղղված ատելության խոսքով Թուրքիայում բնակվող հայերին թիրախավորելու համար: Այդ մասին հայտնում է ermenihaber.am-ը:

Փայլանի այս հայտարարությունները բացասական արձագանք են գտել սոցցանցերի թուրք  օգտատերերի և իշխող ու աջակողմյան քաղաքական գործիչների շրջանում: 

Մինչդեռ Թուրքիայի իշխող «Արդարություն և զարգացում» կուսակցության մամուլի խոսնակ Օմեր Չելիքը, պնդում էր, թե իբր իր երկրում թույլ չեն տա, որ ինչ-որ անձինք սոցցանցերում կամ որևէ այլ հարթակներում Թուրքիայի հայ քաղաքացիներին սպառնան կամ հետապնդեն։ Նման արարքները Չելիքն անվանել էր սադրանք, որը վարկաբեկում է նաև Թուրքիային։

Չնայած խոսնակի՝ իրականությանը չհամապատասխանող խոստումներին՝ շատերը արդեն իսկ սպառնալիքներ են հնչեցնում հայ պատգամավորի հասցեին՝ նրան անվանելով Թուրքիայի թշնամի:

Twitter-ում թուրք օգտատերերից Իսմայիլ Օքը գրել է.

«Չգիտեմ՝ Գարո ես, թե՝ խեղկատակ, բայց մեր երկրում ապրելով հանդերձ դավաճանում ես: Նույնիսկ այն օդը, որը դու այս երկրում շնչում ես, թող Ձեզ հարամ լինի: Քանի Հայաստանում պատերազմ է ու նաև քո աջակցությունը վայելող PKK-ականներից 3000 հոգի գնացել են այնտեղ (խմբ. Հայաստան), դու էլ գնա մասնակցիր, իսկ մենք էլ մի փամփուշտ ավել կկրակենք»:

Թուրքիայի խորհրդարանի իշխող «Արդարություն և զարգացում» կուսակցության պատգամավոր Այշե Քեշիրը Twitter-ում անդրադառնալով Փայլանի գրառումներին, գրել է. «Կարծում եմ Կարո Փայլանը մոռացել է, որ Թուրքիայի խորհրդարանի անդամ է»:

Նախօրեին Օմեր Չելիքը Twitter-ում անդրադառնալով Թուրքիայում հայերի դեմ սպառնալիքներին, մասնավորապես գրել էր. «Շարունակելու ենք ընդդիմանալ անիրավ և անօրինական այդ գործողությանը», որը  ըստ նրա՝ սադրանք է:  

Այս թեմայով Ոսկեպարցիներից հավաքել են հեռախոսները. Սուրեն Պետրոսյանին չեն թողել մասնակցի հանդիպմանը. մանրամասներ (տեսանյութ) 44-օրյայի մասնակցի հետ ՀՀ-ում վարվում են այնպես, ինչպես Բաքվում՝ մեր գերիների հետ Բագրատ Սրբազանը չի մասնակցի Ոսկեպարում Փաշինյանի հետ հանդիպմանը ԱՄՆ-ը չի աջակցի և չի մասնակցի Իրանի դեմ որևէ հարձակողական գործողության․ Բայդենը՝ Նեթանյահուին Կիմ Չեն Ընը կոչ է արել «ավելի, քան երբևէ» պատրաստվել պատերազմին Ինչի՞ ԼՂ-ի հայ կնոջ երեխան պետք ա մասնակցի, իսկ Ադրբեջանի կնոջ երեխան` ոչ Ոչ մարտական պայմաններում վնասվածք է ստացել պայմանագրային զինծառայող. ՊՆ Հյուսիս-հարավից ի՞նչ կմնա, եթե ամեն տեղ ելք ու մուտք կառուցենք, թող գյուղացիները 2 կմ ավել քշեն 2023 թվականին կանխվել է ավելի քան 2 մլն կիբեռհարձակման փորձ. ԱԱԾ տնօրեն «Կրոկուսի» ահաբեկչության մեղադրյալներին ցմահ ազատազրկում է սպառնում