Ուկրաինայի պատգամավորը հերքում է Բաքվին աջակցելու հայտարարությունը
Foreign![Ուկրաինայի պատգամավորը հերքում է Բաքվին աջակցելու հայտարարությունը](/timthumb.php?src=disc/02-10-20/e9e04c2d7c99ce712f1b4467cdbf13a3.jpg&w=780)
Ուկրաինայի նախագահ Վլադիմիր Զելենսկու «Ժողովրդի ծառա» կուսակցությունից Գերագույն ռադայի պատգամավոր Լյուդմիլա Մարչենկոն հերքում է ԶԼՄ-ներում իր անունից տարածված հայտարարությունը, թե իբր Ուկրաինան պատրաստ է տարբեր հարթակներում աջակցել Ադրբեջանին: «Արմենպրես»-ի փոխանցմամբ՝ Մարչենկոն այս մասին հայտնել է «Ֆեյսբուք»-ի իր էջում:
«Ինչ վերաբերում է իմ խոսքերին, լրատվամիջոցները սխալ են մեկնաբանել իմ մեջբերումը, քանի որ բոլորս գիտենք՝ ինչքան հնչեղ է վերնագիրը, այնքան մեծ է նրանց վարկանիշը: Նկատի ունեմ, որ զենք տրամադրելու մասին խոսք չկար»,-գրել է Լյուդմիլա Մարչենկոն:
Նա նաև հույս է հայտնել, որ Լեռնային Ղարաբաղում հակամարտության կարգավորումը կարող է տեղի ունենալ խաղաղ ճանապարհով ՝ հիմնված միջազգային իրավունքի պահպանման վրա: «Բոլոր պետությունների ղեկավարները պետք է հիշեն, որ հիմնական գերակայությունը մարդկանց կյանքերն են»,-նշել է պատգամավորը:
![](banners/armflix.jpg)