Առաջիկայում վիրահատություն պիտի հաղթահարեմ, բարեհաջող ավարտից հետո կմիանամ ձեզ. Սուրիկ Խաչատրյան

Այս պահին գտնվում եմ բժիշկների հսկողության տակ. առաջիկայում վիրահատություն պիտի հաղթահարեմ, բարեհաջող ավարտից հետո կմիանամ ձեզ։ Այս մասին հայտարարություն է տարածել Սյունիքի նախկին մարզպետ Սուրիկ Խաչատրյան, ով այս պահին հետախուզման մեջ է:

Հայտարարության մեջ, մասնավորապես, ասվում է.

«Սիրելի՛ զինվորներ, հրամանատարներ, հայ ազգի պաշտպաններ

Ողջ ազգն է այսօր հպարտանում ձեր սխրագործություններով, առավել եւս մեր սերունդը։ Այս օրերին ձեր խիզախությամբ, քաջությամբ, հմուտ հրամանատարության, բարձրակարգ եւ հայրենասեր նախարարների պլանավորած ծրագրով ամփոփեցիք Հայոց բանակի գործունեությունը։

Մեր բանակն անցած ուղի ունի։ 1988թ–ին շատերս զենք վերցրեցինք հանուն Արցախի, հանուն արդար պայքարի։ Նրանք, ովքեր հասկանում էին սահմանը պաշտպանելու բարձր պատասխանատվությունը, կանգնեցին առաջնագծում։ Իհարկե շատ զրկանքներ կրեցինք, տարբեր փուլերում տարբեր գնհատականներ տրվեցին մեր ընթացքին, միջազգային տարբեր կարծիքներ հնչեցին, սակայն մեր կայացած բանակի առկայությունը այսօր ավելի խոսուն է, քան ասեկոսները։

Այսօր մենք ունենք հզոր բանակ նաեւ ձեր շնորհիվ։ Ես խոնարհվում եմ ձեր հայրենասիրության, խիզախության առջեւ։ Դուք կարողացաք աշխարհին ցույց տալ հայոց բազկի ուժը, նաեւ ձեր հմուտ գործունեությամբ կարողացաք քաղաքակիրթ աշխարհի բառապաշարից հանել «օկուպանտ» տերմինը։

Աստված ձեզ պահապան

Հ.Գ. Այս պահին գտնվում եմ բժիշկների հսկողության տակ։ Առաջիկայում վիրահատություն պիտի հաղթահարեմ։ Բարեհաջող ավարտից հետո կմիանամ ձեզ։

Ձեր մարտական ընկեր, հրամանատար ու գնդապետ՝ Սուրիկ Խաչատրյան»։

Այս թեմայով Բաղձալի խաղաղությունը կապահովի միմիայն հաղթանակը, պայքարը դեռ ավարտված չէ. Սուրիկ Խաչատրյան Գորիսի կրակոցների գործով իրավապահները ծեծի են ենթարկել Սուրիկ Խաչատրյանի տան պահակին. Armlur.am (տեսանյութ) Մեր ընտանիքի անվան հետ կապված սուտ տեղեկություններ են շրջանառվել․ Սուրիկ Խաչատրյան Իմ հայրենակիցներ, համախմբվե՛ք, ինքնակազմակերպվե՛ք և ձեր պայքարի ձայնը բարձրացրեք նաև Սյունիքում. Սուրիկ Խաչատրյանի կոչը Կոչ եմ անում արժանապատիվ սյունեցիներին՝ պահանջել դավաճանի հրաժարականը. Սուրիկ Խաչատրյան Երկրի սրբապիղծ ղեկավարությունը, հատկապես Նիկոլ Փաշինյանը իրավունք չունեն ոտք դնել սյունյաց հողի վրա. Սուրիկ Խաչատրյան Օրհասական է պահը. կորցնում ենք Սյունիքի կարևորագույն սահմանները. Սուրիկ Խաչատրյան Հիմա հերթը մերն է, իսկ մենք Սյունիք կորցնելու իրավունք չունենք. Սուրիկ Խաչատրյան Առաջին հնարավորության դեպքում ես էլ եմ միանալու ձեզ. Սուրիկ Խաչատրյանի ուղերձը Սյունիքում Սուրիկ Խաչատրյանի պես ղեկավարի կարիք է զգացվում