3 դիրք ազատագրելուց հետո սպա Մարատ Խաչատրյանը զոհվեց. նա ունի 2 որդի

Արցախյան մարտերում զոհվածներից է նաև Մարատ Խաչատրյանը, որը մեկնել էր Արցախ որպես պահեստազորային սպա: Նա նաև կամավոր կերպով մասնակցություն էր ունեցել Ապրիլյան քառօրյա պատերազմին: ԼՈՒՐԵՐ.com-ը կապ հաստատեց Արուսիկ Պապյանի հետ, որը նրանց ընտանիքի բարեկամն է:

Արուսիկի հետ զրույցից պարզ դարձավ, որ Մարատը սպայի կոչում էր ստացել Ապրիլյան պատերազմից հետո․«Մարատը նախքան զոհվելը հասցրել է ազատագրել երեք դիրք։ Դիրքը ազատագրել են, հետո Մարատը տանկից դուրս է եկել՝ տեսնելու մարդ կա՞ թե՞ ոչ։ Եվ այդ ժամանակամիջոցին ստանում է բեկորային վնասվածք, և նրա մոտ սկսվում է արնահոսություն։ Սակայն նրան կարողանում են բուժօգնություն  ցույց տալ միայն երկու ժամ անց, քանի որ այդ տարածքը գտնվում էր թշնամիների կողմից ակտիվ կրակի տակ»,- ասաց նա։

«Նա իմ աշակերտների հայրն էր: Բավականին բարի, ուժեղ և հայրանասեր մարդ էր Մարատը: Քաջարան քաղաքում չի գտնվի մեկը, որը տեղյակ չի լինի Մարատի բարությունից»,- նշեց Արուսիկը: 

Ընտանիքի բարեկամն ասաց նաև, որ երբ բանակի վերաբերյալ միջոցառումներ էր կազմակերպում, ծնողներից առաջինը Մարատն էր, որ մոտենում էր և հարցնում՝ ինչո՞վ օգնեմ, ի՞նչ է պետք:

Ըստ զրուցակցի՝ Մարատը ունի 2 որդի, որից մեկը 4-րդ դասարան է, իսկ մյուսը այս տարի է դպրոց ընդունվել. «Հայկը 9 տարեկան է և սովորում է գերազանց, իսկ  Տիգրանը 6 տարեկան է: Մարատի կինը աշխատում էր նախակրթարանում որպես դաստիարակչուհի»,- ասաց նա: 

Զվարթ Պետրոսյան

Այս թեմայով Ով փորձում է ջնջել պատմական մեր հիշողությունը, անիծյալ պիտի լինի նրա ու նրա ընտանիքի անունն ու հիշատակը հավիտենապես. Արշակ արքեպիսկոպոս Խաչատրյան Մեր պաշտպանության հիմքերն այդ տեղամասերում քանդվում են. Տիրան Խաչատրյանը՝ գյուղերի հանձնման մասին (տեսանյութ) Ո՞վ է իրավունք տվել Տավուշում սահմանազատում իրականացնել ու ՀՀ ԶՈՒ-ն վերատեղակալե՞լ. Արթուր Խաչատրյան Տիգրան Խաչատրյանն ընդունել է ԵԱՀԿ Մինսկի խմբի Ֆրանսիայի համանախագահին Բարբաջում եք, իշխանափոխություն ուզում, բայց հանրահավաքին 10 մարդու չեք կարողանում հավաքել․ Խաչատրյան Ոսկեպարում միասնական աղոթք հնչեց վթարի հետևանքով զոհված զինվորների հիշատակի համար Սուրբ Գայանե վանքում կկատարվի հոգեհանգստյան կարգ վթարից զոհված զինծառայողների համար ԼՂ բռնի տեղահանվածները որևէ իրավունքից չեն զրկվի, եթե դառնան ՀՀ քաղաքացի. Խաչատրյան Իմ ու Փաշինյանի ընդհանուր ծանոթ Արտակ Քամալյանի տան մոտ ոնց որ «Սմերչով» խփած լինեին. Խաչատրյան 2023 թ. սպորտում կամավոր ատեստավորում անցկացվել է 4 մասնագիտությամբ․ Գիլոյան