Հայկական կողմը կոչ է արել Իրանին թույլ չտալ ադրբեջանական ուժերին հատել Արաքսը

Հայկական կողմը կոչով դիմել է Իրանին` թույլ չտալ ադրբեջանական ուժերին հատել սահմանային Արաքս գետը: Այս մասին հոկտեմբերի 7-ին կայացած ճեպազրույցում հայտարարեց ՀՀ պաշտպանության նախարարության ներկայացուցիչ Արծրուն Հովհաննիսյանը:

Նրա խոսքով` մարտերը շարունակվել են անցած գիշեր եւ այսօր առավոտյան: Մարտերի ընթացքում թշնամին փորձել է ուժ կուտակել Արաքսի հովտում եւ անցնել հարձակման: Հետախուզությունը ժամանակին բացահայտել է հակառակորդի գործողությունները, եւ ճշգրիտ հրթիռային հարված է հասցվել:

Չեզոքացվել է լավ զինված երեք բրիգադ, ամբողջ խմբավորումը ոչնչացվել է: Հակառակորդը տասնյակ դիակներ եւ մեծ թվով զրահամեքենաներ է թողել մարտի դաշտում, այդ թվում` չվնասված: Ինչպես նշեց Հովհաննիսյանը, ադրբեջանական ստորաբաժանումները փորձում են օգտվել Արաքս սահմանամերձ գետից, այդ կապակցությամբ հայկական կողմն Իրանին կոչ է արել թույլ չտալ ադրբեջանական ուժերին հատել գետը:

Հովհաննիսյանը հայտնել է, որ եղել են նաեւ այլ դիպուկ հարվածներ, այդ թվում` նավթամթերքի բազայի ուղղությամբ: Դրա կողքին զորամասն էր, ոչնչացվել է հակառակորդի շուրջ 200 զինվոր:

Հայկական ուժերը բարելավել են իրենց դիրքերը հյուսիսային ուղղությամբ: Ընդհանուր առմամբ, մարտերը շարունակվում են: Միաժամանակ, հակառակորդը շարունակում է գնդակոծել Ստեփանակերտը եւ Արցախի այլ բնակավայրեր: «Մեր զինված ուժերը դժվարին մարտերում վստահ հաղթանակներ են տանում` չնայած նրան, որ հակառակորդը մեծ ուժեր է ներգրավում»,- ասաց Հովհաննիսյանը:

Այս թեմայով Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Էթնիկ հայերը խոշտանգվել են ադրբեջանական զինված ուժերի կողմից. լսումներ՝ ՄԱԿ-ի դատարանում (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Հայաստանի և Ադրբեջանի միջև հավասարության նշաններ դնելու ադրբեջանական փորձերն անլուրջ են և ցինիկ․ Եղիշե Կիրակոսյան